Rawvianaw ONLINE LIBRARY
Rawvianaw
ONLINE LIBRARY
Chin (Zotung)
  • BAEBU
  • CCAH-UH HAE
  • PUNGKUNAW HAE
  • lff ccangkunaw 56
  • Khrihccawbuu Kya Lungngingnaw A Ung Nawlang Zuakuh

E selection hanglang video muekuh kho khyh.

Sorry, video phuinnaw kya error a ung.

  • Khrihccawbuu Kya Lungngingnaw A Ung Nawlang Zuakuh
  • Lungpaw Te Zungzae Hing!—Baebu Ccangpyanaw Nysahnaw
  • Abalu dihpaw hae
  • A Lokuhpaw Akonglang
  • HOUH CCANGKUH LANG HOUH MUIH LANG
  • ADYNGNAWTE
  • HOUH CCUNGCHIH
  • Uno Hae Te Vaeccawkuhpaw Tuh Thanenaw A Ung!
    Zohova Pachia Peenaw Honaw Rawvianaw Innhang (Hokunaw)—2025
  • Na Khrihccawbuu Kha Bung Hae
    Lungpaw Te Zungzae Hing!—Baebu Ccangpyanaw Nysahnaw
  • Zahova Nynh A Rypaw Byaho
    Lungpaw Te Zungzae Hing!—Baebu Ccangpyanaw Nysahnaw
  • Tuipi-ing Lang Na Paccynkuh Vae Tou?
    Lungpaw Te Zungzae Hing!—Baebu Ccangpyanaw Nysahnaw
Lungpaw Te Zungzae Hing!—Baebu Ccangpyanaw Nysahnaw
lff ccangkunaw 56
Ccangkunaw 56. Lukheit te lukheit lungpaw te a beihkuh hae paw minphuin a lokuh lei hae paw unonung hae luning.

CCANGKUNAW 56

Khrihccawbuu Kya Lungngingnaw A Ung Nawlang Zuakuh

Printed Edition
Printed Edition
Printed Edition

Aening tuh zynnaw a lokuh hae paw unonung unopaw hae ryte ungkheih vae ze Siapharang David hawte ah tua oh: “Uno hae nynh lungngingte pynkheihlan um tuh pawcih baban mou hoy zah lungrythua lan a um!” (Sam 133:1) E lungngingnaw tuh a ung seipaw thua khyh. Lungngingnaw a ung nawlang lukheit raveih nynh zuakuh lang ahoo.

1. Pachia minphuin kya paw a laenaw mou a ung?

Ram ccang kya-e Khrihccawbuu pungkunaw kya na pungkuh bua ze mih bya kha na thaethya khyh zemah na inn kya na ung hawte na nawre cih. Pawcce? Ccah-uh phuinkheit kele kha mangte Baebu kha kae leihla keiccu nynh thua. Tuhkoute lukheit te lukheit sungsakuh kho nawlang kae zuaku. Pawpaw kya kae ung zemah “Zahova min kha kae ko zah, lunglokute kae beih.”​—Zefaniah 3:9.

2. Lungngingnaw a ung nawlang pawmou na cyi kho?

“Lu kheit te lu kheit thawmawte sungsakuh oh.” (1 Peter 1:22) E tuanaw pyanaw kha pawtemou na zui kho? Minccang paw hae ccingleinaw kha peki leite mih hoynaw hae kha ccung. Ah rynaw a lokuh hae paw kele te mungkuh leite ungtuzia a lokuh lei hae paw unonung unopaw hae te mah vaeccawkuh kho nawlang zuakuh. Laesanaw thinlung beihtaraw sang mah a ung khyh nawlang zuakuh.​—1 Peter 2:17 kha ria.a

3. Unonung unopaw lukheit te lungloku khyhze pawmou na cyih cih?

Aening tuh ah lungnging zemah a ccinglei oh paw nynh ah thua oh. Vaekhakheit tuh lukheit te lukheit thinriakuh nawlang, thinlung cci nawlang ah cyihsei oh. Tuhkeiccuze Baebu nynh hynhte yn ci: “lu kheit te lu kheit . . . ngaethyakuh oh; Bawipaw nynh ae ngaethya vae oh hawte, lu kheit te lu kheit ngaethyakuh oh.” (Kolose 3:13 kha ria.) Zahova Pachia a ngaethah lang aening nynh a vae patae ah cyisei oh zemah yn ngaethya. Aening mah tuhawte uno hae kha ngaethya hae sah ci yn ry. Lukhakheit kha thinlung ccisah sei langze amaw maw nynh ccawkuh nawlang cyi ty lang.​—Matthai 5:23, 24 kha ria.b

HOUH CCANGKUH LANG HOUH MUIH LANG

Khrihccawbuu kya lungngingnaw te daenaw a lungthung nawlang pawtemou na cyi kho cipaw kong kha leihla.

Collage: Daenaw a rae cciamang paw unopaw. 1. Ccangpaw unopaw nynh amaw kha byare te a ho. 2. Ccangpaw unopaw a hopaw kha a tua. 3. Thinria ze pawmou cyi lang cihkuhpaw Baebu tuanaw pyanaw kha a tua. 4. Coffee niabia te ccangpaw unopaw te tungkuh hae zah daenaw a rae hae.

Ccawkuh nawlang pawmou na cyih cih?

4. Laesanaw kha sihaekuh

Aening nynh unonung unopaw hae miakaw kha ah sungsah ry oh. Thuasalama mawte ungtuzia a lokuh lei hae paw kha lehkhan lang a ruu kho. Tuhte thua langze pawmou ah cyi kho oh? Locceihtu 10:34, 35 kha ria tuhkoute e bakhianaw hae kha hokuh oh:

  • Zahova nynh minphuin miakaw kha a Ccaeccei hae lang leh a khan hae. Nangso ungtuzia a lokuh lei hae paw te ccuepekuh vae ze Zahova kha pawtemou na dosuinkuh kho?

  • Na ungnaw kya a ungpaw pawta hawpaw laesanaw kha mou na sihaekuh ry?

2 Korin 6:11-13 kha ria tuhkoute e bakhianaw kha hokuh oh:

  • Ungtuzia a phuinphuin kya-e unonung unopaw hae ryte pawtemou houh na vaeccawkuh kho cih?

5. Ngaethyakuh te ccawkuh nawlang rae

Zahova tuh aening ngaethyanaw kha hohtuh sang mah ahoo khyh zemah aening kha yn ngaethya. Sam 86:5 kha ria tuhkoute e bakhianaw hae kha hokuh oh:

  • Zahova nynh hohcihciamou yn ngaethya?

  • Zahova ngaethyanaw hanglang pawcce na lungtua?

  • Pawta hawpaw hae kya mou minccang paw hae te ccawkuh lang a ruu kho?

Zahova kha dosuinkuh lang zah unonung unopaw hae ryte lungngingnaw a ung nawlang pawtemou ah cyi kho oh? Phungtangbya 19:11 kha ria tuhkoute e bakhianaw kha hokuh oh:

  • Lukhakheit nynh na thin ae riasah ze paw na cyi ze mou ahoy cih?

Vaekhakheit tuh maw nynh minccang paw kha mih thin a riasah sei oh? Tuh-e ccyh kya pawmou cyi lang a ccang? VIDEO kha pia, tuhkoute akaw lang-e bakhianaw kha hokuh oh.

VIDEO: Ccawkuh Lang Zuakunaw Nynh Hythuanaw Yn Muesah (6:01)

  • E video kya-e unonung nynh ccawkuh nawlang pawmou la cyi?

6. Unonung unopaw hae kya-e hoynaw kha ccung

Unonung unopaw hae te vaeccawkuh vae zetuh mih hoynaw mah thuasah mih ccingleinaw kha mah thuasah a nykuh vae. Mih hoynaw hae kha pawtemou pe ah ki kho oh? VIDEO kha pia, tuhkoute akaw lang-e bakhianaw kha hokuh oh.

VIDEO: Houh A Puithya Vae! (5:10)

  • Unonung unopaw hae kya-e ahoypaw ziazae hae muih nawlang pawnynhmou ae bung kho?

Zahova nynh aening kya-e ahoypaw ziazae hae kha pe yn ki. 2 Sherianaw 16:9a kha ria tuhkoute e bakhianaw kha hokuh oh:

  • Ahoypaw na ziazae hae kha Zahova nynh pe a ki cipaw na nyh tuh pawtemou na ung?

Lungva kuihpu.

Lungva (diamond) kya vaemaw a ung zemah aphute mamin ung. Tuhhawte, unonung unopaw hae tuh a ccing khyh hae zemah Zahova hanglang aphute hae paw nynh thua hae

CCUNGCCAW ABANG NYNH HO HAE PAW: “Amaw nynh yn ngaethya lah a cyi ze rou nynh ka ngaethya kho cih.”

  • Lukheit te lukheit pawcce ngaethyakuh lang a ccang?

ADYNGNAWTE

Unoung unopaw hae ngaethyanaw, sungsanaw liate Khrihccawbuu kya lungngingnaw a ung nawlang zuakuh kho a thua.

Bua Liathuinaw

  • Laesanaw kha pawtemou na sihaekuh kho?

  • Unonung unopaw lukheit te lungloku khyhze pawmou na cyi kho?

  • Zahova ngaethyanaw kha pawcce na dosuinkuh ry?

Eenaw

HOUH CCUNGCHIH

Minccang paw hae seisah thyapaw ziazae kha sihaekuh nawlang Zisu nynh a hopaw tousenaw ccangkheit nynh yn bungkhonaw kong kha do tua.

Thing Kha Thua (6:56)

Ahmaw nynh ka sei khyh cite tua ze so yn ngaethya ci ahoo tou?

“Yn Ngaethya Cinaw​—Bua Ccawkunawpaw Akonglang” (Rawvianaw, November 1, 2002)

Minphuin a laesa hae paw pepang kya yn le hae paw pise luning ccawkuh te mih lung a ngingnaw kong kha do tua.

Johny te Gideon: Raw Hae La Thua Hae Zemah Atu Tuh Uno Lang A Thua Vae Hae (6:42)

Khrihccawbuu lungngingnaw a ro khyh nawlang lunglokuleinaw hae phishingkhonaw kong kha ria tua.

“Lunglokuleinaw Hae Kha Sungsakunaw Te Phishing” (Rawvianaw, May 2016)

a Ccinaw a kaekuh khyh ccaw thungkhawkuh nawlang sungsakunaw nynh ah lung yn thosah cipaw kha ccaesanaw 6 kya a langsah.

b Sipuazei te upadi hae kong phishingkhonaw zia kha ccaesanaw 7 kya a langsah.

    Chin (Zotung) Ccah-uh Hae (2000-2025)
    Log Out
    Log In
    • Chin (Zotung)
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • ကိုယ်ရေးလုံခြုံမှု ဆက်တင်မျာ
    • JW.ORG
    • Log In
    Share