Kwa ˈˈgblü ˗yö kë ˗së

Pë ˈö Yesu ˗ya ˗kë

VIDEO: Yesu ˗yö ˈˈɲɛɛntiimɛn do ˈˈɲan ˗pʋ

1. VIDEO ˈö yö ˗a ˗ga ɛɛnˈˈ Zan 9:​1-7 ˗wo pö. ˈBha ü bo, ˗bhö ü ˗zota dhɛɛˈˈ ˗nu ˈö ˈwo yö ˗an ˈgü:

1. ˈMën ˈö Yesu ˗ya ˗kë ˗be? ˗A ˈˈdhɛ ˈnën ˈö Yesu ˗ya ˗kë ɛɛnˈˈ ˈwɔn ˗taɔŋ ˗së ˈnën˗ pö ˗a ˗dhɛ ˗be ˗ee?— Kpɔɔˈˈ Zan 9:​35-38 ˗bha.

2. ˈMën ˗kë ˈkwa ꞊mɔɔn˗ ˗bha ˈkwa˗ pö ꞊dhɛ ˗kɔ ˈö Yesu ˗ya ˗kë ˗a ˈka bhë, ˗ya ˗kë ˈö gɔndënën bhë ˈö ö ˈˈtʋ to ˗a ˗wo ˗bha?

˗Gleŋ ˗mɛɛn ˈö Yesu ˗ya ˗da kwa ˗bha?

2. ˈKwa kwa ˈˈtʋ̈ŋ kë mɛn ˗nu ˈgü, ˗a ˈbha ꞊ya kë ˗wo ˗dho ˈˈwɩ˗ ˗bha ˈö ˈwo wo ˈˈtʋ to kwa ˗bha nɔɔnwo ˗bha.

˗Kwa ʒiö Yesu ˗bha ˈwɔnzuan ˈˈpiʋ̈

3. ˗Kwa kwa ˗de ˗ya mɛn ˗nu ˗duɛɛ ˈgü. ˗Kwa kwa ˗zota ˗kɔ ˈö ˈwo˗ ˈka wo ˗de ˈgü ˗a ˈgü?

1. ˗Kwa kwa ˗de dhɛɛˈˈ ˈkpɔ: ‹˗Mën ˈö˗ zuʋ̈dhiʋ̈tɛɛ ˗ni ˈgü? ˗Mën ˈö ˗dho ˗a ˗takun ɛɛnˈˈ ˈö ˗dho kë ˗a ˗dhɛ ˗së?› ˈKwa kwa ˗zota dhɛɛˈˈ ˗nu bhë ˗an ˈgü, ˗wo ˗dho ˗a kë ˈö kwa ˈˈgblü ˗yö kë ˗së ꞊dedewo mɛn ˗nu ˈˈpiʋ̈.

2. ˗Kwa kwa ˈˈtʋ ˈto ˗an ˗bha ˗së ˈka kö ˈkwa˗ ˗zɔn ꞊dhɛ kwa ˈˈtʋ̈ŋ ˗yö ˗an ˈgü. ˗Kɔ ˈö mɛn ˗nu ˈwo˗ ˈka wo ˗de ˈgü ɛɛnˈˈ ˈwɔn ˈö ˗an ˗bha ˈwo˗ pö ˗ni ˈgü kwa ˗dhɛ, ˈkwa ˈdho ˈwɔn ˈˈwɛɛ blɛɛˈˈ.

4. ˗Kwa ˈwɔn blɛɛˈˈ ˗an ꞊bhlëë ˈgü ˈˈnɛɛnnɛn ˈka. Mɛn ˗nu ˗wëë ˗ya kwa kë, ˈgo mü ˈzü ˗an ˗takun ˗dhɔ ꞊dede ˗ya kë kwa ˗bha, ˗wo ˗dho ˗a ˗dhɛ yö kwa ˗bha ˈwɔn blɛɛˈˈ ˗kɔ ˗bha. ˗Kwa kwa ˗zokë kwa ˗bha ˈwɔn blɛɛˈˈ ˗kɔ waa ˗wo ˈö go kwa ˈˈdhi, ˗an ˈgü. ˗Kwa ˈˈkan ˗wo ˈˈdhiʋ̈˗ ˗nu ˗bha.

5. ˗Kwa mɛn ˗nu ˗takun. ˗Kwa mɛn ˗nu ˗takun ˗kɔ ꞊dede mɛɛnˈˈ. Kwa ˈˈgblü ˗ya kë ˗së mɛn ˗nu ˈˈpiʋ̈, ˗wo ˗dho ˈˈwɩ˗ ˗bha ˈwo ˈˈdoo dɔ kwa ˈˈpiʋ̈.