CCANGKUNAW 18
Amepaw Khrihccaw Hae Kha Phiathyanaw Zia
Ccungccaw ccang a thung nynh mimaw te mimaw kha Khrihccaw nynh kae thua cite a ci hae. Thuasalama mih zynnaw hae, phunglang hae lokuh khyh hae. Tuhte thua langze amepaw Khrihccaw hae kha pawtemou phiathya lang?
1. Khrihccaw cipaw tuh pawmou?
Khrihccaw cipaw tuh Zisu Khrih zuitu hae nynh thua. (Locceihtu 11:26 kha ria.) Minming nynh Zisu zuitu nynh kae thua cipaw kha pawtemou a langsah hae? Zisu nynh hynhte a ci: “Nanning nynh ka bya kya na tyn oh ze, ka zuitu hae ccaccing na thua cih oh.” (Johan 8:31) Tuhkeiccuze amepaw Khrihccaw hae tuh Zisu ccangpyanaw kha zui lang. Zisu nynh Baebu kha abapi lang nungte a ccangpya hae. Amepaw Khrihccaw hae zynnaw mah Baebu kha abapi lang nung lang.—Luka 24:27 kha ria.
2. Amepaw Khrihccaw hae nynh sungsakunaw kha pawtemou a langsah hae?
Zisu nynh a zuitu hae kha hynhte a ci: “Kae nynh kae sungsah oh hawte nanning mah lu kheit te lu kheit sungsakuh oh.” (Johan 15:12) Zisu nynh a zuitu hae kha a sungsah hae cipaw pawtemou a langsah? Minming kha a ccyh pya hae, thaw pya hae zah a bungnaw hae liate a langsah. Mihmaw hanglang a hingnaw haehe a la pya hae. (1 Johan 3:16) Zisu hawte, amepaw Khrihccaw hae mah sungsakunaw kong kha mih khalang kele te ho khyh hae. Mih byaho te cyisanaw liate lukheit te lukheit sungsakunaw kha a langsah hae.
3. Amepaw Khrihccaw hae tuh pawmou cyi hae?
Zisu nynh a zuitu hae kha ryalaw a la pya hae. “Pachia peenaw kong ho lan” a saw hae. (Luka 9:2) Masaty Khrihccaw hae tuh beihnaw inn kya kele thua leite ccungccaw patae ungnaw kya te inn hae kya mah a la ho hae. (Locceihtu 5:42; 17:17 kha ria.) Atu she amepaw Khrihccaw hae mah ccungccaw hae ungnaw takyh kya Baebu byaccing kha a ho hae. Ccungccaw hae a sungsah hae keiccuze a ccyh te thawzung pyakuhte ngaehoinaw te soihbianaw yn pyapaw Baebu phungbya kha a ho hae.—Marka 12:31.
HOUH CCANGKUH LANG HOUH MUIH LANG
Amepaw Khrihccaw hae te Zisu ccangpyanaw, a hingnaw zia a zui lei hae paw a laenaw kong kha tuatua.
4. Amepaw Khrihccaw hae nynh Baebu byaccing kha a ccung hae
Masaty Khrihccaw hae nynh Baebu kha phutesah hae
Khrihccaw nynh kae thua cite a cih hae paw miakaw nynh Baebu byaccing kha phutesah khyh hae. VIDEO kha pia, tuhkoute akaw lang-e bakhianaw kha hokuh oh.
Khrihccaw church abang nynh Zisu ccangpyanaw hae kha pawtemou a ccangpya khyh hae?
Zisu nynh Baebu lungkhu e byaccing kha a ccangpya hae. Johan 18:37 kha ria tuhkoute e bakhianaw kha hokuh oh:
Zisu bya liate “byaccing te asekuhpaw” Khrihccaw hae kha pawtemou phiathya lang?
5. Amepaw Khrihccaw hae nynh Baebu byaccing kha a ho hae
Masaty Khrihccaw hae nynh minccang paw hae kha phung a hopya hae
Zisu vaawlang a kaemaw a zuitu hae kha atu ccyh cia cyi langpaw ryalaw ccangkheit la pya hae. Matthai 28:19, 20 te Locceihtu 1:8 kha ria tuhkoute e bakhianaw kha hokuh oh:
Phunghonaw ryalaw kha hohcihciamou a ho cih hae?
6. Amepaw Khrihccaw hae tuh a ho hae hawte nynh a cyi hae
Tom nynh amepaw Khrihccaw beihnaw kha ka muih vae cite pawcce leh akhan? VIDEO kha pia, tuhkoute akaw lang-e bakhianaw hae kha hokuh oh.
E video kya, Tom nynh beihnaw tungvaw pawcce a lung a thang?
Amaw nynh byaccing ka muih vae cite pawcce leh akhan?
Cyisanaw tuh bya laeze athanehua. Matthai 7:21 kha ria tuhkoute e bakhianaw kha hokuh oh:
Zisu hanglang—ah zynnaw kong hopaw tou abapihua tuhkhyhze ah cyisanaw te langsapaw tou?
7. Amepaw Khrihccaw hae lukheit te lukheit a sungsakuh hae
Masaty Khrihccaw hae nynh lukheit te lukheit a sungsakuh hae. Kalungtua
Khrihccaw hae tuh lukheit te lukheit hanglang hingnaw a pyakuh ngang hae tou? VIDEO kha pia, tuhkoute akaw lang-e bakhianaw hae kha hokuh oh.
E video kya, Unopaw Johansson hanglang hingnaw pyakuh lang Lloyd kha pawnynhmou a lung a thosah?
Amaw tuh amepaw Khrihccaw hawte a cyi cite na tua tou?
Johan 13:34, 35 kha ria tuhkoute e bakhianaw hae kha hokuh oh:
Zisu zuitu hae (amepaw Khrihccaw hae) tuh minphuin lokuh lei hae paw kha pawtemou a ccuepe hae?
Rawtho ccyh kya pawmou a cyih cih hae?
CCUNGCCAW ABANG NYNH HO HAE PAW: “Pachia nynh beihnaw miakaw kha leh akhan.”
Amepaw Khrihccaw hae phiathyanaw zia kong paw Baebu mangte mou na ccaesah kho cih?
ADYNGNAWTE
Amepaw Khrihccaw hae tuh Baebu ccangpyanaw kha a zui hae, maw hoynaw tua leipaw sungsakunaw langsah hae zah Baebu byaccing kha a ho hae.
Bua Liathuinaw
Amepaw Khrihccaw hae zynnaw hae tuh pawmou abapi lang a nung hae?
Amepaw Khrihccaw hae nynh thua cipaw paw ziazae nynhmou yn nysah?
Amepaw Khrihccaw hae pawmou a cyi hae?
HOUH CCUNGCHIH
Zisu a hingnaw zia te ccangpyakunaw kha zui lang a zuakuh hae paw phukheit kong houh ccangkuh.
Sister lang a tang boi nung nynh “Pachia ryalah paw innbyng” a muihnaw kong kha ria tua.
“Bakhianaw Miakaw Kha Baebu Te Aphi Hae!” (Rawvianaw, April 1, 2014)
Bungnaw ahoo hae paw tungvaw amepaw Khrihccaw hae nynh pawtemou sungsakunaw a langsah hae.
Zisu zuitu hae kha yn phiasathya paw akong te masaty Khrihccaw hae te atu she amepaw Khrihccaw hae a lokuhnaw kha tuakhia tua.
“Amepaw Khrihccaw Beihnaw Kha Pawtemou Phiathya Lang?” (Rawvianaw, March 1, 2012)