CCANGKUNAW 09
Sawsangnaw Liate Pachia Te Naekuh
Hingnaw kya langhroinaw a hoo cite na tua boi tou? Azicipaw paw bakhianaw hae aphi mou na ny ry? Soihbianaw na hoo tou? Zahova te houh na naekuh ry tou. Tuh-e hae balyn kha sawsangnaw liate na mue kho. Tuhte thua langze ame langte pawtemou sawsang lang? Sawsangnaw miakaw kha Pachia nynh a ngae tou? Na sawsangnaw kha Pachia nynh a ngaenaw lang pawmou cyi lang? Do tua si.
1. A hung kalang mou sawsang lang, paw hanglang mou saw ah sang kho oh?
Vaawlang khua ungpaw Paaw lukheit kalang kele nynh sawsang lang cite Zisu nynh yn ccangpya. Zisu maw nynh mah Zahova kalang nynh saw a sang. Hynhte a ci: “Tuhkeiccuze hynhcite sawsang oh: ‘Vaawlang khua umpaw kaening Paaw . . .’” (Matthai 6:9) Saw ah sang oh ze Zahova te houh naekuh kho lang.
Pawpaw hanglang mah sawsang kho a thua. A rynaw hawte sawsangnaw hae kha Pachia nynh a ngae. “Amaw rynaw thyhte ccangkhakheit kha a ngiaku oh ze, Pachia nynh oun thaepya.” (1 Johan 5:14) Paw hae hanglang mou sawsang lang cipaw Zisu nynh yn ccangpya. (Matthai 6:9-13 kha ria.) Paraeveih hanglang sawsang kho thuazah Pachia nynh aening elang yn cyipyapaw hae hanglang lungtuanaw kong mah sawsang kho a thua. Minccangpaw hae kha bungnaw lang mah sawsang kho a thua.
2. Pawtemou sawsang lang a ccang?
Baebu nynh “nae thinlung kha amaw [Pachia] malang khe hungpah oh” cite thaw yn pya. (Sam 62:8) Tuhkeiccuze thinglung ccaccing te sawsang lang. Lungkaw te thuasah accae langte thuasah sawsang kho a thua. Pachia kha sawtuanaw ungpaw ungtuzia te sawsang lang. Pawpaw ccyh kya thuasah pawpaw kya ah ung oh zemah sawsang kho a thua.
3. Ah sawsangnaw hae kha Pachia nynh pawtemou yn thaepya?
Aphuinphuin te aphi yn pya. Zahova nynh Baebu kha yn pya. Ah ny ry oh paw bakhianaw hae aphi Baebu kya a ung. Baebu nynh “a haw leipaw kha a hawsah.” (Sam 19:7; James 1:5 kha ria.) Vawsawnaw ah tung vae oh ze Pachia nynh lungdaenaw yn pya kho. Bungnaw a hoo ccyh kya Pachia a beih hae paw kyate mah yn bung kho.
HOUH CCANGKUH LANG HOUH MUIH LANG
Pachia rynaw te sawsangkhonaw zia kha ccangkuh tua, sawsangnaw nynh nang kha paw thanenaw mou ae pya cih cipaw mah do tua.
4. Pachia yn ngae pah cih paw sawsangnaw
Paw kong hae te asekute mou ah sawsangnaw kha Pachia nynh yn ngae pah cih? VIDEO kha pia.
Zahova nynh aening kha saw yn sangsah ry. Sam 65:2 kha ria tuhkoute e bakhianaw hae kha hokuh oh:
“Sawsangnaw a leihtupaw” nynh nang kha saw ae sangsah ry cite na tua tou? Pawkeiccumou?
Ah sawsangnaw hae kha Pachia ah ngaesah ry oh ze Pachia phunglang hawte ung lang a ccang. Mikah 3:4 te 1 Peter 3:12 kha ria tuhkoute e bakhianaw kha hokuh oh:
Ah sawsangnaw hae kha Zahova ah ngaesah ry oh ze pawmou cyi lang?
Raw a tuh hae paw nynh raw taenaw lang saw a sang kalang hae. Mih sawsangnaw kha Pachia nynh a ngae pah cih hae cite tuapaw tuh zynngan ung cih tou?
5. Thinglung kyate yn thopaw sawsangnaw thua lang a ccang
Sawsangnaw kha vaeleih vaeleih holang cite abang tuh a ccangpya kuh hae. Pachia nynh so tuhte saw yn sangsah ry tou? Matthai 6:7 kha ria tuhkoute e bakhianaw kha hokuh oh:
Sawsang vae ze ‘akonglang ccangkheit kele vaeleih vaeleih hopaw’ kha pawtemou sihaekuh lang?
Zahova tungvaw lungtua lang ungpaw akong ccangkeit kha nintakyh te tuatua. Tuhte nawkheit lungkhu tua langze sawsang lang paw akong ccangsahri yn ung cih keiccuze vaeleih vaeleih ho lang ccang vae lang khyh.
Paaw hoypaw nynh a ccapaw nynh a tung hae paw kha thinglung ccaccing te a hosah ry. Zahova nynh mah aening kha thinglung ccaccing te saw yn sangsah ry
6. Sawsangnaw tuh Pachia nynh yn pyapaw lasung nynh thua
Hingnaw kya abapite ruunaw tung ccyh kya sawsangnaw nynh pawtemou thawzung yn hoisah? VIDEO kha pia.
Sawsangnaw nynh lungdaenaw yn muesah kho cih cite Baebu kya bya yn king pyakuh. Filipi 4:6, 7 kha ria tuhkoute e bakhianaw hae kha hokuh oh:
Sawsangnaw nynh piahccahnaa zungzae adaesapaw thua khyh zemah pawtemou yn bung?
Paw hanglang mou saw na sang ry?
Na nyh tou?
“Amen” cipaw asuilang tuh “tuhhawte thuasah” tuhkhyhze “kanawccah” cipaw nynh thua. Baebu she lya tuh sawsangnaw a thangnaw kya, “amen” cite a ho hae.—1 Sherianaw 16:36.
7. Sawsang lang a ccyh pya
Vaekhakheit tuh ryalaw eih lung keiccuze sawsang lang ah ning kho oh. Sawsangnaw tuh Zisu hanglang pawcihciamou azici? Matthai 14:23 te Marka 1:35 kha ria tuhkoute e bakhianaw hae kha hokuh oh:
Sawsangnaw ccyh mue lang Zisu pawmou la cyi?
Pawtahawpaw kya mou a ccyh lawkuh te sawsang lang?
CCUNGCCAW ABANG NYNH HO HAE PAW: “Sawsangnaw tuh lungdaenaw hanglang nynh hung thua.”
Nangso pawtemou na tua?
ADYNGNAWTE
Thinglung ccaccing te sawsangpaw nynh Pachia te houh yn naesah kuh, lungdaenaw yn pya zah Zahova rynaw hae cyi lang thawzung yn hoisah kho.
Bua Liathuinaw
A hung kalang mou sawsang lang?
Pawtemou sawsang lang?
Sawsangnaw thanenaw abang tuh pawhaemou?
HOUH CCUNGCHIH
Sawsangnaw te asekute a khiathya hae paw bakhianaw hae kha aphi ccung tua.
“Sawsangnaw Kong Ny Langpaw Akong Ccangsahri” (Rawvianaw, October 1, 2010)
Pawcce sawsang lang a ccang, asuilang houh ungpaw sawsangnaw hae a thuakhonaw lang pawmou cyi lang cipaw kha ccangkuh tua.
A hung kalang mou sawsang lang a ccang cite Baebu nynh pawtemou yn ccangpya cipaw tuatua.
“Mihthyaa Hae Kalang Sawsang Lang A Ccang Tou?” (Website ccaw)
E law video kya ccyh takyh, ungnaw takyh kya sawsangkhonaw kong a langsah.