Göi Itre Icasikeu Ne La Huliwa Ne Treu Okotropa
ITHUEMACANY: Kovasio ne Distrik “Enseignement divin”; ame ngöne la porogarame ne treu okotropa, troa xome la 30 menetre matre troa ce wange hmaca la itre mekune ka tru ne lo Kovasio. Troa canga iëne la luetre maine köni trejine ka ijije matre troa amamane hnyawane la itre mekune ka sisitria hna drenge ngöne lo isa ca drai. Loi e troa hnëkë hnyawa, ke, jëne tro la itre atrene la ekalesia a trongëne la itre mekune thenge la hnei angatre hna drenge thatraqane la mele i angatr, maine pena thatraqane la tro angatr’a cainöje trootro. Ame la ijine kola ce ithahnataan, ke, tro hi a hamëne la itre mekune ka ijij, nge amexeje la itre hna melëne hnene la itre trejine, tha tro kö a aqeane.
Drai 4 Okotropa Me Wiike Cili
Nyima 225
10 min: Itre ithuemacanyi koi së me itre hna Amekötiine qa hnine la Huliwa ne Baselaia. Itre aqane troa trofë la itre zonale hna xötrei kapa ngöne la itre hnë cainöje së. Nyipiewekë troa wange hmaca la itre hna hamë zonale kow, matre troa hane abone angatr.
15 min: “Respectons-nous notre lieu de culte?” Cainöje hna troa kuca hnene la ketre qatre thup, nge hna xome la taane cili qa hnine lo La Tour de Garde ne 15 june 1993. Troa kuca ej, hmekune la itre ewekë ka eje the së. Maine kola öhne la ketre jol, ke, troa hamëne amenyikëne la ixatua ka ijije.
20 min: Atrune jë la huliwa ne cainöje trootro ngöne itre hnalapa e treu okotropa. Tro la atre thupëne la huliwa ne cainöje trootro maine ketre trejine ka atreine pena, a ithahnataane memine la itre atrene la icasikeu la enyipiwekëne la huliwa ne cainöje trootro ngöne itre hnalapa. Nyimutre la aqane troa trofë la itre itus, pine laka nyimu pengön’itr’eje ngöne la kola hamëne e treu Okotropa. Iamacany: (1) Aqane troa nyiqaane ithahnata hnene la ketre atre cainöje nyine troa amamane la ketre taane hnine la Réveillez-vous! maine La Tour de Garde hna xötrei kapa. (2) Aqane troa nyiqaane ithahnata hnene la ketre atre cainöje matre amamane lo itus L’humanité à la recherche de Dieu. Qanyi angeice kö, e maine troa hamë itus, maine pena troa hamë lue zonal. (3) Tro la ketre atre cainöje a hamëne la ca tarake nyine troa nyiqaane ithahnata me hamëne la itre zonale hna xötrei kapa kowe la itre atr ka ajan. (4) Ketre atre cainöje trene gojenyine trofë zonal, a mekune troa abonene la ketre atr. Ame la aqane kuca celë ka nyimutre, ke, ka ijije troa xatuane la itretre cainöje troa atrune la huliwa ne cainöje trootro ngöne la treu okotropa. Eje hi laka, ma troa hetre ka troa xome la huliwa ne pionie ka ixatua ngöne la treu cili. Ijije pala kö troa xome hnene la itre xaa ka mekune ka ajane me ijij.
Nyima 42 me thithi ne nyipun.
Drai 11 Okotropa Me Wiike Cili
Nyima 4
10 min: Itre ithuemacanyi koi së. Qaja ju fe la itre hna ithingë. Olene ju fe la itre ahnahna ne la itre trejine, ene la ixatua i angatre kowe la huliwa ngöne la fene hnengödrai me kowe fe la Ekalesia. Ce wange ju lo itre drai ne icasikeu ne cainöje trootro, nge qaja madrine jë la itre trenge catre hna kuca hnei isa alacas.
15 min: “Huliwaane trongëne jë la itre zonale ngöne la itre hnalapa.” Troa ce ithahnataan. Alanyimu la itre kepine matre easë a hamëne madrine la itre zonale kowe la itre atr hne së hna öhne ngöne la hna cainöje trootro memine lo itre atr hne së hna öhne ngöne la itre ijine ka ijij. Ngacama hna amë la drai ngöne la itre zonal, nge tro së a hamëne la itre hne së hna xötrei kapa, ngo loi e tro palahi së a huliwaane la itre zonale hnapane e ijiji së troa hamën. Nyipiewekë catre troa hamëne la itre zonale ka tha zezenyikö nge ka tha dro kö. Troa kuca la ca iamacanyi hnene la ca atre cainöje ka atreine thenge la itre mekunene la paragarafe 4.
20 min: “Ka tru thangane catre la itre ini qa thei Akötresie.” Troa ce ithahnataan. E jë la itre paragarafe, nge ce wange ju fe la itre mekene tus, e ijije la traem. Qaja ju fe la itre manathithi hna kapa qa ngöne la hna sine me drenge hnyawane la kovsio memine fe la itre manathithi qa ngöne la hna huliwaane la itre itusi ka traqa la ijine cili.
Nyima 44 me thithi ne nyipun.
Drai 18 Okotropa Me Wiike Cili
Nyima 65
10 min: Itre ithuemacanyi koi së. Itre ithuemacanyi Akötresie.
20 min: “Nyipiewekëne jë la hnepe aja ne la atr.” Cainöje hna troa ce ithahnataan. Amamane jë la aqane tro la itretre cainöje a akökötrene la aja e celë ngöne la itre hnë cainöje së, maine pena tro la ketre atre cainöje a qejepengöne la ketre hna melëne ka tha hekö kö, kola amamane laka nyipiewekë catre troa bëeke hmaca troa wange lo itre ka kapa lo Réveillez-vous! me La Tour de Garde.
15 min: Itre ixatua koi së maine ca cainöje ka ithuecatre hna eköthe hune lo taane Les premiers chrétiens et le monde ne lo La Tour de Garde 1 julai 1993. Qaja hnyawane jë laka nyipiewekë catre fe koi së troa nyitipune la itre pane keresiano.
Nyima 60 me thithi ne nyipun.
Drai 25 Okotropa Me Wiike Cili
Nyima 75
10 min: Itre ithuemacanyi koi së. Qaja ju fe la itre drai ne icasikeu ne cainöje trootro ngöne la wiik, nge amamane ju fe la itre xaa mekune ka ijije qa hnine la itre zonale ka hnyipixe hna troa hamëne trongëne hnene la itretre cainöj. Maine ijije hi la traeme, ke, amamane jë la casi maine lue iamacanyi ka ihmeku kowe la itre hne së hna cainöje ngön. Amekunëne ju laka loi e tro së a bëeke troa wange la itre atr ka amamane la ajane i angatr.
15 min: Troa hnëkëne hnyawane nyine thuecatre kowe la itre ka hacene la kola paatre la ketre sine i angatr (hna eköthe eje hune la itus Comment raisonner götrane 257-9). (3 min.) Tro la trejine ka cile fë lai hnepe cili, a qejepengöne hnyawane ka hape ame la itretre anyipici Iehova, ke, tha angatre fe kö a hane sine la itre huliwa ne hnëmec. (5 min.) Tro la ca iamacanyi a amamane la aqane tro la ketre atre anyipicine a qejepengöne kowe la ketre sine huliwa i angeice la kepine matre tha angatre fe kö a hane sine la itre xaa huliwa ne hnëmec; ithahnata hna xomi tulune qa hnine lo itus Comment raisonner götrane 257-8. (7 min.) Ithahnataane jë memine la itre atrene la icasikeu lai hna cinyihane ka hape “Si quelqu’un vous dit—” götrane 258-9.
20 min: “Aqane ini Tusi Hmitrötre koi ketre atr..” Troa ce ithahnataan. Iamacanyi hna hnëkëne hnyawane hnene la ca atre cainöje nyine xatuane la hnainine troa trotrohnine laka sisitria troa xome me e la itre mekene tus, ke, itr’ej’a akökötrene la wangatrehmekune qa ngöne la itre paragaraf. Ngöne palahi lai iamacanyi cili, ke, tro lai atre cainöje a hnyinge kowe lai hnainine matre xatua angeice troa xome thatraqai angeice la nyipici. Iëne ju la ca hnepe hna cinyihane qa ngöne lai itus Unis dans le culte maine pena qa ngöne lai itus Vivre éternellement.
Nyima 78 me thithi ne nyipun.