Efesu

5 Azuŋ, yɛ tɔglɔ Naaŋmen, aŋa biiri o naŋ nɔŋ, 2 yɛ naŋ moɔ̃ niŋe a kyɛnɛ nɔmmo poɔŋ, aŋa lɛ na Krista naŋ nɔŋ yɛ a de o meŋɛ tere aŋa kuubu ane sareka, sareka nyunoɔ̃ a ko Naaŋmen. 3 Yɛ ta wa vɛnɛ ka peɛ̃mo toma ane dɛgre boorɔ zaa kyɛbee bombɔ-gaŋne e yɛlɛ baŋ na pore a yɛ poɔŋ gba, aŋa lɛ a naŋ seŋ neŋ noba naŋ e forifori na; 4 a ba seŋ ka gyogo naŋ waana neŋ vi, kyɛbee yelyaga naŋ e dambol-yɛlɛ kyɛbee deɛne yelyaga naŋ taa yel-laama be yɛ poɔŋ—a yɛlɛ ama ba e yɛlɛ naŋ seŋ neŋ—kyɛ yɛ maŋ derɛ bareka puoruu korɔ Naaŋmen. 5 Bonso yɛ baŋɛɛ a yɛlɛ ama, ka yɛ menne meŋ sagaadi ka, neɛzaa naŋ tonɔ peɛ̃mo toma, kyɛbee neŋ-dɛgre, kyɛbee neɛ naŋ waa bombɔ-gaŋne soba, bombɔ-gaŋne eɛ bagmaale, ba kaŋa zaa koŋ kpɛ a Krista ane te Naaŋmen na Naaloŋ na poɔ. 6 Yɛ ta wa terɛ sori ka neɛzaa derɛ yelyaga naŋ ba taa tɔnɔ zaa a bɛnle yɛ, bonso a yɛlɛ ama zuŋ la ka Naaŋmen sutoloŋ waana koŋwoŋwuluu biiri na zuŋ. 7 Azuŋ, yɛ ta wa derɛ yɛ nuure poɔrɔ ba yel-eree na eŋɛŋ; 8 bonso yɛ da be la ligro poɔŋ, kyɛ pampana ŋa yɛŋ, yɛ waa la kyaanee a Daana eŋɛŋ. Yɛ naŋ moɔ̃ niŋe a kyɛnɛ aŋa kyaanee biiri, 9 bonso a kyaanee wɔnee eɛ sonnoŋ boorɔ zaa, ane sontuubu ane yelmeŋɛ. 10 Yɛ maŋ mɔɔrɔ ka yɛ baŋ yɛlɛ naŋ soma a Daana nimitɔɔreŋ; 15 Azuŋ, yɛ kaara yɛ menne soŋ a kyaare lɛ yɛ naŋ kyɛnɛ, yɛ ta kyɛnɛ aŋa dambolo kyɛ yɛ kyɛnɛ aŋa yɛmbanneba, 16 yɛ maŋ de yɛ wagre tonɔ neŋ toma soŋ, bonso a bebie waa la faa. 17 A yɛlɛ ŋa zuŋ, yɛ ta lɛ erɛ yɛ yɛlɛ aŋa noba naŋ ba teɛrɛ yɛlɛ gɛrɛ tɔɔre, kyɛ yɛ maŋ moɔ̃ niŋe a moɔrɔ ka yɛ baŋ Jehoova boɔbo. 19 Yɛ yele yɛlɛ korɔ taa ne yieme, a pugiro Naaŋmen, ane siiloŋ poɔ yiele, a kyeɛrɛ yiele, a maŋ yi yɛ sukyie pooreŋ a kyeɛrɛ yiele korɔ Jehoova, 20 yɛ maŋ tu te Daana Yezu Krista yuori eŋɛŋ a puoro te Naaŋmen ane Saa bareka yelzaa poɔŋ. 23 bonso serɛ la a pɔge zusoba aŋa lɛ Krista naŋ e a lantaapuoruu zusoba na, ona la a lantaapuoruu faara. 26 ka lɛ vɛŋ ka o pɛgoo ka o yi, a de a yelbiri naŋ waa ŋa koɔ̃ na pɛgoo ka o yi, 27 ka lɛ vɛŋ ka a lantaapuoruu veɛlɛ yaga zaa o nimitɔɔreŋ, a ta taa sããnaa zaa, kyɛbee nɔkpɛnaa zaa, ane a yɛlɛ ama taa, kyɛ ka o e forifori, ka sããnaa zaa ba kye o eŋɛŋ. 33 Aneazaa, yɛ kaŋa zaa seŋ ka o nɔŋ o pɔge aŋa o meŋɛ; lɛ meŋ la ka a pɔge seŋ ka o taa gyeremɛ naŋ e zuluŋ ko o serɛ.