Ccangkunaw ccang 9

Pachia see hae nynh cci kang ku lang

Ae ning hynh paw cce mou cci kang ku aho? (1)

Muih saw cci kangku naw (2) ziazae cci kangku naw (3) lungthin cci kangku naw (4) pyng saw cci kangku naw (5)

yn paw bahhoi lei paw ho paw mou si hae kulang (6)

1. Pachia tuh athya ralrih paw, abeih paw mia kaw nynh muih saw langte, ziazaelangte, lungthin langte, pyng saw langte cci kuh hae sah ci yn ry. (1 Peter 1:16) Pachia mah lang cci hah heih te ung kho naw lang zua ku lang. Ae ning tuh athya lei paw lae phi kya nynh a ung oh. Pyng ra veih nynh sei ry naw lungthin kha thawte adou oh. Khah rouh ung taw nang oh.

2. Muih saw lang cci kangku naw: Zahova beih ary oh ze ame lei paw beih naw, ccangpya naw phungte zae kha phang husung lang thua kho khyh. A meli paw beihnaw kya te toiku lang zah thaw pya pya lei lang vae. (2 Korin 6:14-18; Biathlam 18:4) Ame paw Pachia kong a ny kou vae oh lang thua ze bua yn ling thui khyh naw lang hae ra ring ku lang.—2 Zan 10, 11.

3. Ziazae cci kangku naw: Zahova nynh abeihpaw miakaw ccungccaw kha Kriccaw ame paw lang tang sah yn ry. (1 Peter 2:12) A maw nynh aphite aci paw miakaw pung yn muih. (Hebru 4:13) Ae ning blyng nynh nohpi pihse seinaw, athu nung paw ozia si hae ku lang.—1 Korin 6:9-11.

4. Lungthin cci kangku naw: A lungthin atuanaw aroih naw a thya zetuh a ozia mah athya cih. (Filipi 4:8) A tua naw athya khyh ze tuh ziazae hoi lei paw nynh yn lang kuh cih. (Matu 15:18-20) Lungthin thu naw yn pya lang paw inn lae pae mah si hae ku lang. Pachia bya a ccang ku oh zetuh atua naw aroih naw mah acci hah heih cih.

5. Pyng saw cci kangku naw: Kri ccaw hae tuh Pachia o langte a ung oh kei ccu ze a ae ania alaw ku oh paw mah cci kang ku a ho. A ae dyn oh kuih sing ku lang. Eih thung te akae oh ta kyh kuih sing ku lang. Eih thung a cci ku khyh ze Lae phi phing lang. (Deuteronomy 23:12, 13) Pyng saw cci kangku naw tuh nge dangnaw. Kriccaw inn tuh ato lang a lung khu lang cei kang aho. Zakuet kya mah do suin ku langte ung aho.

6. A thya paw bahho thang ho: Pachia see hae nynh ame paw bya cci ho lang. A hyng paw tuh Pachia penaw ro ccou le lang khyh. (Efesa 4:25; Biathlam 21:8) Kriccaw tuh bahthu thangthu mang khyh. Mihraw mah dae khyh. Kang thua ung lei paw bya mah ho khyh zah ngae mah ngae khyh. Siang inn kae naw thua sah, rya law kheih naw thua sah. Inn paw kya thua sah. Ming ccang pawte lokuh khyh hae.—Efesa 4:29, 31; 5:3.

[manthlak biu 18, 19]

Pachia see hae tuh paw paw kya mah cci kangkuh cih hae