Cainöjëne Jë La Aqane Tro Akötresie a Atraqane La Tingetinge Memine La Lapa Loinöj
1 Tru la nöjei mekune me aqane kuca ne la atr, nyine thele tingeting, me lapa xetietë, ngo tha ihmeku kö memine la mejiune ne la nöjei atr, e celë fene hnengödrai asë. Ketre jole catre pena troa hetre tingeting, me lapa loinöj; pine laka kola imethinë la itre hmi, itre atr, me itre nöj, ngo ame pe itre hlue i Iehova, angatr’ a atrehmekune laka, ame la qaane la itre ewekë cili, tre diabolo nge satana, memine fe lo itre atre ka hni koi angeic. — Sal. 127:1; Iere. 8:9; 1 Ioane 5:19.
2 Ngöne la treu januare, tre tro së a catre troa xatuane la nöjei atr’ asë, troa atrehmekun, laka ame la gojenyi ka sisitria matre hetrenyi la tingeting, tre Iehova hmekuje hi. Nyidrëti hi la ka atreine troa apaatrene la itre jol, me akötre ne la itre atr asë.
3 Huliwaane hnyawane jë së itre tarak hne së hna xötrei kapa: nyipi ewekë catre tro së a trofë la ithuemacanyi ka sisitria jëne la itre tarak, hna amamai së lo ijine icasikeu katru (lo distrik): “Itretre trofë la lai i Akötresie”. Nyipi ewekë catre troa xatuane la nöjei atr troa inine la Tusi Hmitrötr, jëne lo tarak n°19: “Le monde actuel survivra-t-il?”. Celë hi matre tro së a amamane hnyawan’ ej. Alanyimu hë la itre ka öhne me wangatrehmekune, la enyipicine lo itre hna perofetane hnei Iesu, göi pune la fene hnengödrai.
4 Itre milio la etrune la itre atr ka kucakuca enehila, matre angatr’ a ajane catrëne troa traqa pi la ijine iamele, memine fe la nyipi tingeting, me iamano, me lapa loinöj. “De l’aide pour les déprimés” tarak n°20 ketre ithuecatre katru kowe la nöjei atr, ka hetenyi la kucakuca cili.
5 Tarak n°21 “Une vie de famille agréable” ithuecatre ka ijije koi itre fami matre hetre madrine palahi ene pe mejiune treqene lo nöje ka sisitria, ene la paradraiso e celë fen.
6 Tarak n°22 a sa hmekune la hnying: “Qui domine vraiment le monde?” kola amamane hnyawa la kepine matre itre atr’ a kuca la nöjei aqane iakötrë me ihumuth, ngo alanyimu pe la ka ajane troa mele tingeting me lapa loinöj. Ngo eje mina fe laka hnene la itre demoni qa hnengödrai, memine fe la nyinyithina i satana hna amenune la itre atr, matre tro angatr’ a mekune menune ka hape, pëkö satana, nge ketre pëkö demoni.
7 Nyipi ewekë troa nyiqaane inine la Tusi Hmitrötre memine la nöjei atr. Nyimutre la itre aqane troa inine me angatr: maine hnei tarak, maine hnei boroshür, maine hnei zonal, maine hnene la ca itusi pena. Maine atre hi së laka hetrenyi hë thene la ketre atr la ketre i tusi së, ke qeje pengöne ju la aqane troa inine la Tusi Hmitrötre hna jëne lai tusi cili. Ketre hne së hna kapa fe itre tarak ka hnyipixe cememine lo boroshür: “Dieu se soucie-t-il vraiment de nous?” itre ewekë ka sisitria hna hamë së hnei sasaiatri, nyine troa ithahnata memine la itre atr matre nyiqane jë troa inine la Tusi Hmitrötr.
8 Iehova Akötresie hmekuje hi la ka atreine troa hamëne koi së la nyipi tingeting. Loi e hetre aja së troa xatuane palahi la itre atr, troa fe pi la mekune i angatr, memine la hni angatre kowe la wesiula i Akötresie; ke nyipici lai, nge nyine mejiune kow. Hawe, huliwane hnyawane jë së la itre ewekë hna hamë së, me cainöjëne fe lo aqane tro Akötresie a atraqane la nyipi tingetinge me lapa loinöj. — Is. 2:3,4.