˗Kwa ꞊ɲɔɔn mɛn ˗nu ˗bha kö ˈkwa ˈdho ˈto kwa duuˈˈ ˈka: Biblö ˗dho kwa ˗takun ˗kɔ ˗kë ꞊dhɛ?

꞊Dhɔtrɔɔ˗ ˈˈgblʋ̈gblʋ̈ ˗nu ˗wa ˗pö ꞊dhɛ pë ˈö˗ ˗wɔn ˈdhö kun ˈˈgbɩɩ˗ ꞊dedewo ˗kwɛ 2023 ˈgü, ˈyö ˗tɔ ˗a ˈˈslö mɛɛnˈˈ ˗sü kö mɛn ˗nu ˈwa ˈdho kë wo ˗de ˈgü wo duuˈˈ ˈka. ˈˈKɛɛ ˗a ˈˈslö ˈö ˈˈdhʋ̈ ˗yö ˗dhö ˗ee?

• Zeta zuni ˗mɛn ˗nu ˗bha ꞊dhɔtrɔɔmi ˈkpii˗ do ˈwo˗ ˗dhɛ Vivɛkö Mëëti ˗ya ˗pö: «˗To kwa duuˈˈ ˈka ˗sü waa ˗kan mɛn ˗nu ˗bha ˗sü ꞊mɔɔn˗ ˗bha ˈö ˈˈyua ˗ya kwa ˗bha ˈˈvaanvandhö, ˈö zuʋ̈gblüdhi kun kwa ˗gɔ.» ˗Yö ˗go mü ˈzü ˈö˗ pö: «Kwa ꞊mɔɔn˗ ˗bha ˈkwa pë ˈbha ˗nu ˗kë kö ˈkwa ˈdho ˈto kwa duuˈˈ ˈka.» ˗A pë ˗nu ˈwo ˈˈdhʋ̈ ˗mën ˗nu ˗mü? ˗Ya ˗pö: «Kwa ꞊mɔɔn˗ ˗bha ˈkwa ˈwɔn ˈsɛɛn˗ ˈbha ˗nu ˗kë yi ꞊gban ˈˈpɛpɛ ˈka kö ˈkwa ꞊ɲɔɔn mɛn ˈˈwɛɛ ˗nu ˗bha.»a

˗A kë ˗sü kö ˈkwa kë kwa ˗de ˈgü kwa duuˈˈ ˈka bhë, ˈyaa ˈsü dosɛnŋ kwa ˗bha ˗kë kwa do ˈka ˗sü ˗bha. Mɛn ˈbha ˗nu ꞊mɔɔn˗ ˗bha ˗ʒiaanwo ˈwo kë wo ˗de ˈgü wo duuˈˈ ˈka mɛn ꞊va ꞊zinŋ ˈgü. Kwa ˗bha ˗kë duuˈˈ ˈka ˗sü ˗gɛn ˗yö ˗kë pë ˈˈʋʋ ˗pë ˈka, Biblö ꞊mɔɔn˗ ˗bha ˈö kwa ˗takun. ˗Dhioo ˗sɛŋbɔ ˗nu ˗wa ˈgü ˈö ˈwo ꞊mɔɔn˗ ˗bha ˈwo kwa ˗takun kö ˈkwa ˈdho ˈto kwa duuˈˈ ˈka, ˈgo mü ˈzü kö ˗mlɛɛn ˈö kwaa mɛn ˈˈwɛɛ ˗nu kwa ꞊zinŋ ˈgü, ˈkwa˗ ˗gɛn ˗gban.

Biblö ˗bha ˈtɔŋ˗ ˗gɛngbandhɛ ˗nu ˈwo ꞊mɔɔn˗ ˗bha ˈwo kwa ˗takun

˗Kwa kë mɛn ˈö dɔ ˈˈdɔɔ ˗dɔ mɛn ˗nu ˈˈpiʋ̈ ˗dhɛ ˈka, ˗a ˈka. ˗Yö ˗gban ˗kɔ ˈö ˈkwa kwa zuʋ̈piʋ̈wɔn ˗blɛɛ ˗a ˈka mɛn ˈˈwɛɛ ˗nu ˗dhɛ, ˈö ˈkwa kwa ˈˈtʋ to ˗an ˗bha ˈpö, ˗a ˗bha. ˈKwa kwa ˈˈtʋ̈ŋ kë ˗ni ˈgü ꞊dedewo mɛn ˗nu ˈgü, ˗mlɛɛn ˈö kwaa˗ ˗nu kwa ꞊zinŋ ˈgü, ˗a ˗gɛn ˗dho ˗gban.

• Biblö ˗bha ˈtɔŋ˗ ˗gɛngbandhɛ: ‹ˈMɛ ˈdhɛ ˈˈdhʋ̈ ˗yö ˗ya ö ˈˈtɛado ˗mawɔn ꞊në˗ ˗wɔn zuën ˗ta, ˈya ˈdho ˈto ˗ya ˗sü ˈka ö ˗dɩ ˗wɔn zuën ˗ta doseng ˈö dho˗ ˈka.›—Fidhipö 2:4.

Kwa ˈˈtɔŋdë ˗nu ˗wo kë ꞊va. ˗Kwa ˈˈwɩ˗ ˗bha kö ˈkwa ˈˈtɔŋdëdhɛ ˈkun ˈnën ˗nu, mɛn ˈˈgblʋ̈gblʋ̈, ˗wo suu do do pömɛn ˗nu waa mɛn ˗nu ˈö kwa wɔkɔ ˗nu ˈwaa do, ˗an ꞊gban ˗bha.

• Biblö ˗bha ˈtɔŋ˗ ˗gɛngbandhɛ: ‹˗Kwa kwa ˈˈgblʋ̈ʋ̈dhɛ ˈˈpʋ.›—2 Kodhɛngtö 6:13.

˗Kɔ ˈü ˗dho ˈˈtɔŋdëdhɛ ꞊dede ˈkun ˗a ˈka, ˈbha˗ pö ˈü˗ ˈbha dɔ, ˗bhö ˈwɔn ˗gɔ « Comment combler notre besoin d’amitié » ˗wo pö.