CCANGKUNAW 11

Baebu Kyate Thanenaw Patae Muekhonaw Zia

Printed Edition

A ruupaw ryalaw ccangkheit tho lang na tua lyakhe na thingphang boi tou? Ryalaw a zoihua lang byabya te beihtaraw te na cyih kho. Baebu ccaw riapaw mah tuhte nynh a loku. ‘Pawkyatemou tho lang?’ cite na tua kho. E ccangkunaw kya, Baebu rianaw te Baebu ccangkunaw kya lungpawkhonaw lang yn bung cih paw akonglang abang kha hokuh lang.

1. Baebu ccaw kha pawcce merarihte ria lang a ccang?

“BAWIPAW kawbya,” tuhkhyhze Baebu ccaw kha merarihte a riapaw tuh lungpawnaw te cyikhonaw a mue cih. (Sam 1:1-3 kha ria.) Thotakaw lya tuh ninkheit ze minute a zya te ria. Baebu kong houh nae nyh tuh Baebu rianaw kya na lung houh yn paw vae cih.

2. Baebu rianaw kyate thanenaw muekhonaw lang pawnynhmou ae bung cih?

Baebu rianaw kyate thanenaw patae muekhonaw lang sohsoh haebang te riapaw kong kha tua a hoo. Ria kele zaw khyh “tua” mah a hoo. (Joshua 1:8) Namaw te namaw hynhte khiakuh: ‘E Baebu nynh Zahova Pachia kong pawmou a ho? Ka hingnaw kya pawtemou ka mang kho cih? E Baebu kha mangte minccang paw hae kha pawtemou ka bung kho cih hae?’

3. Baebu rianaw ccyh mue lang pawmou cyi kho lang?

Baebu ria lang a ccyh pya lang na ruusah tou? Aening a lunghua tuh ah ruusah kho oh. “Accyh kha mangkuh thya” lang zuakuh. (Efesa 5:16) Baebu ccaw ria lang nintakyh a ccyh na khyakuh kho. Abang tuh awkhua kya a ria hae. Abang tuh ninthu ae ccyh kya a ria hae. Khuazi i dyn a ria hae paw mah a ung. Na hanglang soh paw ccyh kya mou ahoyhua?

HOUH CCANGKUH LANG HOUH MUIH LANG

Baebu ccaw houh ria rynaw lang pawmou cyi kho lang, Baebu ccangkunaw kyate thanenaw patae muekhonaw lang pawtemou paccynkuh kho lang cipaw kha ccangkuh tua.

Collage: A ccyh ccyhkheit kya aepaw ry lang a ccangkupaw imohpaw lukheit. 1. Imohpaw nynh aepaw a zuenaw. 2. Nyalang tuh imohpaw aepaw a ae. 3. Yn lehua tetuh imohpaw nynh aepaw kha ry zah a ae cciamang. — Ae boi leipaw aepaw kha ae tua liate ry kho hawte lungpaw te Baebu ria lang cyi kho a thua

4. Baebu rianaw kya na lungpawnaw lang zuakuh

Baebu ria takaw tuh a ruu kho. Thuasalama, ae boi leipaw aepaw kha ae tua liate ry kho hawte Baebu kha “peki” te ria rynaw thinglung yn ung kho. 1 Peter 2:2 kha ria tuhkoute e bakhianaw kha hokuh oh:

Nintakyh Baebu ria langze lungpaw te ria rynaw thinglung yn ung cih cite na tua tou?

Baebu rianaw kya lungpawnaw lang ccungccaw abang nynh pawmou a cyi hae cipaw ny lang Video kha pia. Tuhkoute akaw lang-e bakhianaw hae kha hokuh oh.

VIDEO: Pachia Bya Sungsah Lang A Ccangkuh Cciamang Hae Paw Ngawphue Hae (5:33)

E video kya ngawphue hae nynh paw ruunaw hae mou a la tae kho hae?
Baebu merarihte ria lang cipaw mih eenaw kha cyi kho lang pawnynhmou a bung hae?
Baebu houh ria rynaw lang pawmou la cyi hae?

Baebu rianaw thonaw lang tuanaw pyanaw hae:

Kyh zah amepaw atu she mangpaw Baebu kha pokuh. Maw bya te Laephithaw Leihnaw Baebu ung ze ria.
Na ryhuapaw phianaw kha ria ty. Tousenaw lang “Baebu Rianaw” ccahzing kha do.
Hohzeihmou ka ria kou vae cipaw kha zei. E ccah-uh kya-e “Hohzeihmou Ka Ria Kou Vae” ccahzing kha mang.
JW Library^® app kha mang. Tuhte zetuh, Baebu kha pawpaw kya mah phone te thuasah tablet te thuasah ria te na ngae kho.
Laephithaw Leihnaw Baebu kya-e piachihpaw kha mang. E kya-e laephi ram (map), ccahzing te asuilang hae nynh Baebu kha houh ae riasah ry cih.

5. Baebu ccangkunaw hanglang paccynkuh ty

Sam 119:34 kha ria tuhkoute e bakhianaw kha hokuh oh:

Baebu ria maw, Baebu ccangkunaw hanglang paccynkuh maw pawcce sawsang lang a ccang?

Baebu ccangkunaw kyate thanenaw patae muekhonaw lang pawmou cyi lang? Ccangkunaw ccangkheit kha paccynkuh vae ze, akaw lang-e akong hae kha cyitua lang zuakuh:

Ccangkunaw e a thonaw rianaw hae kha ria.
Baebu ccaw hae kha ria. Akonglang te pawtemou asekuh cipaw thaethya lang zuakuh.
Bakhianaw aphi kya-e abapi bya, byaccang hae kha ringkuh; tuhte zetuh Baebu ae ccangpahtupaw te hokuh lang a zoi cih.

Collage: Baebu ccangkunaw hanglang a paccynkuh cciamang paw nopinung. A. Ccangkunaw e a thonaw ccah-mae kha a ria. B. Langsapaw Baebu ccaw kha amaw Baebu kyate a ria. C. Ccangkunaw kya-e abapi bya hae te byaccang hae kha a ring.

Na nyh tou?

Zahova Ccaeccei hae nynh Baebu leihnaw a phuinphuin kha a mang hae. Thuasalama kyh zah a ccaepaw, Pachia min a mangkupaw Laephithaw Leihnaw Baebu kha houh a ryhua hae.— “Zahova Ccaeccei Hae Tuh Mihmaw Tho Hae Paw Baebu A Hoi Hae Tou?” Website ccaw kha do.

CCUNGCCAW ABANG NYNH HO HAE PAW: “Baebu ccangkuh lang a ccyh ung khyh. Thawbang lang ung.”

Nangso pawtemou na tua?

ADYNGNAWTE

Baebu kyate thanenaw patae muekhonaw lang rianaw ccyh kha ccahzing soikuh, riapaw kong kha thaethyanaw lang sawsangkuh lah Baebu ccangkunaw hanglang paccynkuh tou.