Ho Teɛrɛɛŋ?
Ho mãã la ho meŋɛ a kanne a yuoni ŋa Kaakaara Ziduoruu na velaa zaa bee? Kanne a nyɛ ka ho na baŋ iree a soorebie ama nɔɛ bee:
Boŋ maŋ vɛŋ teŋ de puubu korɔ Jehoova?
Te nɔŋ la Jehoova yaga, a taa gyeremɛ naŋ e zuluŋ meŋ koo, azuŋ teŋ maŋ de puubu koroo. Te maŋ de la puubu koo, bonso te boɔrɔŋ ka noba bamoo.—w25.01, gam. 3.
Ka neɛ kaŋaŋ e te yɛlɛ ka a kpɛ te, boŋ na baŋ soŋ te ka te di suuri ko o soba?
Lɛ ba wuli ka te taŋ te noɔre kyɛ ka a beɛrɛ te. Kyɛ, aseŋ ka te bare suuri, a ta gbuuli a yɛlɛ eŋ te poɔŋ. Ka teneeŋ e lɛ, te neŋ o soba niiloŋ na koŋ sãã.—w25.02, gam. 15-16.
Bonso teŋ na baŋ yelka Yezu potuuro Marko eɛ ewuli soŋ a ko pɔlbilii?
Marko da yi la o poɔ zaa a maŋ tonɔ korɔ o taaba. Aneazaa ka yɛlɛ mine da eɛŋ a dɔŋ Marko suuri ka o eŋɛ meŋ kyoɔre. Kyɛ, Marko da naŋ tonɔ korɛɛ o taaba. O da mɔɔ yɛŋ ka o neŋ Pɔɔl neŋ Kristabiiri naŋ kyile nyɔge zɔmennoŋ naŋ e kpeɛŋaa.—w25.04, gam. 27.
Yezu da puore sɔrɛɛŋ a yelka: ‘N eɛ la ka ba baŋ ho yuori.’ Wala oŋ da boɔrɔ ka o wuli? (Gyn. 17:26)
Yezu potuuribo na da baŋɛɛ Naaŋmen yuori. Kyɛ, Yezu da wuli baŋ Naaŋmen poboɔbo, yel-eree, ane o gyogri.—w25.05, gam. 20-21.
Ka teneeŋ baŋ te e ta zie, bo yɛlɛ teŋ na sage?
Te na sageŋ ka yɛlɛ mine bebeŋ teŋ ba baŋ. Aŋa mannoo poɔŋ, te ba baŋ bebiri na a donɛɛ baaroo naŋ na wa, kyɛbee lɛ na Jehoova naŋ na e o yɛlɛ ana saŋa na. Te ba baŋ yɛlɛ meŋ naŋ na e bieu, kyɛbee lɛ na Jehoova naŋ baŋ te aseŋ.—w25.06, gam. 15-18.
Boŋ na baŋ soŋ te ka te zanne yɛlɛ yi yelzu kaŋa kyɛbee gyamaa poɔ yelyaga kaŋa poɔŋ?
Te na baŋ soorɛɛ te menne ka: ‘Bo sieree la baŋ de sonnɔ a kyɛllekyɛlleba ka ba sage a yɛlɛ ŋa di? Yelmannaa kaŋa naŋ toɔrɔ sukyiri be la o poɔŋ maŋ na toɔ̃ de toŋ neŋ toma N wuluu poɔŋ bee? Aŋ mine poɔŋ na pɛle neŋ a yelzu ŋa?’—w25.07, gam. 19.
Bo yɛlɛ teŋ na baŋ zanne a kyaare Naaŋmen sudi a yi lɛ na oŋ da di suuri ko Deevid na?
Deevid da eɛ yelfaare naŋ e nimizeɛ yaga, kyɛ Jehoova da di la suuri koo. (1 Nam. 9:4, 5) Ka Naaŋmeneŋ wa di suuri ko neɛ, o ba maŋ lɛ are a yelfaa eŋɛŋ a de dɔgroŋ ko o soba, kyɛbee a lɛ te de a yɛlɛ waneŋ nendaare kaŋa.—w25.08, gam. 17.
Ka a naŋ e kpeɛŋaa ko ho Baabole zannezanna ka o woŋ yelkaŋa muni soŋ, wala hoŋ na baŋ e?
Ka hooŋ mãã ho meŋɛ a wuluu yelkaŋa yi a Baabole poɔŋ soŋ zaa, kyɛ ka a naŋ e kpeɛŋaa ka o woŋ a muni soŋ, yɛ na baŋ tɔnnɛɛ a zannoo, a kyɛ leɛ wa zanne a yɛlɛ a puoriŋ.—w25.09, gam. 24.
A Baabole yeleeŋ ka yelbebe taaɛ “bɛllɛ.” (Hib. 3:13) Wala ka lɛ wuli?
Faaloŋ na toɔ̃ bɛnle teŋ ka te e yɛlɛ naŋ ba soma. O na baŋ vɛŋeŋ ka te maŋ taa bonnoo a kyaare te menne. Aŋa mannoo poɔŋ, te na baŋ piili teɛrɛŋ ka Naaŋmen ba nɔŋ te.—w25.10, gam. 16.
Bo yɛlɛ ata mine la na baŋ vɛŋ ka te maŋ yi te sukyie poɔŋ a puoro sɔrɔ?
(1) Te na baŋ teɛrɛɛ Jehoova gyog-sonne yɛlɛ. (2) Te na baŋ teɛrɛɛ yelkpeɛne te naŋ tuoro a manne a yɛlɛ ko Jehoova. Aŋa mannoo poɔŋ, ka a naŋ wa fɛre ka te di suuri ko neɛ kaŋa, te na baŋ mannaaŋ ko Jehoova. (3) A ba seŋ ka te maŋ pagra te puore sɔroo poɔŋ. Lɛ na vɛŋeŋ ka te manne te sukyiri poɔ yɛlɛ zaa koo.—w25.10, gam. 19-20.
Wala teŋ na baŋ e a soŋ neŋnyaane?
Te na baŋ gaa te puoree a neŋnyaane, kyɛbee a kɔɔl ba. Te na baŋ de baŋ gaaneŋ asibiti ka ba te nyɛ dɔkta. Te ne ba na baŋ laŋ toŋɛɛ a naaŋ moɔloo toma.—w25.11, gam. 6-7.
Bo yelnimizeere mine la na baŋ soŋ Kristabiiri ka ba e kultaa yɛlɛ naŋ na de emmo ko Jehoova?
Yɛ de bege na a paaloŋ naŋ biŋ a kyaare kultaa toŋ neŋ toma. Yɛ sɛgre a kultaa yɛlɛ soŋ zaa, ka yɛlɛ naŋ na e be ane a nimipɛle zieŋ neŋ Naaŋmen sowuli kyaare taa. Yɛ su bonsuurii naŋ seŋ neŋ. Yɛ ta wa derɛ sããkommine yeltuurii naŋ ba seŋ neŋ poɔ a kultaa yɛlɛ poɔŋ. Yɛ maŋ dire dama gbɛɛ yaga saŋa na yɛŋ sɛgrɛ a kultaa yɛlɛ na.—w25.12, gam. 21-24.