Wulo Nyonono

Ka neɛŋ baŋ toɔ̃ de o meŋɛ eŋ o tɔsoba gbɛbɔgreŋ a baŋ yɛlɛ o naŋ teɛrɛ, yɛlɛ naŋ be o sukyiriŋ, o yelboɔree ane o yelfɛree muni soŋ, lɛ wuleeŋ ka o taa la nyonono. Ka teneeŋ wulo nyonono noba maŋ baŋeŋ. Ka teneeŋ yi te sukyiri zaa poɔŋ a boɔrɔ ka te soŋ noba, lɛ yɛŋ te na toɔ̃ wuli baŋ nyonono. Ka teneeŋ wulo nyonono a naaŋ moɔloo toma poɔŋ, lɛ na wuliŋ ka te tɔglɛɛ Jehoova nɔmmo ane lɛ o naŋ taa noba yɛlɛ na. Lɛ maŋ vɛŋeŋ ka noba boɔrɔ ka ba wa puoro Jehoova.​—Fi 2:4.

Nyonono ba e sori teŋ maŋ tu kyɛ wulo noba Jehoova yɛlɛ yoŋ; lɛ te naŋ maŋ kyɛllɛ yɛlɛ, te yelyaga, te gyogo, a de te nuure ane te nimisogo waaloŋ bigre yɛlɛ la na wuli ka te taa la nyonono. Ka te bagaŋ be neɛ kaŋa zieŋ, te wulee o soba nyonono. Ka teneeŋ baŋ ba yelboɔree, ba sagediibu, ane yɛlɛ ba naŋ tuoro, te na baŋ ko baŋ kawane a soŋ ba soe yaga poɔŋ, kyɛ te ta ferɛ ba ka ba leɛre ba eebo. Ka nobaŋ wa sage sommo na te naŋ korɔ ba na, a maŋ vɛŋeŋ teŋ taa popeɛloŋ yaga a naaŋ moɔloo toma poɔŋ.

KAA A VIDIO ŊA, NYƐ POPEƐLOŊ NAŊ BE A NAAŊ MOƆLOO TOMA POƆŊ​—NYƐRƐ NIMITƆƆRE GAABO​—WULO NYONONO, KYƐ PÃÃ IRI A SOOREBIE NƆƐ:

• 

  Saŋa na Jade naŋ ba wa wieoŋ na, sobuo ka Neeta wuli o nyonono?

• 

  Saŋa na Jade naŋ yelka o balɛɛŋ azuŋ o koŋ toɔ̃ zanne boma na, sobuo ka Neeta wuli o nyonono?

• 

  Sobuo ka Neeta wuli Jade nyonono saŋa na o naŋ yelka o ba maŋ toɔ̃ sɛgre o yɛlɛ soŋ na?