Maca Ka Loi; Aqane Trofë Ka Tha Jole Kö, Nge Ka Hetre Thangan
1 Nyipici laka tha jole kö troa trotrohnine la aqane cainöjëne hnei Iesu la Baselaia i Akötresie. Atre hi Nyidrëti laka, tro itre xan’a kapa la nyipici pine laka itre “mamoe” i Akötresie. Ketre, atre pengöne hi Nyidrëti la itre atr; isa pengöne kö la itre aqane mekune i angatr, me itre aja i angatr, me aqane trotrohnine i angatr. Celë hi matre, Nyidrë a huliwaane la nöjei aqane nyiqaane ka tha jole kö, me nöjei aqane hnying, me nöjei ceitune matre hetre ajane la itre ka drei Nyidrë, nge matre ketr la itre wenethëhmi angatr. Nyipi ewekë tro së a xötrethengene la tulu cili, memine la aqane kuca cili, matre hmaloie troa trotrohnin, nge matre loi la itre aqane nyiqaane ithahnata.
2 Huliwane hnyawane jë së lo itus “Comment Raisonner”: Pane aqane nyiqaane ithahnata fene la hna cinyihan “Emploi/logement” ngöne la götrane 11 ne la itus “Comment Raisonner” itre aqane troa trofë la Maca ka Loi ka ijije me ka hmaloi troa kuca tuun.
Öni epuni jë hi:
◼ “Hne huni hna ithahnata memine la itre atr ka lapa ezi epun, göne la aqane troa kuca matre, hetre huliwa me hnalapa ne la itre atr asë. Hapeu, atreine kö tro la itre baselaia ne fen’a hamë së la lue ewekë cili? . . . Hetre ka atreine troa apatrene la itre ejolen; Nyidrëti hi lo ka xupe la fene hnengödrai.” E jë la Isaia 65:21 utihë 23. Nge hnyingëne ju lai atr, lai hnei angeice hna mekune kow.
3 Aqane nyiqaane ngöne lai fene hna cinyihan “Injustice/Souffrance” götrane 12 nyine xatuane la nöjei atr enehila.
Hnyingëne ju:
◼ “Hapeu, hane fe kö epuni hnyingëne thele ka hape: Akötresieti kö a hane wang’atrune la itre iangazo memine la itre akötrene la itre atr?” Nue angeice pi troa sa, nge e ju la Atre Cainöj 4:1 me Tusi Salamo 72:12 utihë 14. Thupene lai maine ijije hi troa xome la itus “Vivre éternellement”, ngöne la götrane 150-3 ke amamane ju me qaja ka hape, ame cahu itre ewekë ka traqa e celë fene hnengödrai, ke kola aeatrëne la itre hna perofetane hnei Tusi Hmitrötr. Fe hmaca jë ngöne la götrane 161-2, nge amamane jë la aqane tro Akötresieti a apatrene la itre akötrene la atr. Hnyingë angeice jë fe ka hape, nemene la götrane hnei angeice hna mekun’atrun.
4 Hne së hna majemine troa inine la Tusi Hmitrötre hna jëne lo itus “Vivre éternellement”, ngo e thupene lai hnepe hna ithahnata memine lai atr, ke amamane ju pena la ketre mekune qa hnine la zonal, maine ketre boroshür, maine ketre tarak.
Ketre, maine e thupene la hna kuca lo lai aqane nyiqaane troa ithahnata ne la paragarafe 2 ne la hna cinyihane celë, öni epuni jë hi:
◼ “Ame la boroshür celë, ‘Dieu se soucie-t-il vraiment de nous?’, ke kola qeje pengöne hnyawa laka, Akötresie a troa hamë së la itre nyin la nöjei aja së ngöne la itre drai, nge tro fe ej’a hamë së la itre thangane ka loi.” Fe pi ngöne la götrane 26 me 27 ne lai boroshür, nge amamane ju la paragarafe 21.
5 Maine ase jë hi kuca lo lai aqane nyiqaane troa ithahnata ne la paragarafe 3, ke amamane ju lai tarak “Le monde actuel survivra-t-il?”
Öni epuni jë hi:
◼ “Tru la itre jole me akötre ngöne la fene hnengödrai enehila. Tarak celë a amamane laka, ame la itre isi, me itre jiin, me itre mec, ke hna qaja ha ekö hnei Tusi Hmitrötr. Ngo hnei Akötresieti hna thingehnaeane laka, tro Nyidrëti a kuca la fene hnengödrai matre tro ej a ketre pengön.” E jë la paragarafe hnapine ngöne la götrane 5 ne lai tarak.
6 Troa ketr la wenethëhmine la itre mamoe i Akötresie, e hne së hna ajane troa xatuane palahi la itre atr, me thupëne hnyawa la aqane tro së a fetra fë la Maca ka Loi, ene la troa thele jëne la aqane troa kuca, matre hmaloie troa trotrohnin, nge hetre thangane la Wesi ulai Akötresie. — Ioane 10:16.