Nyipiewekëne Jë La Aja Hna Öhne Thene La Atr
1 Ame la easë a hamëne trongëne la itre zonale me itre itus, ke, easë lai a qaja agöne la Maca lo hnei Iesu hna cainöjëne ekö. Ngo loi e tro së a bëeke hmaca kowe la itre atr ka amamane laka hetre aja thei angatr.
2 Maine tro së a amamane la ketre mekene hna cinyihane ngöne Réveillez-vous! hna pi goeëne hnene la ketre atr, ke, mekune kö qejepengöne hnyawane hmaca la itre mekune ngöne lai mekene cili la easë a bëek, ngo loi pe troa ce ithahnataane jëne la ca mekene Tusi Hmitrötre hna fejan, maine ce wange pena la casi maine lue paragaraf. Nge maine ajane pala kö la atr, ke, qaja jë ka hape, ame Réveillez-vous!, ke, ka sisitria catre kowe la fami asë. Ej’a amamane la nöjei ewekë asë ka nyimutre: aqane mele ne la atr memine la itre ewekë ka cile xötreithi angeic, aqane troa nyidrawane la mele i angeic, aqane qëmeke kowe la itre ehacene la mele enehila, itre ihaji koi itre nekötrahmanyi me jajiny.
3 Ngo troa tune ka, e tha pi goeëne kö la Réveillez-vous! hnene la atr? The nue kö la porotrik, ngo canga hane ju hë qejepengöne koi angeice la huliwa ne la itretre anyipici Iehova e celë fen, hna cinyihane lai hnine lo itus Comment raisonner götrane 400, 401.
4 Maine hnei epuni hna amë pe e cililo la ca La Tour de Garde, nge maine hnei epuni hna e lo 2 Timoteo 3:1-5, me amamane la götrane 2 ne la zonal, ke, qaja jë la epuni a bëeke ka hape:
◼ “Ame lo porotrike i easo e cililo, ke, hnei easo hna ithahnataane la itre ewekë ka traqa kowe la fene enehila. Tru la itre atr ka sixaane la Akötresie, me itre tulu ne mele qa thei Nyidrë tune la aqane amamane hnene la Tusi Hmitrötr. Celë hi matre hetre thiina i angatre ngöne la aqane imelekeu i angatr, tune la hna cinyihane ngöne 2 Timoteo 3:1-5. Tune ka fe la mekune i nyipë? Hapeu, hetre nyipi kepine kö matre tro së a mejiune kowe la mele ka loi ngöne la itre drai ka troa xulu? Thupene la kola sa, ke, amamane jë la 2 Peteru 3:13. Nge fe jë lo itus Comment raisonner götrane 336-342, nge amamane jë la itre hna troa kuca hnene la Baselaia epine kowe la itre atr e celë fen.
5 Ngöne la epuni a bëeke troa iwaihmaca, ke, ma tro epuni a öhne e cili laka tha nyipi ajane kö la atr troa ithahnataane la hmi i angeic, ke, sipu götrane i angeice kö. Ngo ijije tro epuni a qaja tune la, ka hape:
◼ “Tru catre hë la nöjei hmi enehila, nge kösë coco pe hi la fene hnengödrai e tro së a goeën, pine laka nyimenyime hë la jëne tro koi ketre nöje me ketre nöj, celë hi matre canga saqe hi kowe la itre hmi troa ketr la nöjei atr ngöne la fene hnengödrai asë, ngacama ajane, maine tha ajane pena kö së. Ngo eje hi laka ketre jëne tro së lai a atre pengöne la aqane mekune ne la itre xan, matre hetre itrotrohni ne la itre atr, ngacama isa hmi angatre kö. Nemene fe la mekune nyipë? Treqene ju la kola sa, nge amamane jë la itre mekene ne lo itus L’humanité à la recherche de Dieu.
6 Epi tro së a catre palahi troa bëeke hmaca troa wange la itre atr ka amamane laka angatr’a ajane la nyipici, me thë sai angatre ngöne la gojenyi ne la mele ka epine palua. — Ioane 4:23, 24.