Thangane Ka Loi Hna Kapa Qa Ngöne La Itre Cainöje Koi Nöjei Atr Hna Amekötiine
1 Ame la isitoare ne la itretre temoë i Iehova enehila, ke, hna qejepengöne hnyawaane ngöne la tusi Ite Edomë 4:18: “Ame la jëne la ite ka meköti, te, tune la lai ka hadehadeu, kola lai trotro uti hë e hnaipajö.”
2 Tune la hna qaja hnene la itusi Ite Edomë, kola kapa hnene la ekalesia keresiano la itre mekune ka hnyipixe qa hnine la itre ini ne la Tusi Hmitrötre ngöne la ijine ka ijij. (Mata. 24:45-47) Nyipici, ijije tro fe hë epuni a hane qaja la itre mekune ka tune hnei epuni hna atrehmekun, me trotrohnine hnyawaan, qaane la epuni a nyiqaane ce huliwa memine la itre temoë i Iehova. Ame la itre icasikeu ne la ekalesia, memine la itre cainöje koi nöjei atr, ke, itre hna hnëkëne nyine troa xatua së troa trotrohnine la etrune la lai ne la nyipici.
3 Itre Taane Mekune Hna Amekötiin: Eue hi lo hnei Sasaiatri hna hamëne la itre taane mekune ka hnyipixe, nge ka sisitria, thatraqane la troa cainöje koi nöjei atr. Hna hamëne la itre mekune ka hnyipixe matre alaine pi lo itre xaa mekune ka sisitria. Tro la ekalesia a kepe thangane la itre mekune ka hnyipixe, e tro la itre trejine ka cainöj’a hamëne hmekujehi la itre mekune ka sisitria hna hnyipi hamëne hnei Sasaiatri.
4 Hetre thangane ka tru troa kapa qa ngöne la hna hamëne la itre xaa mekune ne la itre cainöje koi nöjei atr. Qëmekene la troa sine la icasikeu koi nöjei atr, ke, loi e troa thele troa mekune panëne la itre ithuemacanyi ka hnyipixe ngöne la taane hna troa cile fë. Nge thupene lai, ngöne la epuni a dreng, ke, canga mekune panëne jë la itre hna troa qaja. Ka loi fe la troa xomi not göi troa atrehmekune la itre aqane troa trofë ka hnyipixe, ene la itre nyipici, ka troa traqa ngöne la itre drai ka calemi. Nyipici laka, tro epuni a kepe thangan’atraqatre qa ngöne la itre cainöje koi nöjei atr.
5 Tro La Itre Cainöje Koi Nöjei Atr a Ithuemacany, Me Ithue Aja Kowe La Itre Ka Dreng: Ame ngöne la Iesu a ithahnata, ke, hnei nyidrëti hna ketr la itre hni ne la itre ka dreng. Ngöne la pune la cainöje i nyidrë hune la wetr, ene lo cainöje ka hlemu, ke, kola qaja ngöne Mataio 7:28 ka hape: “Ame hna haine atraqate la nöjei ate ka ala nyimu ngöne la ini nyidë.”
6 Hawe, e eje thene la itre qatre thupe la itre aqane huliwa i Iesu, ke, drei la tulu nyine tro angatr’a xötrethenge, ene la kola wange la itre ka hnyipi cainöj, me iëne la itre trejine ka atreine inin, me tro fe a atreine trongëne hnyawaane la itre inii Sasaiatri, nge tro fe a hetre ajane la itre atr troa drei angeic. Ame la itre trejine hna iëne kowe la hnëqa celë, ene la troa hamë cainöje koi nöjei atr, ke, tro angatr’a catre thele troa atreine ithahnata hnyawa, nge troa kapa la itre eamo, me itre mekune qa thene la itre qatre thup.
7 Tune la hna qaja ekö ngöne Isaia 65:13, 14, kola mama cile trootro la aqane tro loi ngöne la ua hnene la nöje i Akötresie. Ame la itre cainöje koi nöjei atr, ke, ketre e itre aqane “ini së hnei Iehova.”—Is. 54:13.