ˈˈSɛ ˗yö ˗zii ˗kɔ yaa ˗kë Tiiki waa Siidhi ˗sɛ ˈgü: ˈMën Biblö ˗ya pö?

˗A ˗DƐƐ: ˗Kwɛ 2023 Fevlie 10

ˈDhɛ ˈkwa ˗dɔ ˈˈMaandhoowayi ˈö ˗kë ˗kwɛ 2023 Fevlie 9 ˈka bhë ˗a ˈka, kö mɛn ˗nu ˈö ˈwo ga ˈˈsɛ ˈö ꞊zii Tiiki waa Siidhi ˗sɛ ˗nu ˈgü ˗an ˈgü bhë,˗wa ʒiö mɛn 20.000 ˗ta. ˗A mɛn ˈˈgblü ˗kɔŋ ꞊va ꞊dede ˈnën ˈwo ˗gi. ˈYö mɛn ˗nu ˈö wɔdhɛ ˈyaa ˗an ˗gɔ ˈzü, ˗wo ˗da mɛn ˈˈgblü këŋ ꞊va ˈgü.

˗Numɛndhɛ ˗mɛn ˗nu kpö ꞊plɛ ˈö Zoova ˗bha ꞊Gbɛkiö ˗nu ˈwo˗ ˗ya bhë, ˗wo wo ˈgü dɔ ˗ni ˈgü ˈˈgbɩɩ˗ ˗kplawo kö ˗wo mɛn ˗nu ˗takun, ˈgo mü ˈzü kö ˗wo mɛn ˗nu ˈö ˈwaa ˗kpan ˗an ˗bha ˈzü bhë, ˗an mɛɛnˈˈ. (Gadhatö 6:10) ˗Dhɛ ˈö ˈˈsɛ ˗yö bo ꞊zii ˗sü ˈka ˈö˗ ˗dhɛkpaɔyi do ˗yö ˗ʒiö, ˈkö ˗kë ꞊dhɛ ˈˈnɛnnɛn ˗kun ˈˈshia˗ ɛɛnˈˈ ˈˈta ˈkpɔ ˗sü ˗kun ˈˈgbɩɩ˗, Betɛdhö ˈö ˈˈsɛ bhë˗ ˈgü ˗yö mɛn ˗nu ˗bɔ kö ˗wo mɛn ˗nu ˈö ˈwɔn yaa ˗yö kë ˗an ˈka bhë, ˗an ˗zogban kö ˗wo ˗an ꞊faan ˗mën ˗Zlan ˗Wo ˈka. (1 Piɛdhö 5:2) Yi ˗dho ˈwɔn ˗dɛɛ ˗nu ˈwo ˗gban kwa ˗bha ˗numɛndhɛsü ˗yö ˗nu ˗bha ˗an ˗ya ˈˈdhiʋ̈ ˈˈdhiʋ̈ Nɔɔn˗ ˗dɛɛ ˗nu ˈˈpian ˗ta.

Biblö ˗ya ˗pö ꞊dhɛ «mɛn ˗nu ˈö ˗an zuʋ̈ˈˈ ˈˈklʋʋ ˈdhö bhɔ ˗ni ˈgü, Zoovaa ˗yö ˗an ˈˈsuee. ˗Yö mɛn ˗nu ˈö ˗an ˈgü ꞊ya ga ˗an ˗dha.» (Psaume 34:18) Pë ˗nu ˈö ˈwo yö, ˗wo ꞊mɔɔn˗ ˗bha ˈwo ü ˗takun ˈˈtʋ̈ŋ ˈˈgbɩɩ˗ ˗nu ˈgü. ˗Wo ˗gban Biblö ˗ta.

˗Dhioo ˗së ˗nu ˈwo ˗dho mɛn ˗nu ˈö ˗an ˗bha mɛn ˈbha ꞊ya ga ˗an ˗takun, ˗wo video Pë ˈö dho mɛn ˗nu ˈö ˗an ˗bha mɛn ˈbha ꞊ya ga ˗an ˗zogban ˈgü.
Biblö ˗bha ˈtɔŋ˗ ˗gɛngbandhɛ ˗nu ˈö ˈwo ˗dho ü ˗bha ˈnën ˗nu ˗takun kö nɔɔn˗ yaa ˗nu ˈwa ˈdho zuʋ̈dhiʋ̈tɛɛ ˗ya ˗an ˗bha, ˗wo ˈwɔn ˗gɔ «Aider son enfant à gérer des informations inquiétantes » ˈgü.

˗Kwɛ 2023 Fevlie 6 ˈka, ˈˈsɛ ˗yö ˗zii ˗kɔ yaa ˗kë Tiiki waa Siidhi ˗sɛ ˈgü ˈö pë ꞊va ꞊dede ꞊shiö.

«˗Tɛɛdhooyi ˈka, ˈˈsɛ ˗yö ˗zii ˈö mɛn ˗nu ˈwo ˗ʒiö mɛn 3.700 ˗ta, ˗an zë Tiiki waa Siidhi ˈˈdhʋŋ ʒiaan waa ˈɲënŋ˗ ˗pö ˗ʒiaan ˗nu ˈka. ˗Dhɛ ˈö ˗kë ꞊dhɛ ˗yö ˗kë ˈˈdhʋ̈ ˈˈnɛnnɛn ˈˈtʋ̈ŋ ꞊dede ˈgü bhë, ˗ya ˗kë ˈö ˈwɔn ˗nu ˗wo ꞊gbɔɔn ꞊dedewo mɛn ˈˈgblü ꞊va ˈö ˈwo ˗gi ɛɛnˈˈ ˈö ˗an ˗bha ˈkɔ ˗nu ˗wo ꞊shiö bhë, ˗an ˗ta. ˗A ˈˈnɛnnɛn ˈö ˈˈdhʋ̈ ˗ya ˗kë ˈpö ˈö mɛn ˗nu ˈwo dha ˗an mɛɛnˈˈ ˗sü ˗yö ˗kë ˈˈgbɩɩ˗.—˗Kwɛ 2023 Fevlie 6, Reuters.

ˈWɔn suu ˗nu ˈwo ˈˈdhʋ̈, ˈkwa ˗an man ˗wo kwa zuʋ̈ˈˈ ˈˈklʋʋ ˗bhɔ ꞊dedewo. ˈˈTʋ̈ŋ ˈˈgbɩɩ˗ ˗nu ˈwo ˈˈdhʋ̈ ˗an ˈgü, kwa ꞊mɔɔn˗ ˗bha ˈkwa ˗takundhe ꞊slɔɔ Zoova ˈö ˗kë ˗Zlan «ˈö mɛ ˗zʋ ˗gban ˗kɔ ꞊gban ˗kɔ ꞊gban ˈgü» ˗a ˈka bhë, ˗a ˈˈpiʋ̈. (2 Kodhɛngtö 1:3) ˗Yö ˗bɔ ö ˈˈdhiwo ˗ta ˈö ˗zogbandhe nu kwa ˗dhɛ «kë ˈˈdhʋ̈ kö kwa zuëˈˈ ˗yö kë ˗sɛa, kö ˗yö kwa faan dɔ ˈˈyan ˗to» ˗dhɛkpaɔ dhiʋ̈ˈˈ ˗së ˗gɔ ˗sü ˗bha.—Wlɔmö 15:4.

Biblö ˈgü, kwa ꞊mɔɔn˗ ˗bha ˈkwa ˗kpan:

ˈPë ˗Zlan ˗ya to ˈˈdhiʋ̈ ˈö ˗pö ˈö ˗gban ˈˈsɛ ˗bha ꞊ziisü ˗nu ˗bha
ˈPë ˗dho kwa ˗zogban ˈö kwa zuʋ̈ˈˈ ˗yö ˗kë ˗saa ˗dhɛkpaɔ dhiʋ̈ˈˈ ˗wɔn ˈgü
˗Kɔ ˈö ˗Zlan ˈö ˗dho saanˈˈ ꞊gban bho ˗a ˈka kwa ˗bha, ˗an ˗bha.

ˈBha˗ pö pë ˈö Biblö ˗ya pö ˈö ˗gban ˈwɔn ˗gɔ ˗nu ˈö ˈwo bhë ˗an ˗bha, ˈü˗ ˈbha ˈgüman, ˗bhö ˈwɔn ˗gɔ ˗nu ˈö ˈwo yö ˗an ˗wo pö:

a Zoova ˈnën ˗tɔ ˗Zlan ˈtɔ ꞊dede.—Psaume 83:18.