Göi Itre Icasikeu Ne La Huliwa Ne Treu Januare
Koi 4 Januare Me Wiike Cili
Nyima 23
10 mn: Itre ithuemacanyi koi së me itre hna Amekötiin qa hnine la Huliwa ne Baselaia.
10 mn: “ ‘Ini qathei Akötresie ’ — Icasikeu ne distrik 1993.” Tro la atre cinyihane a ce ithahnatane me easë.
25 mn: Ixatua, maine “Un point de vue équilibré sur les divertissements”. Cainöj hna xome qa hnine la Réveillez-vous! ne 8 nofeba 1992 götrane 3 utihë götrane 10.
Nyima 139 me thithi ne nyipun.
Koi 11 Januare Me Wiike Cili
Nyima 162
10 mn: Itre ithuemacanyi koi së. Itre hna hnëkëne göi troa cainöj.
20 mn: “Cainöjëne jë la aqane tro Akötresie a atraqane la tingetinge memine la lapa loinöj.” Troa ce ithahnatan. Nyipi ewekë troa xatuane la itretre cainöje troa huliwane la itre tarak. Thupene la hna ce wange la paragarafe 3, troa amacaane hnene la ketre trejine ka hnëkë hnyawa, la aqane troa nyiqaane troa inine la Tusi Hmitrötr hna jëne la ketre tarak Le monde actuel survivra-t-il?; atreine hi troa kuca lai ngöne la kola xötrei ithahnata, maine ngöne la ijine kola iwai hmaca. Atre cainöj: “Bozu. Eahuni a pi troa ithahnatane memine la itre atr hne huni hna iöhnyi memin, la pengöne la mele enehila. Hapeue tro loi kö la aqane melene la itre atr enehila?” Angeic: “Ohea”. Atre cainöj: “Hapeue ma troa loi trotro ngöne la itre drai ka calemi?” Angeic: “Thatre kö ni.” Amamane jë pe lai tarak, nge qaja ju ka hape: “Nyimutre la itre atr ka mekune enehila laka ame la itre ewekë ka traqa koi së ke kola aeatrëne la itre hna perofetane hnei Tusi Hmitrötr, nge kola anyipicine fe laka easenyi palaha la pune la fen. Nemene la hnei epuni hna hane mekun?” Angeic: “Thatre kö ni. Ma nyipici jë hi lai.” Easë pe a qeje pengöne ju jëne lai tarak laka, ame la pune la fene ke tha celë kö la troa patre la fene hnengödrai memine la hnengödrai asë. Amamane ju pe lai lue boroshüre ka ijij, me upi angeice troa inine la Tusi Hmitrötr.
15 mn: Hmekëne kö së lo itre jole göi troa hamë madra: Traqa ha la ijine troa ahnyipixene lo pepa: “Instructions médicales”. Troa kuca hnene la ketre atre thup (qatr). Thawa jë la itre pepa ka hnyipixe kowe la itre hna bapataisone hë ,nge ce wange ju lo tusi ne 15 diseba 1991 matre trotrohnine la aqane troa kuca. Wangeju fe lai tusi ne januare drai 1, 1990 matre hnëkëne hnyawa. Loi e öhne hnene la itre ka sinye me anyipicin, la kola cinyihane hnei atrekë pepan. Qëmekene la troa isa ijei ke, loi e tro asë hi la itre ka kapa lai pepa ka hnyipixe a cinyihan’ ej. Nge loi e troa xome trongëne hnene la itretre cainöje hna bapataisone hë lai pepa: “Instructions médicales préalables/Décharge”. Ketre troa xome palahi la ca “Carte d’identité” hnene la itre nekö së ka tha bapataiso kö. Hna wangatrehmekune ngöne la ketre ijine icasikeu, laka hnine la faife lao atre cainöj, ke ala casi ka tha hane kö xome trongëne lo lai pepa, nge ketre pëpikö ca nekönatre ka trene “carte d’identité”. E jë me qeje pengöne la Itre Edomë 22:3 nyine nyipun.
Nyima 151 me thithi ne nyipun.
Koi 18 Januare Me Wiike Cili
Nyima 130
10 mn: Itre ithuemacanyi koi së; Itre ithuemacanyi Akötresie; göi hna ithingë e pune treu; olene ju la itre ahnahna. Olene hnyawa ju fe kowe la itre trejin, lo ixatua i angatre ngöne la itre huliwa ne la ekalesia, memine fe lo Keesi Sasaiatri göi itre Uma ne la Baselaia, memine la huliwa së ngöne la fene hnengödrai asë.
20 mn: “Huliwane hnyawane jë së itre ewekë ka sisitria.” Thupene la hna nyiqaan, hetre lue iamacanyi kola troa amamane la itre mekune ngöne la paragarafe 2 utihë 5. Ngöne la pune la pane iamacany, tro la atr’ a kapa la lue zonal. Atre cainöje a iahni pe me ahniithe ka hape tro hmaca ha angeic’ a bëeke troa sa lo lai hnying: “Ue lae Akötresie a nue la akötr? ”. Ngöne la pune la hnaluene iamacanyi ke tro la atre cainöje a nyiqaane troa inine la Tusi Hmitrötre jëne la ca tarak. Loi e xatuane la nöjei ka cainöje troa trofë trongëne la maca ka loi e mecixeni me sabath.
15 mn: Ue la itre hlue i Iehova a tha xomi madra kö. Troa kuca hnei ketre atre thupe qatr. Wange ju lo itusi Comment raisonner, ngöne götrane “madra”, kola qeje pengöne lai. Goeëne ju fe lai köni hna cinyihane götrane 359 me 360.
Nyima 177 me thithi ne nyipun.
Koi 25 Januare Me Wiike Cili
Nyima 128
15 mn: Itre ithuemacanyi koi së. Ithahnatane jë itre mekune ka nyipi ewekë qa hnine lo topik: “Itre ‘Tour de Garde’ hna cinyihane hmaca, me iacasinekeun”. Nyipi ewekë tro së a isa hetre hna ami tus. Thupene la icasikeu, Loie tro la itretre cainöje a xatuane la itre ka ini tusi me angatr, matre xome la itre itusi hna iacasinekeun. Troa komade thene lo atre cilëne lai, me ce wange me angeice la itre ithuemacanyi qa hnine la Huliwa ne Baselaia.
15 mn: “Hapeue nyipunie itre hlue i Iehova, ijije kö tro epuni a hane pionie? ” Troa ce ithahnatan. Hnyingëne jë kowe la ketre thupëtresiji ka pionie lapa, maine atre cainöje ka hane pionie ngöne la angeic’ a thöth. Loi e tro së asë itre keme me thine me itre xane a xatuane la itre thöthi troa pionie. Xatuane ju isa ala casi troa mekune hnyawa, matre xome la huliwa ka cile hut. Ijine hi la troa hnëkë, matre xome la huliwa ne pionie ka ixatua e treu eiperem.
15 mn: “Bëeke palahi së troa xatuane lo itre atr ka ajane troa ithahnata me easë.” Cainöje ka xoxopatr, nge troa amacaane fe hnene la ketre trejin, la aqane troa ithahnatane la itre mekune ngöne paragarafe 3. Maine ijije pala kö göi traem, ke ce wange hmaca jë itre mekune ka sisitria: göi troa nyiqaane me troa ithahnatane pe ketre topike qahnine la Tusi Hmitrötr.
Nyima 160 me thithi ne nyipun.