Zisu Nynh A Cyipaw Ngaengannaw Hae Kyate Pawmou Ah Ccangkuh Kho Oh?

1. Zisu nynh masaty la cyipaw ngaengannaw kong kha ho tua.

အေဒီ ၂၉ နှောင်းပိုင်း၊ ယေရှုရဲ့ အမှုဆောင်ချိန် အစပိုင်းမှာ ယေရှု၊ မိခင် မာရိနဲ့ တပည့်​တချို့ မင်္ဂလာ ဧည့်ခံပွဲ​တစ်ပွဲ ဖိတ်ခေါ်​ခံရ​ကြတယ်။ ယေရှုရဲ့​ဇာတိ နာဇရက်​မြို့ မြောက်ဘက်မှာ ရှိတဲ့ ကာန​မြို့မှာ ကျင်းပတာ​ပါ။ မင်္ဂလာပွဲ ကျင်းပတဲ့ မိသားစုနဲ့ မာရိ ခင်တယ်။ ဒါကြောင့် ဧည့်သည်​တွေ​ကို ဝိုင်းဧည့်ခံ​နေ​ပုံ​ရတယ်။ ဒါပေမဲ့ ဧည့်ခံပွဲ ကျင်းပ​နေတုန်း မင်္ဂလာ​မောင်နှံ​နဲ့ မိသားစုကို အကြီးအကျယ် အရှက်​ရစေမယ့် ပြဿနာ ပေါ်လာတယ်။ စပျစ်ဝိုင် ကုန်​သွားပြီ။b မှန်း​ထားတာ​ထက် ဧည့်သည်​အရေအတွက် ပိုများ​သွား​လို့ ဖြစ်မယ်။ ဒါနဲ့ “သူတို့မှာ ဝိုင် မရှိတော့ဘူး” ဆိုပြီး ယေရှုကို မာရိ လာ​ပြောတယ်။ (ယော. ၂:၁-၃) ယေရှု ဘာလုပ်သလဲ။ ရေ​ကို “ဝိုင် အကောင်းစား” ဖြစ်အောင် အံ့ဖွယ်​နည်းနဲ့ ပြောင်းလဲပေးလိုက်တယ်။—ယော. ၂:၉၊ ၁၀။

2-3. (a) Zisu nynh paw ngaengannaw hae mou la cyi? (b) Zisu nynh a cyipaw ngaengannaw hae kha leihla langze paw thanenaw mou a ung cih?

^၂ အမှုဆောင်ချိန်​တစ်လျှောက် တခြား​အံ့ဖွယ်အမှု အများကြီးကိုလည်း ယေရှု လုပ်ခဲ့တယ်။c အံ့ဖွယ်​တန်ခိုး သုံးပြီး လူသောင်းချီကို ကူညီပေးတယ်။ ဥပမာ၊ အံ့ဖွယ်အမှု နှစ်ခုကို​ပဲ စဉ်းစားကြည့်ပါ။ ယောက်ျား ၅,၀၀၀ ကို တစ်ခေါက်၊ ၄,၀၀၀ ကို တစ်ခေါက် အံ့ဖွယ်​နည်းနဲ့ ကျွေးမွေးတယ်။ အဲဒီမှာ ရှိတဲ့ အမျိုးသမီးတွေ၊ ကလေးတွေ​ကို​ပါ ထည့်တွက်မယ်ဆိုရင် စုစုပေါင်း ၂၇,၀၀၀ ကျော် ရှိတယ်။ (မ. ၁၄:၁၅-၂၁။ ၁၅:၃၂-၃၈) နှစ်​ခေါက်​စ​လုံး​မှာ လူနာတွေ​ကို​ပါ ကုသ​ပေးတယ်။ (မ. ၁၄:၁၄။ ၁၅:၃၀၊ ၃၁) အံ့ဖွယ်​နည်းနဲ့ ယေရှု ကုသ​ပေးလို့၊ ကျွေးမွေး​လို့ လူအုပ် သိပ်​အံ့ဩ​ခဲ့​မှာ​ပဲ။

^၃ ယေရှုရဲ့ အံ့ဖွယ်အမှုတွေကနေ ယုံကြည်ခြင်း ခိုင်ခံ့စေတဲ့ သင်ခန်းစာ​တွေ ကျွန်တော်တို့ သင်ယူနိုင်တယ်။ အံ့ဖွယ်အမှုတွေ လုပ်တဲ့​အချိန်မှာ ယေရှု ပြတဲ့ နှိမ့်ချမှု၊ ကရုဏာ​ကို အတုယူနိုင်တယ်။ ဒီအကြောင်း ဒီဆောင်းပါးမှာ ဆွေးနွေး​သွားပါမယ်။

ZAHOVA, ZISU TE ASEKUHPAW CCANGKUNAW HAE

4. Zisu nynh a cyipaw ngaengannaw hae kyate a hung hae kong zynnaw a tynsahpaw ccangkunaw hae mou a lawkuh kho oh?

^၄ “ဘုရားသခင်က [ယေရှု] ကို သန့်ရှင်းသော စွမ်းအားတော်နဲ့ ဘိသိက်ပေးပြီး တန်ခိုး​ပေးတယ်။ သူနဲ့အတူ ဘုရားသခင် ရှိတဲ့အတွက် သူဟာ တစ်ပြည်လုံး လှည့်လည်​ရင်း ကောင်းမှုတွေ ပြုပြီး မာရ်နတ် ညှဉ်းဆဲ​တဲ့​သူတွေကို ပြန်ကျန်းမာလာအောင် လုပ်ပေးခဲ့တယ်” လို့ တမန်တော် ၁၀:၃၈ မှာ ဆိုထားတယ်။ မှန်ပါတယ်၊ အံ့ဖွယ်အမှုတွေ လုပ်နိုင်​တဲ့ တန်ခိုး​ဟာ ယေဟောဝါဆီကနေ လာတာ။ ဒါ့အပြင် ယေရှု ပြောသမျှ၊ လုပ်သမျှဟာ အဖ​ဘုရားရဲ့ အတွေးအခေါ်၊ ခံစားချက်တွေကို အပြည့်အဝ ထင်ဟပ်​တယ်။ (ယော. ၁၄:၉) ဒါကြောင့် ယေရှုရဲ့ အံ့ဖွယ်အမှုတွေကနေ ယေရှုအကြောင်း​သာမက အဖ​ဘုရားအကြောင်း ယုံကြည်ခြင်း ခိုင်ခံ့စေတဲ့ သင်ခန်းစာ​တွေ ယူနိုင်တယ်။ သင်ခန်းစာ သုံးခုကို ကြည့်​ကြရအောင်။

5. Ngaengannaw hae cyi lang Zisu kha pawnynhmou a lung athosah? (Matthai 20:30-34)

^၅ ပထမ၊ ကျွန်တော်တို့ကို ယေရှုနဲ့ အဖ​ယေဟောဝါ သိပ်ချစ်တယ်။ မြေကြီးပေါ် ရှိစဉ် အံ့ဖွယ်​နည်းနဲ့ ဝေဒနာ သက်သာ​စေ​ခြင်းအားဖြင့် လူတွေကို ဘယ်လောက် ချစ်ကြောင်း ယေရှု ပြတယ်။ တစ်ခေါက်၊ မျက်မမြင် နှစ်ယောက် ယေရှုကို အော်ဟစ် အကူအညီ​တောင်း​ကြတယ်။ (မဿဲ ၂၀:၃၀-၃၄ ကို ဖတ်ပါ။) ယေရှု “သနားစိတ် ယိုဖိတ်လာတဲ့​အတွက်” သူတို့ကို ကုသ​ပေးလိုက်တယ်။ “သနားစိတ် ယိုဖိတ်” လို့ ပြန်ဆို​ထားတဲ့ ဂရိ ကြိယာ​ဟာ ရင်ထဲ၊ အသည်း​ထဲကနေ အကြီးအကျယ် ကရုဏာ သက်​တာကို ဆိုလိုတယ်။ ဆာလောင်​သူတွေကို ကျွေးမွေး​ဖို့၊ အနာကြီး ရောဂါသည်​ကို ကုသ​ပေးဖို့လည်း မေတ္တာကနေ ပေါက်ဖွား​လာတဲ့ အဲဒီ​ကရုဏာ​က​ပဲ ယေရှုကို လှုံ့ဆော်​ပေးခဲ့တာ။ (မ. ၁၅:၃၂။ မာ. ၁:၄၁) ကျွန်တော်တို့ကို ကရုဏာရှင် ယေဟောဝါဘုရားနဲ့ သားတော် သိပ်ချစ်တယ်၊ ကျွန်တော်တို့ ဒုက္ခ ကြုံနေရတာကို ကြည့်ပြီး စိတ်ထိခိုက်​တယ်၊ လူ့ပြဿနာ​အားလုံးကို သိပ်​ဖယ်ရှား​ပေးချင်​နေမယ်​ဆိုတာ စိတ်ချနိုင်ပါတယ်။—လု. ၁:၇၈။ ၁ ပေ. ၅:၇။

6. Zisu kha Pachia nynh paw thungnaw mou a pya?

^၆ ဒုတိယ၊ လူ့ပြဿနာ​အားလုံးကို ဖြေရှင်းနိုင်တဲ့ တန်ခိုး ယေရှုကို ဘုရား ပေးထားတယ်။ ကျွန်တော်တို့ ကိုယ့်​အစွမ်းအစနဲ့ ဘယ်တော့မှ ဖြေရှင်း​နိုင်​မှာ မဟုတ်တဲ့ ပြဿနာ​အားလုံးကို ယေရှု ဖြေရှင်း​ပေးနိုင်​ကြောင်း အံ့ဖွယ်အမှုတွေက သက်သေထူတယ်။ ဥပမာ၊ အမွေ​ရထားတဲ့ အပြစ်၊ အပြစ်ကြောင့် ဖြစ်ပေါ်လာတဲ့ ဖျားနာခြင်း၊ သေခြင်းကနေ ကျွန်တော်တို့ကို လွတ်မြောက်​စေနိုင်​တဲ့ တန်ခိုး ယေရှုမှာ ရှိတယ်။ (မ. ၉:၁-၆။ ရော. ၅:၁၂၊ ၁၈၊ ၁၉) “ရောဂါ​ဝေဒနာ အမျိုးမျိုးကို ကုသ​ပေး” နိုင်​တဲ့ တန်ခိုး၊ လူသေတွေကို​တောင် ပြန်ရှင်​စေနိုင်​တဲ့ တန်ခိုး ရှိတယ်။ (မ. ၄:၂၃။ ယော. ၁၁:၄၃၊ ၄၄) လေပြင်း​မုန်တိုင်းကို ငြိမ်သက်စေနိုင်တဲ့ တန်ခိုး၊ နတ်ဆိုးတွေကို နှိမ်နင်း​နိုင်​တဲ့ တန်ခိုး​လည်း ရှိတယ်။ (မာ. ၄:၃၇-၃၉။ လု. ၈:၂) သားတော်ကို ဒီလို​တန်ခိုး​မျိုး ယေဟောဝါ ပေးထားကြောင်း သိရတာ အားရှိစရာပါပဲ။

7-8. (a) Zisu nynh a cyipaw ngaengannaw hae nynh pawmou yn zyn ngansah? (b) Laephi thawpaw kya paw ngaengannaw mou na muih ry hua?

^၇ တတိယ၊ ကတိပေးထားတဲ့ နိုင်ငံတော် ကောင်းချီးတွေ ပြည့်စုံလာမယ်ဆိုတာ အပြည့်အဝ ယုံကြည်​စိတ်ချနိုင်တယ်။ မြေကြီးပေါ် ရှိစဉ် လူသား​တစ်ယောက်အနေနဲ့ အံ့ဖွယ်အမှုတွေ ယေရှု ဒီလောက် လုပ်ခဲ့တယ်​ဆိုရင် ဘုရားနိုင်ငံတော် ဘုရင်အဖြစ် အနာဂတ်မှာ ဘယ်လောက်တောင် လုပ်ပေးမယ်​ဆိုတာ သိနိုင်တယ်။ ခရစ်တော်ရဲ့ အုပ်ချုပ်မှုအောက် ခံစားရမယ့် ကောင်းချီးတွေကို စဉ်းစားကြည့်ပါ။ ရောဂါ​ဝေဒနာ​အမျိုးမျိုး၊ မသန်စွမ်းမှု​အမျိုးမျိုးကို ယေရှု ဖယ်ရှားပေးမှာမို့ ကျွန်တော်တို့ ဒေါင်ဒေါင်မြည် ကျန်းမာ​နေ​ကြ​မယ်။ (ဟေရှာ. ၃၃:၂၄။ ၃၅:၅၊ ၆။ ဗျာ. ၂၁:၃၊ ၄) ဆာလောင်မှုဒဏ်၊ သဘာဝဘေးဒဏ် ဘယ်တော့မှ မကြုံရတော့ဘူး။ (ဟေရှာ. ၂၅:၆။ မာ. ၄:၄၁) “သင်္ချိုင်းဂူ​တွေ” ကနေ ထမြောက်လာမယ့် ချစ်ရသူတွေကို ကြိုဆိုခွင့် ရလို့ ဝမ်းသာ​ကြရမယ်။ (ယော. ၅:၂၈၊ ၂၉) သင်​ကော ကမ္ဘာသစ်​မှာ ဘယ်​အံ့ဖွယ်အမှု အမြင်ချင်ဆုံးလဲ။

^၈ အံ့ဖွယ်အမှုတွေ လုပ်တဲ့အခါ ယေရှု နှိမ့်ချမှု၊ ကရုဏာ ပြတယ်။ ကျွန်တော်တို့မှာ​လည်း အဲဒီ​အရည်အသွေးတွေ ရှိသင့်တယ်။ ဥပမာ နှစ်ခု သုံးသပ်ကြရအောင်။ အရင်ဆုံး၊ ကာန​မြို့ မင်္ဂလာ ဧည့်ခံပွဲ​အကြောင်း မှတ်တမ်းကို သုံးသပ်​ကြည့်ကြစို့။

ZAKAWSANGSAKUNAW CCANGKUNAW

9. Chiapyakunaw poi kya Zisu nynh pawcce ngaengannaw la rae? (Johan 2:6-10)

^၉ ယောဟန် ၂:၆-၁၀ ကို ဖတ်ပါ။ မင်္ဂလာ ဧည့်ခံပွဲမှာ စပျစ်ဝိုင် ကုန်သွားတော့ တစ်ခုခု လုပ်ပေးဖို့ ယေရှုမှာ တာဝန် ရှိသလား။ မရှိပါဘူး။ အံ့ဖွယ်​နည်းနဲ့ ဝိုင်​ဖြစ်အောင် မေရှိယ လုပ်ပေးမယ်​ဆိုပြီး ကြိုဟောထားတာ မရှိဘူး။ ဒါပေမဲ့ ကိုယ့်​မင်္ဂလာဆောင်​မှာ​သာ အဲဒီလိုဖြစ်သွားရင် ဘယ်လို ခံစားရမလဲ မြင်ယောင်​ကြည့်ပါ။ မင်္ဂလာပွဲ ကျင်းပတဲ့ မိသားစု၊ အထူးသဖြင့် မင်္ဂလာ​မောင်နှံ​ကို ယေရှု ကရုဏာ​သက်​သွား​ပုံ ရတယ်။ သူတို့ကို အရှက်မကွဲစေချင်လို့ ဆောင်းပါးအစမှာ ဖော်ပြတဲ့​အတိုင်း အံ့ဖွယ်​နည်းနဲ့ ရေ​လီတာ ၃၉၀ (၁၀၃ ဂါလံ) လောက်ကို ဝိုင်​အကောင်းစား ဖြစ်အောင် ပြောင်းလဲပေးလိုက်တယ်။ ဧည့်ခံပွဲ ပြီးသွားရင်လည်း အိမ်​အတွက် နည်းနည်းပါးပါး ကျန်​နေ​အောင်၊ ပြန်ရောင်းလို့ ရအောင် ဒီလောက် ပမာဏ​များများ လုပ်ပေး​လိုက်တာ ဖြစ်မယ်။ ကြင်စဦး မောင်နှံ သိပ်ကျေးဇူးတင်​နေ​မှာ​ပဲ။

10. Johan alepaw 2 kya-e akonglang kha akaw aleih abang kha ho tua? (Sahkhung kha do.)

^၁၀ ယောဟန် အခန်းကြီး ၂ မှာ ပါတဲ့ မှတ်တမ်း​ထဲက အသေးစိတ် အချက်တချို့ကို သုံးသပ်ကြည့်ပါ။ ကိုယ့်ကို လူတွေ အာရုံစိုက်အောင် ယေရှု မလုပ်တာ သတိထား​မိ​သ​လား။ ကျောက်​ရေ​အိုး​တွေ​ထဲ ကိုယ်တိုင် ရေ​မ​ဖြည့်​ဘူး။ ဧည့်ခံပွဲမှာ ဝိုင်းကူ​နေသူတွေကို ဖြည့်​ခိုင်းတယ်။ (အခန်းငယ် ၆၊ ၇) ရေ​ကနေ စပျစ်ဝိုင် ပြောင်းပေးပြီးနောက်မှာလည်း ပွဲအုပ်​ဆီ ကိုယ်တိုင် ယူ​မ​သွား​ဘူး။ ဝိုင်းကူ​နေသူတွေကို ယူသွား​ခိုင်းတယ်။ (အခန်းငယ် ၈) ဝိုင်ခွက်​လေး ကိုင်၊ ဧည့်သည်​တွေ​ရှေ့ ထွက်​ရပ်ပြီး ‘အခု​လေး​တင် ကျွန်တော် ဖန်တီး​လိုက်တဲ့ ဝိုင်​လေး မြည်း​ကြည့်ပါ​ဦး’ ဆိုပြီး ဂုဏ်မဖော်ခဲ့ဘူး။

11. Zisu nynh a cyipaw ngaengannaw hae kyate pawmou ah ccangkuh kho oh?

^၁၁ ရေ​ကနေ ဝိုင်​ဖြစ်အောင် ပြောင်းလဲပေးတဲ့ ယေရှုရဲ့ အံ့ဖွယ်အမှု​ကနေ ဘာသင်ယူနိုင်သလဲ။ နှိမ့်ချမှု​ပါ။ အံ့ဖွယ်အမှု​အတွက် ယေရှု ဂုဏ်မဖော်ဘူး။ တကယ်တော့ ဘာလုပ်လုပ်​ကို ဂုဏ်မဖော်တာပါ။ နှိမ့်ချမှု ရှိရှိ အဖ​ဘုရားကို​ပဲ အမြဲ ဂုဏ်တင်​တယ်။ (ယော. ၅:၁၉၊ ၃၀။ ၈:၂၈) ကျွန်တော်တို့လည်း ယေရှုကို အတုယူပြီး နှိမ့်ချ​မယ်​ဆိုရင် ကိုယ့်​ပြီးမြောက်​အောင်မြင်မှုတွေ​အတွက် ဝါကြွား​မှာ မဟုတ်ဘူး။ ယေဟောဝါရဲ့ အမှုတော်မှာ ဘာတွေ​ပဲ လုပ်ရ လုပ်ရ မ​ဝါကြွား​ပါ​နဲ့။ အံ့ချီးဖွယ် ဘုရားအတွက် အမှုဆောင်ခွင့် ရတာကို​ပဲ ဂုဏ်ယူ​ပါ။ (ယေ. ၉:၂၃၊ ၂၄) ဘုရား အကူအညီ မပါရင် ကျွန်တော်တို့ ပြီးမြောက်အောင်မြင်နိုင်တာ ဘာမှ မ​ရှိတာမို့ ဘုရားကို​ပဲ ဂုဏ်တင်​ကြရအောင်။—၁ ကော. ၁:၂၆-၃၁။

12. Zisu zakawsangsakunaw kha dosuinkuh khonawpaw ccangpaw akong ccangkheit tuh pawmou? Tousenaw pya tua.

^၁၂ ယေရှုရဲ့ နှိမ့်ချမှုကို အတုယူ​နိုင်​တဲ့ နောက်တစ်နည်းကို သုံးသပ်ကြည့်ပါ။ ဦးဆုံး​အကြိမ် လူထုဟောပြောချက် ပေးမယ့် အသင်းတော် အမှုထမ်း ညီအစ်ကိုငယ်​တစ်ယောက်ကို အကြီးအကဲ​တစ်ယောက် အချိန် အများကြီး ပေးပြီး ကူညီပေးတယ် ဆိုပါစို့။ အကြီးအကဲ ကူညီပေးလို့ ညီအစ်ကို ဟောပြောချက် ကောင်းကောင်း ပေးနိုင်​သွားတယ်။ အသင်းတော်က ညီအစ်ကို/မတွေ သိပ်​သဘောကျကြတယ်။ အစည်းအဝေး ပြီးနောက် အကြီးအကဲ​ဆီ တစ်ယောက်ယောက် လာပြီး “ဒီနေ့ အဲဒီညီအစ်ကို​လေး ဟောပြောချက် ပေးတာ သိပ်ကောင်းတယ်နော်” လို့ ပြောတယ်။ အကြီးအကဲ​အနေနဲ့ “ဟုတ်တယ်။ ကျွန်တော် အများကြီး ကူညီပေးထားတာလေ” လို့ ပြော​သင့်​သ​လား။ ဒါမှမဟုတ် “ဟုတ်တယ်။ သိပ်တော်တယ်နော်” လို့ နှိမ့်ချစွာ ပြော​သင့်​သ​လား။ ကျွန်တော်တို့သာ နှိမ့်ချမှု ရှိတယ်ဆိုရင် တခြားသူတွေကို လုပ်ပေးသမျှအတွက် ဂုဏ်ဖော်မှာ မဟုတ်ဘူး။ ကိုယ့်လုပ်ရပ်ကို ယေဟောဝါ မြင်တယ်၊ တန်ဖိုးထားတယ်​ဆိုတဲ့ အသိ​နဲ့​တင် ကျေနပ်​နေ​မှာ။ (မဿဲ ၆:၂-၄ နဲ့ နှိုင်းယှဉ်ပါ။ ဟီ. ၁၃:၁၆) ယေရှုကို ကျွန်တော်တို့ အတုယူပြီး နှိမ့်ချမှု ပြတဲ့အခါ ယေဟောဝါ သိပ်နှစ်သက်တယ်။—၁ ပေ. ၅:၆။

THAWCCINAW CCANGKUNAW

13. Nain khuape kya Zisu nynh pawmou a muih, pawmou a cyi? (Luka 7:11-15)

^၁၃ လုကာ ၇:၁၁-၁၅ ကို ဖတ်ပါ။ အေဒီ ၃၁ မှာ ယေရှု အမှုဆောင်ရင်း နာအိန​မြို့ကို ရောက်လာတယ်။d မြို့တံခါး​နား ရောက်တော့ အသုဘ လိုက်​ပို့တဲ့ လူတန်း​ကြီး မြို့ထဲကနေ ထွက်လာတာ မြင်လိုက်ရတယ်။ မုဆိုးမ​တစ်ယောက်ရဲ့ တစ်ဦးတည်းသော သား ဆုံးသွား​တာ။ မြင်ရတာ သိပ်​ကြေကွဲစရာ​ကောင်းတယ်။ ဒါပေမဲ့ ဝမ်းနည်းပူဆွေး​နေတဲ့ မုဆိုးမ တစ်ယောက်တည်း ဖြစ်​မနေပါဘူး။ ဘေးမှာ မြို့သူ​မြို့သားတွေ ရှိနေ​ပေးကြတယ်။ လူအုပ်ကြီး​ကို ယေရှု ရပ်ခိုင်းပြီး ဝမ်းနည်းပူဆွေး​နေတဲ့ မုဆိုးမ​အတွက် အံ့ဖွယ်အမှု လုပ်ပေးလိုက်တယ်။ သားကို ရှင်ပြန်ထမြောက်ပေး​လိုက်တာပါ။ ဒါက ခရစ်ဝင်ကျမ်း​မှာ သတ်သတ်မှတ်မှတ် မှတ်တမ်းတင်ထားတဲ့ ယေရှု လုပ်ပေးခဲ့တဲ့ ရှင်ပြန်ထမြောက်ခြင်း အံ့ဖွယ်အမှု သုံးခု​ထဲက ဦးဆုံး တစ်ခု ဖြစ်တယ်။

14. Luka Alepaw 7 kya-e akonglang kha akaw aleih abang kha ho tua? (Sahkhung kha do.)

^၁၄ လုကာ အခန်းကြီး ၇ မှာ ပါတဲ့ မှတ်တမ်း​ထဲက အသေးစိတ် အချက်တချို့ကို သုံးသပ်ကြည့်ပါ။ ဝမ်းနည်းပူဆွေး​နေတဲ့ မုဆိုးမ​ကို ယေရှု “မြင်” တယ်။ အဲဒီနောက် “သနားစိတ် ယိုဖိတ်​လာ” တယ်လို့ ဖော်ပြ​ထား​တာ သတိထား​မိ​သ​လား။ (အခန်းငယ် ၁၃) သားဖြစ်သူရဲ့ အလောင်း​စင်​ဘေး​ကနေ တရှုံ့ရှုံ့ ငိုရင်း လိုက်​လာတဲ့ မုဆိုးမ​ကို မြင်ပြီး ကရုဏာ သက်​သွားတာ ဖြစ်နိုင်တယ်။ ယေရှု သနားစိတ် ဝင်ရုံလောက်ပဲ မဟုတ်ဘူး။ ကရုဏာ ရှိကြောင်း ပြတယ်။ “မငိုပါနဲ့တော့” ဆိုပြီး နှစ်သိမ့်​ပေးတဲ့ လေသံနဲ့ ပြောတယ်။ အဲဒီနောက် မုဆိုးမရဲ့ သားကို အသက်​ပြန်ရှင်စေပြီး “မိခင်​ဆီ အပ်လိုက်တယ်။”—အခန်းငယ် ၁၄၊ ၁၅။

15. Zisu nynh a cyipaw ngaengannaw hae kyate pawmou ah ccangkuh kho oh?

^၁၅ မုဆိုးမရဲ့ သားကို ရှင်ပြန်ထမြောက်ပေးတဲ့ ယေရှုရဲ့ အံ့ဖွယ်အမှု​ကနေ ဘာသင်ယူနိုင်သလဲ။ ဝမ်းနည်းပူဆွေး​နေသူတွေကို ကရုဏာ ပြရမယ်ဆိုတာ သင်ယူ​ရတယ်။ လူသေတွေ အသက်ပြန်ရှင်အောင် ယေရှုလိုတော့ ကျွန်တော်တို့ လုပ်​မပေးနိုင်ဘူး။ ဒါပေမဲ့ ဝမ်းနည်းပူဆွေး​နေသူတွေကို ယေရှုလိုပဲ အကင်းပါးပါး ကရုဏာ ပြနိုင်တယ်။ ကရုဏာ ပြနိုင်တဲ့ တစ်နည်းကတော့ သူတို့ကို ကူညီပေးဖို့၊ နှစ်သိမ့်ပေးဖို့ ကိုယ့်ဘက်​က အစပြုပြီး တစ်ခုခု ပြောပေး၊ လုပ်ပေးခြင်းပါ။e (ပညာ. ၁၇:၁၇။ ၂ ကော. ၁:၃၊ ၄။ ၁ ပေ. ၃:၈) နှစ်သိမ့်မှု ဖြစ်စေတဲ့ စကား တစ်ခွန်း၊ နှစ်ခွန်း ဖြစ်ပါစေ၊ အသေးအဖွဲ လုပ်ရပ် ဖြစ်ပါစေ သူတို့အတွက် အားပေးမှု ဖြစ်နိုင်တယ်။

16. Bua tangthuipaw sahkhung kya-e a ccanung a sungpaw a nung a tungnaw kyate pawmou a nykuh?

^၁၆ ဥပမာ၊ လွန်ခဲ့တဲ့ နှစ်​အနည်းငယ်​တုန်းက အသင်းတော် အစည်းအဝေးမှာ သီချင်းဆိုနေတုန်း မိခင်​တစ်ယောက် ငိုနေတာ​ကို ညီအစ်မ​တစ်ယောက် သတိထား​မိ​သွားတယ်။ သီချင်း​က ရှင်ပြန်ထမြောက်ခြင်း မျှော်လင့်ချက်​အကြောင်း။ အဲဒီ​မိခင်ရဲ့ သမီး​က မကြာသေးခင်​က​မှ ဆုံးသွား​တာ။ အကင်းပါး​တဲ့ ညီအစ်မ အဲဒီ​မိခင်​ဆီ ချက်ချင်း သွားပြီး ဖက်ထားပေးရင်း သီချင်း အတူတူ ဆို​ပေးတယ်။ “ညီအစ်ကို/မတွေရဲ့ မေတ္တာကို အပြည့်အဝ ခံစားရတယ်။ . . . နိုင်ငံတော်​ခန်းမ​ဆိုတာ ကျွန်မတို့ လိုအပ်တဲ့ နှစ်သိမ့်မှု​တွေ ရနိုင်တဲ့ နေရာ​ပဲ​လေ” လို့ နောက်ပိုင်းမှာ အဲဒီ​မိခင် ပြောတယ်။ အစည်းအဝေး သွား​တက်တာ မှန်သွားတယ်လို့ သူ ခံစားရတယ်။ “စိတ်ထောင်းကိုယ်ကြေ ဖြစ်​နေ” တဲ့ ဝမ်းနည်းပူဆွေး​သူတွေကို ကရုဏာ ပြတဲ့အနေနဲ့ ကျွန်တော်တို့ လုပ်တဲ့ အသေးအဖွဲ လုပ်ရပ်​လေး​တွေ​ကို​တောင် ယေဟောဝါ သတိထားမိတယ်၊ တန်ဖိုးထားတယ်ဆိုတာ စိတ်ချနိုင်ပါတယ်။—ဆာ. ၃၄:၁၈။

ZYNNAW YN TYNSAHPAW LEIHLANAW

17. E abalu kya pawkongmou ah nyh vae oh?

^၁၇ ခရစ်ဝင်ကျမ်း​တွေ​မှာ ပါတဲ့ ယေရှုရဲ့ အံ့ဖွယ်အမှုတွေ​အကြောင်း လေ့လာတာက ယုံကြည်ခြင်း ခိုင်ခံ့စေတယ်။ ကျွန်တော်တို့ကို ယေဟောဝါနဲ့ ယေရှု သိပ်ချစ်ကြောင်း၊ လူ့ပြဿနာ​အားလုံးကို ဖြေရှင်းနိုင်တဲ့ တန်ခိုး ယေရှုမှာ ရှိကြောင်း၊ ကတိပေးထားတဲ့ နိုင်ငံတော် ကောင်းချီးတွေ မကြာခင် ပြည့်စုံ​တော့မယ်ဆိုတာ အပြည့်အဝ ယုံကြည်​စိတ်ချနိုင်ကြောင်း အဲဒီ​မှတ်တမ်းတွေကနေ သိရတယ်။ အဲဒီ​မှတ်တမ်းတွေကို လေ့လာတဲ့အခါ ယေရှုရဲ့ အရည်အသွေးတွေကို ဘယ်လို အတုယူ​နိုင်​ကြောင်း စဉ်းစားပါ။ ယေရှုရဲ့ တခြား အံ့ဖွယ်အမှုတွေ​အကြောင်းလည်း ကိုယ်ပိုင်​လေ့လာမှု ဒါမှမဟုတ် မိသားစု ဝတ်ပြုမှု​မှာ လေ့လာ​ပါ။ သင်ခန်းစာ​တွေ ရှာပါ။ တခြားသူတွေကို ပြန်​ဝေမျှပါ။ ဒါဆိုရင် ကိုယ်တိုင်ရော ညီအစ်ကို/မတွေ​ပါ ယုံကြည်ခြင်း ခိုင်ခံ့​လာမှာ သေချာတယ်။—ရော. ၁:၁၁၊ ၁၂။

18. Malang abalu kya pawkongmou hokuh lang?

^၁၈ ယေရှု အမှုဆောင်ချိန် အဆုံးပိုင်းမှာ ချစ်ရတဲ့ မိတ်ဆွေ​တစ်ယောက်ကို ရှင်ပြန်ထမြောက်ပေးခဲ့တယ်။ ဒါက ကျမ်းစာမှာ မှတ်တမ်းတင်ထားတဲ့ ယေရှု လုပ်ပေးခဲ့တဲ့ ရှင်ပြန်ထမြောက်ခြင်း အံ့ဖွယ်အမှု သုံးခု​ထဲက တတိယ​မြောက် တစ်ခု ဖြစ်တယ်။ ဒါပေမဲ့ ဒီ​တစ်ခေါက် အခြေအနေက တော်တော် ထူးခြားတယ်။ အဲဒီ​မှတ်တမ်းကနေ ဘာသင်ခန်းစာ​တွေ ယူနိုင်သလဲ။ ရှင်ပြန်ထမြောက်ခြင်း မျှော်လင့်ချက်ကို ပိုယုံကြည်စိတ်ချလာဖို့ ဘာလုပ်နိုင်သလဲ။ ဒီ​မေးခွန်းတွေကို နောက်ဆောင်းပါးမှာ ဆွေးနွေးပါမယ်။