Tualeipaw Ruunaw Hae Teing Kho Nawlang Zahova Nynh Yn Bung

1. Pawmou ah zyn kho oh?

ဘုရား​လူမျိုး ဖြစ်လို့ ကိုယ့်ကို ယေဟောဝါ ချစ်မှန်း၊ အကောင်းဆုံး အသက်တာ ပိုင်ဆိုင်​စေချင်​မှန်း ကျွန်တော်တို့ စိတ်ချကြတယ်။ (ရော. ၈:၃၅-၃၉) ကျမ်းစာမူတွေကို လိုက်လျှောက်​ရင် အမြဲ အကျိုးရမယ်ဆိုတာလည်း ယုံကြတယ်။ (ဟေရှာ. ၄၈:၁၇၊ ၁၈) ဒါပေမဲ့ မျှော်လင့်မထားတဲ့ အခက်အခဲတွေ ကြုံရတဲ့အခါ ဘာလုပ်မလဲ။

2. Paw ruunaw vawsawnaw hae mou ah tung kho oh, pawtemou a tuakuh kho?

^၂ ယေဟောဝါရဲ့ ကျေးကျွန်​အားလုံး အခက်အခဲတွေ ကြုံကြရတယ်။ မိသားစုဝင် တစ်ယောက်ယောက်​ကြောင့် စိတ်​ဆင်းရဲ​ရတာ၊ ကျန်းမာရေး ပြဿနာ အကြီးအကျယ် ကြုံရ​လို့ ဆန္ဒ​ရှိသလောက် အမှုတော်မှာ မပါဝင်နိုင်တော့တာ၊ သဘာဝ ဘေး​သင့်​တာ၊ ယုံကြည်ချက်ကြောင့် နှိပ်စက်​ညှဉ်းပန်းခံရတာ ဖြစ်နိုင်တယ်။ ဒါတွေ ကြုံရတဲ့အခါ ‘ငါ့ကျမှ ဘာလို့ ဒီလိုဖြစ်ရတာလဲ။ ငါ ဘာ​အမှား လုပ်မိလို့လဲ။ ယေဟောဝါ ကောင်းချီး မ​ပေးတော့​လို့​များ​လား’ လို့ တွေးမိနိုင်တယ်။ စိတ်ဓာတ်​မကျပါနဲ့။ ယေဟောဝါရဲ့ သစ္စာရှိ ကျေးကျွန် တော်တော်​များများ အဲဒီလို ခံစားခဲ့ကြရတယ်။—ဆာ. ၂၂:၁၊ ၂။ ဟဗ. ၁:၂၊ ၃။

3. Sam 34:19 kyate pawmou ah ny oh?

^၃ ဆာလံ ၃၄:၁၉ ကို ဖတ်ပါ။ ဆာလံ​ကျမ်း​ထဲက အချက် နှစ်ချက်ကို သတိပြုပါ။ (၁) ဖြောင့်မတ်သူတွေ အခက်အခဲ ကြုံကြရတယ်။ (၂) အခက်အခဲတွေ​ကနေ ယေဟောဝါ ကယ်တင်​တယ်။ ဘယ်လို ကယ်တင်​ပေးသလဲ။ တစ်နည်းကတော့ ကိစ္စရပ်တွေကို အ​ရှိ​ကို အရှိအတိုင်း လက်ခံတတ်​ဖို့ ကူညီပေးခြင်း​ပါ။ မိမိကို ဝတ်ပြု​ရင် ပျော်ရွှင်​မယ်​လို့ ကတိ​ပေးပေမဲ့ အပူအပင် ကင်းတဲ့​ဘဝ ရမယ်လို့တော့ အာမ မခံ​ထား​ဘူး။ (ဟေရှာ. ၆၆:၁၄) ဘုရား ရည်ရွယ်ထားတဲ့ ဘဝမျိုး ထာဝစဉ် ပိုင်ဆိုင်​ရမယ့် အနာဂတ်​ကို အာရုံစိုက်ဖို့ ကူညီပေးတယ်။ (၂ ကော. ၄:၁၆-၁၈) ဒီအတောအတွင်း တစ်ရက်ပြီး တစ်ရက် ရှေ့ဆက်နိုင်ဖို့ ကူညီပေးတယ်။—မြည်. ၃:၂၂-၂၄။

4. E abalu kya pawkongmou hokuh lang oh?

^၄ မျှော်လင့်မထားတဲ့ အခက်အခဲတွေ ကျွန်တော်တို့ ရင်ဆိုင်​ရနိုင်တယ်။ ဒါပေမဲ့ ယေဟောဝါကို ယုံကြည်​ကိုးစားမယ်ဆိုရင် ဘုရား အမြဲ ထောက်မ​ပေးမယ်။ (ဆာ. ၅၅:၂၂) ကျမ်းစာ​ခေတ်​နဲ့ ဒီနေ့ခေတ် သစ္စာရှိ ကျေးကျွန်တွေရဲ့ စံနမူနာ​ကနေ ဘာသင်ယူနိုင်ကြောင်း လေ့လာ​ကြည့်ကြစို့။ လေ့လာတဲ့အခါ ‘ငါ​သာ သူတို့​နေရာမှာ​ဆိုရင် ဘယ်လို​လုပ်မလဲ။ ယေဟောဝါကို ပိုယုံကြည်​ကိုးစားဖို့ သူတို့ရဲ့ ပုံသက်သေ​က ဘယ်လို ကူညီပေးသလဲ။ ငါ့​ဘဝမှာ ဘယ်လို လက်တွေ့​ကျင့်သုံး​နိုင်မလဲ’ လို့ ကိုယ့်ကိုယ်ကိုယ် မေးပါ။

BAEBU SHE DOSUINKUH LANGPAW HAE

5. Laban keiccu Jakop paw piahccahnaa mou a tung? (Sahkhung kha do.)

^၅ ကျမ်းစာ​ခေတ်က ယေဟောဝါရဲ့ ကျေးကျွန်တွေ​လည်း မျှော်လင့်မထားတဲ့ အခက်အခဲတွေ ကြုံကြရတယ်။ ဥပမာ၊ လာ​ဗန်​ရဲ့ သမီးတစ်ယောက်ကို ယူဖို့ ယာကုပ်​ကို ဖခင်​ဖြစ်သူ ပြောတယ်။ ယေဟောဝါ ကြွယ်ဝစွာ ကောင်းချီးပေးမယ်လို့လည်း ပြောတယ်။ လာ​ဗန်​လည်း ယေဟောဝါကို ကိုးကွယ်တဲ့​သူပဲ။ (က. ၂၈:၁-၄) ဒါကြောင့် ဖခင် ပြောတဲ့​အတိုင်း ခါနန်ပြည်က​နေ ထွက်​ပြီး လာ​ဗန် ရှိတဲ့​နေရာကို ယာကုပ် ခရီးနှင်တယ်။ လာ​ဗန်​မှာ လေအာ​နဲ့ ရာခေလ​ဆိုတဲ့ သမီးနှစ်ယောက် ရှိတယ်။ သမီး​ငယ် ရာခေလ​ကို ယာကုပ် ချစ်​သွားတယ်။ ဒါကြောင့် ရာခေလ​ကို လက်ထပ်​ဖို့ ခုနစ်နှစ် အလုပ်​လုပ်ပေးမယ်လို့ လာ​ဗန်​ကို ကတိ​ပေးလိုက်တယ်။ (က. ၂၉:၁၈) ဒါပေမဲ့ ယာကုပ် မျှော်လင့်​သ​လို ဖြစ်​မ​လာ​ခဲ့ဘူး။ လာ​ဗန် လှည့်စား​ပြီး သမီးကြီး လေအာ​နဲ့ ပေး​စားလိုက်တယ်။ တစ်ပတ်​ကြာပြီးနောက် ရာခေလ​နဲ့ ပေးစားပေမဲ့ နောက်ထပ် ခုနစ်နှစ် အလုပ်လုပ်​ခိုင်းတယ်။ (က. ၂၉:၂၅-၂၇) စီးပွားရေး​ကိစ္စတွေမှာ​လည်း ကလိမ်ကျ​တယ်။ အနှစ် ၂၀ လုံးလုံး ယာကုပ်ကို ခေါင်းပုံဖြတ်​တယ်။—က. ၃၁:၄၁၊ ၄၂။

6. Ccangpaw paw piahccahnaa hae mou Jakop a tung?

^၆ တခြား​ပြဿနာတွေလည်း ယာကုပ် ကြုံရတယ်။ ယာကုပ်ရဲ့ မိသားစုက ကြီးတယ်။ သားတွေ မတည့်ကြဘူး။ ညီ​အရင်း ယောသပ်​ကို​တောင် ကျွန်​အဖြစ် ရောင်းစား​ကြတယ်။ သား ရှိမောင်​နဲ့ လေဝိ​ရဲ့ လုပ်ရပ်ကြောင့် မိသားစု​နာမည် ပျက်ရတယ်။ ယေဟောဝါ​နာမ ထိခိုက်​တယ်။ ဒါ့အပြင် ချစ်ဇနီး ရာခေလ ဒုတိယ​သား မွေး​ရင်း မီး​တွင်း​ထဲ​မှာ ဆုံးသွား​တယ်။ တိုင်းပြည်မှာ အငတ်ဘေး ဆိုက်​လို့ အသက်ကြီးခါမှ ယာကုပ် အီဂျစ်​ပြည်ကို ပြောင်းရွှေ့​ရတယ်။—က. ၃၄:၃၀။ ၃၅:၁၆-၁၉။ ၃၇:၂၈။ ၄၅:၉-၁၁၊ ၂၈။

7. Zahova nynh Jakop kha maehoi pawtemou a pya?

^၇ အခက်အခဲတွေ ယာကုပ် ကြုံရပေမဲ့ ယေဟောဝါအပေါ်၊ ဘုရား​ကတိတွေ​အပေါ် တစ်ခါမှ အယုံအကြည် မပျက်​ခဲ့ဘူး။ ယေဟောဝါ​လည်း ယာကုပ်ကို မျက်နှာသာ ပြတယ်။ လာ​ဗန် ကလိမ်ကျပေမဲ့ ယာကုပ် ကြီးပွားလာအောင် ကောင်းချီးပေးတယ်။ သေပြီလို့ ထင်တဲ့ သား​ယောသပ်နဲ့ ပြန်​ဆုံတွေ့​ရတဲ့အခါ ယေဟောဝါကို ယာကုပ် သိပ်ကျေးဇူးတင်​နေ​မှာ​ပဲ။ ယေဟောဝါနဲ့ ရင်းနှီးတဲ့ ဆက်ဆံရေး ရှိခြင်းက အခက်အခဲတွေကို အောင်အောင်မြင်မြင် ခံရပ်နိုင်ဖို့ ယာကုပ်ကို ကူညီပေးတယ်။ (က. ၃၀:၄၃။ ၃၂:၉၊ ၁၀။ ၄၆:၂၈-၃၀) ကျွန်တော်တို့လည်း ယေဟောဝါနဲ့ ရင်းနှီးတဲ့ ဆက်ဆံရေး ရှိမယ်ဆိုရင် မျှော်လင့်မထားတဲ့ အခက်အခဲတွေ ကြုံတဲ့အခါ အောင်အောင်မြင်မြင် ရင်ဆိုင်နိုင်မယ်။

8. Siapharang David nynh pawmou a cyi ry?

^၈ ဘုရင် ဒါဝိဒ်​ဟာ ယေဟောဝါရဲ့ ဝတ်ပြုရေး​အတွက် စိတ်​ရှိသလောက် လုပ်​ခွင့် မရခဲ့ဘူး။ တကယ်ဆိုရင် ယေဟောဝါ​အတွက် ဗိမာန်တော်ကို သိပ်ဆောက်ပေးချင်တာ။ ဒီအကြောင်း ပရောဖက် နာသန်​ကို ပြောပြတော့ “စစ်မှန်တဲ့ ဘုရားသခင်ဟာ မင်းကြီး​နဲ့​အတူ ရှိတဲ့အတွက် ဆန္ဒရှိတဲ့​အတိုင်းသာ လုပ်ပါ” လို့ ပြန်ပြောတယ်။ (၁ ရာ. ၁၇:၁၊ ၂) ဒါဝိဒ် သိပ်​အားတက်​သွားမှာပဲ။ ဒါနဲ့ စီမံကိန်း စ​ဖို့ အစီအစဉ်တွေ ဆွဲတော့တယ်။

9. Tualeipaw thungpang a thae tuh David nynh pawtemou a liaru?

^၉ မကြာခင်​မှာ​ပဲ ပရောဖက် နာသန်​ဆီ​က မျှော်လင့်မထားတဲ့ သတင်း ကြားလိုက်ရတယ်။ ဗိမာန်တော်ကို ဒါဝိဒ် ဆောက်ခွင့်မရဘူး၊ ဒါဝိဒ်ရဲ့ သားတွေ​ထဲက တစ်ယောက် ဆောက်ရမယ်လို့ “အဲဒီ​ညမှာ​ပဲ” နာသန်​ကတစ်ဆင့် ယေဟောဝါ ပြောတယ်။ (၁ ရာ. ၁၇:၃၊ ၄၊ ၁၁၊ ၁၂) ဒီ​သတင်း ကြားပြီးနောက် ဒါဝိဒ် ဘာလုပ်သလဲ။ အစီအစဉ် ပြောင်း​လိုက်တယ်။ စီမံကိန်း​အတွက် သားတော် ရှောလမုန် လိုအပ်​မယ့် ငွေကြေး​နဲ့ ဆောက်လုပ်ရေး ပစ္စည်းတွေ စုဆောင်း​ပေးတယ်။—၁ ရာ. ၂၉:၁-၅။

10. Zahova nynh David kha pawtemou hythuanaw a pya?

^၁၀ ဗိမာန်တော် ဆောက်လုပ်​ရမှာ မဟုတ်ကြောင်း ယေဟောဝါ အသိပေးပြီးတာနဲ့ ချက်ချင်း ဒါဝိဒ်နဲ့ ပဋိညာဉ် ဖွဲ့တယ်။ ဒါဝိဒ်ရဲ့ မျိုးနွယ်​က ဆင်းသက်လာ​သူ တစ်ယောက် ထာဝစဉ် အုပ်ချုပ်​ရမယ်လို့ ကတိ​ပေးတာ​ပါ။ (၂ ရှ. ၇:၁၆) ကမ္ဘာသစ် ရောက်တဲ့အခါ အနှစ်တစ်ထောင် အုပ်စိုးရှင် ဘုရင် ယေရှုဟာ မိမိရဲ့​မျိုးနွယ်​က ဆင်းသက်လာ​မှန်း ဒါဝိဒ် သိလိုက်ရလို့ ဘယ်လောက်တောင် ပျော်လိုက်မလဲ။ ကိုယ်​စိတ်ကူး​ထားတဲ့​အတိုင်း ဘုရား အမှု​မဆောင်နိုင်​ရင်တောင် ကိုယ့်အတွက် ဘုရား ရည်ရွယ်ထားတဲ့ တခြား​ကောင်းချီးတွေ ရှိနေနိုင်တယ်ဆိုတာ သတိရပါ။

11. Ngaehoi ccyh kya Peenaw yn thua khyh zemah she kheitnaw Khrihccaw hae pawtemou hythuanaw a mue hae? (Locceihtu 6:7)

^၁၁ ပထမရာစု ခရစ်ယာန်တွေ​လည်း မျှော်လင့်မထားတဲ့ အခက်အခဲတွေ ကြုံကြရတယ်။ ဥပမာ၊ ဘုရားနိုင်ငံတော် လာမယ်​ဆိုတာ သိပေမဲ့ ဘယ်အချိန် လာမလဲ မသိကြဘူး။ (တ. ၁:၆၊ ၇) သူတို့ ဘာလုပ်သလဲ။ ဟောပြောခြင်းလုပ်ငန်းမှာ အလုပ်များ​နေကြတယ်။ တရားစကား ပိုပျံ့နှံ့လာတဲ့အတွက် ယေဟောဝါ ကူညီပေးနေကြောင်း မြင်တွေ့​လာတယ်။—တမန်တော် ၆:၇ ကို ဖတ်ပါ။

12. Ccakhangnaw tung ccyh kya she kheitnaw Khrihccaw hae pawmou la cyi hae?

^၁၂ တစ်ခါက “မြေတစ်ပြင်လုံးမှာ” အကြီးအကျယ် အငတ်ဘေး ဆိုက်​တယ်။ (တ. ၁၁:၂၈) ပထမရာစု ခရစ်ယာန်တွေ​လည်း အငတ်ဘေး ကြုံရတယ်။ အငတ်ဘေး ဆိုးရွား​လွန်းလို့ သိပ်​ခက်​ကြ​မှာ​ပဲ။ မိသားစုကို ဘယ်လို ထောက်ပံ့​ရမလဲ​ဆိုပြီး အိမ်ထောင်ဦးစီး​တွေ စိုးရိမ်မိနိုင်တယ်။ အမှုဆောင်​လုပ်ငန်း တိုးချဲ့ဖို့ ပန်းတိုင်​ထားတဲ့ လူငယ်တွေလည်း အခြေအနေ​ကောင်းမှ​ပဲ ပြန်အမှုဆောင်တော့မယ်လို့ စဉ်းစားမိနိုင်တယ်။ ဒါပေမဲ့ လက်ရှိ​အခြေအနေနဲ့အညီ လိုက်လျောညီထွေ ပြောင်းလဲ​ကြတယ်။ တတ်​နိုင်သလောက် ဆက်​ဟောပြောတယ်။ ပိုင်ဆိုင်ရာတွေကို ယုဒပြည်မှာ​ရှိတဲ့ ညီအစ်ကို/မတွေနဲ့​အတူ ဝမ်းမြောက်ဝမ်းသာ မျှဝေ​သုံးစွဲ​ကြတယ်။—တ. ၁၁:၂၉၊ ၃၀။

13. Ccakhangccinaw tung ccyh laku Khrihccaw hae paw hythuanaw mou a mue hae?

^၁၃ အငတ်ဘေး ကာလအတွင်း ခရစ်ယာန်တွေ ဘာကောင်းချီး ခံစားရသလဲ။ ကယ်ဆယ်ရေး အထောက်အပံ့ ပစ္စည်းတွေ ရလို့ ယေဟောဝါ ကူညီပေးနေကြောင်း မြင်တွေ့ရတယ်။ (မ. ၆:၃၁-၃၃) ကူညီပေးနေတဲ့ ညီအစ်ကို/မတွေနဲ့​လည်း ပိုရင်းနှီး​လာကြ​မှာ​ပဲ။ အလှူငွေ ထည့်ဝင်တဲ့​သူ​ရော ကယ်ဆယ်ရေး လုပ်ငန်းမှာ ပါ​ဝင်တဲ့သူတွေ​ပါ ပေးကမ်း​လို့ ပျော်ရွှင်ကြတယ်။ (တ. ၂၀:၃၅) အခြေအနေနဲ့အညီ အလိုက်သင့် ပြောင်းလဲ​သူ​တိုင်း​ကို ယေဟောဝါ ကောင်းချီးပေးတယ်။

14. Barnabas te zuitu Paul nynh pawmou a tung hae, pawmou a cyikuh? (Locceihtu 14:21, 22)

^၁၄ ပထမရာစု ခရစ်ယာန်တွေ မကြာမကြာ နှိပ်စက်​ညှဉ်းပန်းခံရတယ်။ တစ်ခါတလေ ထင်မှတ်​မထားတဲ့​အချိန်မှာ ဖြစ်တယ်။ လုတ္တရ​မြို့မှာ ဗာနဗ​နဲ့ တမန်တော် ပေါလု ဟောပြော​ရင်း ဘာဖြစ်ခဲ့ကြောင်း သုံးသပ်ကြည့်ပါ။ အစပိုင်းမှာ လူတွေ လှိုက်လှိုက်လှဲလှဲ ကြိုဆို​ကြတယ်။ သတင်းစကားကို နားထောင်​ကြတယ်။ ဒါပေမဲ့ နောက်တော့ ဆန့်ကျင်သူတွေ ရောက်လာပြီး “လူတွေကို သွေးထိုး​တဲ့အတွက်” ပေါလု​ကို ကျောက်ခဲ​နဲ့ ပေါက်ကြတယ်။ သေပြီ အထင်နဲ့ ပစ်ထား​ခဲ့ကြတယ်။ (တ. ၁၄:၁၉) ဒါပေမဲ့ ဗာနဗ​နဲ့ ပေါလု တခြား​နေ​ရာ​မှာ ဆက်ဟောတယ်။ ဘာရလဒ် ရသလဲ။ သူတို့ရဲ့​စကား၊ ပုံသက်သေကြောင့် ယုံကြည်သူချင်းတွေ အားရှိလာကြတယ်။ လူ​အတော်များများ တပည့် ဖြစ်လာကြတယ်။ (တမန်တော် ၁၄:၂၁၊ ၂၂ ကို ဖတ်ပါ။) ဆန့်ကျင်မှု​တွေ ရုတ်တရက် ကြုံရပေမဲ့ ဗာနဗ​နဲ့ ပေါလု လက်မလျှော့​လို့ တော်တော်​များများ အကျိုး​ရသွားကြတယ်။ ကျွန်တော်တို့လည်း ယေဟောဝါရဲ့ အမှုတော်မှာ လက်မလျှော့ဘဲ ပါဝင်​နေသရွေ့ ဘုရား​ကောင်းချီး ရမယ်ဆိုတာ စိတ်ချနိုင်တယ်။

ATU SHE DOSUINKUH LANGPAW HAE

15. Unopaw A. H. Macmillan kyate pawmou ccangkuh kho athua?

^၁၅ ၁၉၁၄ မှာ တစ်ခုခု ထူးခြားတာ ဖြစ်မယ်လို့ ယေဟောဝါရဲ့ လူမျိုး မျှော်လင့်ထားကြတယ်။ ဥပမာ၊ ညီအစ်ကို အေ အိတ်ချ် မက်မီလန်​ဟာ မကြာခင် ကောင်းကင်​ဆု​ကျေးဇူး ရတော့မယ်​လို့ တစ်ခေတ်တည်းသား ညီအစ်ကို/မတွေ​နည်းတူ ထင်ခဲ့တယ်။ ၁၉၁၄၊ စက်တင်ဘာလမှာ ဟောပြောချက် ပေး​တုန်းက “ဒါ ကျွန်တော့်ရဲ့ နောက်ဆုံး ဟောပြောချက်​တောင် ဖြစ်နိုင်တယ်” လို့ ပြောတယ်။ ဒါပေမဲ့ အဲဒီအတိုင်း ဖြစ်​မ​လာ​ဘူး။ “ကောင်းကင်ကို ချက်ချင်း သွားရမယ်လို့ ကျွန်တော်တို့ ကောက်ချက်ချ​တာ စောသွားပုံပဲ။ တကယ်တော့ သခင့်​အမှုတော်မှာ အလုပ်များ​နေဖို့​ပဲ လိုတာ​ပါ” လို့ ပြောတယ်။ တကယ်လည်း အလုပ်များ​နေခဲ့တယ်။ အမှုဆောင်မှာ ဇွဲရှိရှိ ပါဝင်တယ်။ ကြားနေမှုကြောင့် ထောင်ကျ​နေတဲ့ ညီအစ်ကိုတွေ​ဆီ လည်ပတ်ပြီး အားပေးတယ်။ အသက်အရွယ် ကြီးရင့်ချိန်မှာတောင် အစည်းအဝေးတွေ မှန်မှန် တက်တယ်။ ဆု​ကျေးဇူးကို စောင့်နေစဉ်အတွင်း ဘုရားအမှုတော်မှာ အလုပ်များ​နေ​လို့ ညီအစ်ကို မက်မီလန် ဘာအကျိုးရသလဲ။ “ကျွန်တော့် ယုံကြည်ခြင်း တစ်ခါမှ ယိမ်းယိုင်​မ​သွား​ဘူး” လို့ ၁၉၆၆၊ သူ မသေဆုံးခင်​မှာ ပြောတယ်။ ကျွန်တော်တို့လည်း မှန်း​ထားတာ​ထက် အခက်အခဲတွေ ပို​တာရှည်​နေ​ရင် ညီအစ်ကို မက်မီလန်​ရဲ့ သဘောထားကို တုပ​နိုင်ပါတယ်။—ဟီ. ၁၃:၇။

16. Unopaw Herbert Jenning hae zuhvaw nynh tualeipaw paw ruunaw mou a tung hae? (James 4:14)

^၁၆ ညီအစ်ကို/မ တော်တော်​များများ ထင်မှတ်​မထားတဲ့ ကျန်းမာရေး ပြဿနာတွေ ကြုံရတယ်။ ဥပမာ၊ ဂါနာ​မှာ သာသနာပြု​ဘဝနဲ့ မောင်နှံစုံလိုက် ဘယ်လောက် ပျော်ခဲ့ကြောင်း ညီအစ်ကို ဟဲရ်ဘက်​ ဂျဲန်နစ်ဇ်ရဲ့ ဘဝအတ္ထုပ္ပတ္တိ​မှာ ဖော်ပြထားတယ်။b ဒါပေမဲ့ ညီအစ်ကို​မှာ စိတ်ကြွ​စိတ်ကျ​ရောဂါ ရှိကြောင်း သိလိုက်ရတယ်။ “‘မနက်ဖြန် ဘာဖြစ်လာမယ်မှန်း မသိဘူး’ လို့ ယာကုပ် ၄:၁၄ မှာ ပြော​ထားတာ သိပ်​မှန်တာ​ပဲ။ ကျွန်တော် ရုတ်တရက်​ကြီး ရောဂါ ထ​ဖြစ်တာ​ပဲ ကြည့်လေ” လို့ ညီအစ်ကို ဂျဲန်နစ်ဇ် ပြောတယ်။ (ဖတ်ပါ။) ‘ဂါနာ​နိုင်ငံ​နဲ့ ရင်းနှီးတဲ့ မိတ်ဆွေတွေကို ထားပြီး . . . [ဆေးကုသမှု ခံယူ​ဖို့] ကနေဒါကို ပြန်​ခဲ့​ရတယ်’ လို့ ပြောတယ်။ အခက်အခဲတွေ ရှိပေမဲ့ သစ္စာရှိရှိ ဆက်​အမှုဆောင်နိုင်အောင် ညီအစ်ကို ဂျဲန်နစ်ဇ်တို့ ဇနီးမောင်နှံ​ကို ယေဟောဝါ ကူညီပေးတယ်။

17. Unopaw Jenning hae ziazae keiccu ming ccangpaw hae paw thanenaw mou a mue hae?

^၁၇ ဘဝအတ္ထုပ္ပတ္တိ​မှာ ကိုယ့်​အခြေအနေကို ညီအစ်ကို ဂျဲန်နစ်ဇ် အရှိအတိုင်း ပြောပြ​ထားလို့ တခြားသူတွေ အကျိုးရကြတယ်။ “ဒီဆောင်းပါး​က ကျွန်မကို လှုံ့ဆော်မှု ဖြစ်စေတယ်။ . . . ရောဂါ ကုသဖို့ ညီအစ်ကို ဂျဲန်နစ်ဇ် တာဝန်တစ်ခုကို စွန့်လွှတ်​ခဲ့​တဲ့​အကြောင်း ဖတ်​ရတော့ ကျွန်မ​လည်း ကိုယ့်​အခြေအနေကို ဟန်ချက်ညီညီ​ မြင်တတ်လာတယ်” လို့ ညီအစ်မ​တစ်ယောက် ပြောတယ်။ ညီအစ်ကို​တစ်ယောက်​လည်း “အသင်းတော် အကြီးအကဲအဖြစ် ၁၀ နှစ်ကြာ ထမ်းဆောင်ပြီးတဲ့နောက် စိတ်ပိုင်းဆိုင်ရာ ရောဂါ​တစ်မျိုး​ကြောင့် ဒီ​အခွင့်ထူးကို စွန့်လွှတ်​ခဲ့​ရတယ်။ အသုံးမကျ​ဘူး​ဆိုတဲ့ ခံစားချက်​ကြောင့် ယေဟောဝါ​လူမျိုးတော်ရဲ့ ထူးခြားတဲ့ အောင်မြင်မှုတွေ​အကြောင်း ပြန်​ပြောလေ့​ရှိတဲ့ ဘဝအတ္ထုပ္ပတ္တိတွေ သိပ်​မဖတ်​ချင်ဘူး။ ဒါပေမဲ့ ညီအစ်ကို ဂျဲန်နစ်ဇ်ရဲ့ မဆုတ်မနစ် ဇွဲရှိ​မှု​က ကျွန်တော့်ကို စိတ်အားတက်စေတယ်” လို့ ပြောတယ်။ ဘဝက မျှော်လင့်​သ​လို ဖြစ်​မ​လာ​ရင်တောင် သစ္စာရှိရှိ ခံရပ်​မယ်​ဆိုရင် တခြားသူတွေ​အတွက် အားပေးမှု ဖြစ်နိုင်ကြောင်း ဒီတွေ့ကြုံမှုက အမှတ်ရစေတယ်။—၁ ပေ. ၅:၉။

18. Bua tangthuipaw sahkhung liate, Nigeria ram kya-e luhmaenung unonung ziazae kyate pawmou ccangkuh kho lang?

^၁၈ ကိုဗစ်-၁၉ ကပ်ရောဂါ​ကြောင့် ညီအစ်ကို/မ တော်တော်​များများ ဒုက္ခရောက်ကြတယ်။ ဥပမာ၊ နိုင်ဂျီးရီးယား​နိုင်ငံက မုဆိုးမ ညီအစ်မ​တစ်ယောက်မှာ စားစရာ​နဲ့ ပိုက်ဆံ နည်းနည်းပဲ ကျန်တော့တယ်။ တစ်မနက်၊ လက်ကျန်​ဆန် ချက်​စားပြီး​ရင် ဘာစားရမလဲ​လို့ သမီး​ဖြစ်သူ မေးတယ်။ ပိုက်ဆံနဲ့ စားစရာ မကျန်တော့ပေမဲ့ ဇရတ္တ​မြို့က မုဆိုးမ​ကို တုပ​ဖို့ မိခင် ပြောတယ်။ ဒါနဲ့ နောက်ဆုံး တစ်နပ် စားပြီး ကျန်တဲ့ ကိစ္စ ယေဟောဝါ လက်ထဲ အပ်​ထားလိုက်တယ်။ (၁ ဘု. ၁၇:၈-၁၆) နေ့လယ်စာအတွက် မစဉ်းစားရသေးခင်မှာပဲ ညီအစ်ကို/မတွေ​က ကယ်ဆယ်ရေး အထောက်အပံ့တွေ လာ​ပို့ပေး​ကြတယ်။ နှစ်ပတ်​ကျော်​အတွက် လုံလောက်တဲ့ အစားအစာတွေ ပါတယ်။ ‘သားအမိ​နှစ်ယောက် ပြော​နေတာတွေကို ယေဟောဝါ နားထောင်​နေခဲ့တာ​ပဲ’ လို့ ညီအစ်မ ပြောတယ်။ ယေဟောဝါကိုသာ ယုံကြည်​ကိုးစားမယ်ဆိုရင် မျှော်လင့်မထားတဲ့ အခက်အခဲတွေကြောင့် ယေဟောဝါနဲ့ ပို​တောင် ရင်းနှီး​လာနိုင်တယ်။—၁ ပေ. ၅:၆၊ ၇။

19. Aleksey Yershov nynh pawmou a tung?

^၁၉ လွန်ခဲ့တဲ့ နှစ်တွေ​မှာ နှိပ်စက်​ညှဉ်းပန်းမှုတွေ​ကို ညီအစ်ကို/မတွေ မထင်မှတ်​ဘဲ ကြုံတွေ့​ကြရတယ်။ ရုရှား​နိုင်ငံက ညီအစ်ကို အလက်ဆီ ရာရှော့ဖ်​အကြောင်း စဉ်းစားကြည့်ပါ။ ၁၉၉၄၊ ညီအစ်ကို ရာရှော့ဖ် နှစ်ခြင်းခံချိန်မှာ ယေဟောဝါ​သက်သေတွေ ဘာသာရေး လွတ်လပ်​ခွင့် တော်တော်လေး ရကြတယ်။ နောက်ပိုင်း၊ ရုရှား​နိုင်ငံရဲ့ အခြေအနေ ပြောင်းလဲသွားတယ်။ ၂၀၂၀ မှာ ညီအစ်ကို ရာရှော့ဖ်ရဲ့​အိမ် ဝင်စီး​ခံရပြီး ရှာဖွေ​ခံရတယ်။ ပိုင်ဆိုင်ရာတွေ အသိမ်းခံရတယ်။ လ​အတော်ကြာ​မှာ ရာဇဝတ်မှု​နဲ့ တရားစွဲခံရတယ်။ တစ်နှစ်​ကျော်​လောက် ကျမ်းစာ စိတ်​ဝင်​စားချင်​ယောင်ဆောင်​သူ တစ်ယောက် ရိုက်ကူး​ထားတဲ့ ဗီဒီယိုတွေကို အခြေခံပြီး တရားစွဲတာ။ သစ္စာဖောက်ခံလိုက်ရတာပါပဲ။

20. Zahova te vaeccawkunaw a tyn nawlang unopaw Yershov nynh pawmou a cyi?

^၂၀ အဆိုး​ထဲက အကောင်း​ပါပဲ။ ညီအစ်ကို ရာရှော့ဖ် နှိပ်စက်​ညှဉ်းပန်းမှု ကြုံရပေမဲ့ ယေဟောဝါနဲ့ ဆက်ဆံရေး ပိုခိုင်မာလာတယ်။ “ကျွန်တော်နဲ့ ဇနီး​က အရင်ကထက် ပို​ဆုတောင်း​ဖြစ်တယ်။ ယေဟောဝါရဲ့ အကူအညီ မပါရင် ဒီ​အခြေအနေမျိုးမှာ ခံနိုင်ရည် ရှိမှာ မဟုတ်ဘူး။ . . . ကိုယ်ပိုင်​လေ့လာမှု​က စိတ်ဓာတ်ကျစရာ​တွေ​ကို ရင်ဆိုင်နိုင်ဖို့ ကူညီပေးတယ်။ ရှေးအချိန်က သစ္စာ​ရှိသူတွေရဲ့​အကြောင်းကို ပြန်​စဉ်းစားတယ်။ တည်တည်ငြိမ်ငြိမ်​နဲ့ ယေဟောဝါကို အားကိုး​တာက သိပ်အရေးကြီးတယ်ဆိုတာ ကျမ်းစာ​မှတ်တမ်းတွေမှာ ပါတယ်” လို့ ပြောတယ်။

21. E abalu kya pawkongmou ah ny vae oh?

^၂၁ ဒီဆောင်းပါးမှာ ဘာတွေ သိခဲ့ရပြီလဲ။ တစ်ခါတလေ မျှော်လင့်မထားတာတွေ ကျွန်တော်တို့ ကြုံရ​နိုင်တယ်။ ဒါပေမဲ့ ယေဟောဝါကို ယုံကြည်​ကိုးစားမယ်ဆိုရင် ဘုရား အမြဲ ထောက်မ​ပေးတယ်။ အဓိက ကျမ်းချက်မှာ ပြောသလို “ဖြောင့်မတ်သူဟာ အခက်အခဲ အများကြီး ကြုံရပေမဲ့ ယေဟောဝါက အခက်အခဲ​မှန်သမျှ​ကနေ သူ့ကို ကယ်တင်​တယ်။” (ဆာ. ၃၄:၁၉) အခက်အခဲတွေကို မဟုတ်ဘဲ ယေဟောဝါရဲ့ ထောက်မ​ပေးနိုင်စွမ်း​ကို ဆက်​အာရုံစိုက်​ကြပါစို့။ ဒါဆိုရင် “ကျွန်တော့်ကို အစွမ်း​ခွန်အား ပေးတဲ့ ဘုရားသခင်ကြောင့် အရာရာကို စွမ်းဆောင်​နိုင်လို့ပဲ” ဆိုပြီး တမန်တော် ပေါလုလို ပြော​နိုင်​ကြပါလိမ့်မယ်။—ဖိ. ၄:၁၃။