Kola Sa La Itre Hnyinge i Nyipunie
◼ Hapeu, easë kö a nyihnyawane la itre jia ne huliwa thatraqane la hnëqa ne cainöje trootroo.
1 Ngacama hetre aqane nyiqaane hna mekune hnene la ketre atre cainöjëne la Maca ka loi, thatreine jë kö troa hamëne la itre jia ne huliwa, e tha hna hnëkëne kö itr’ej. Maine ngöne la angeic’a cile ngöne la qëhnelö, nge paatre pë hë la itusi hna troa trofë. Maine ificanyi pena me zezenyi la itre zonal, itre borochüre, me itre tarak hnine lai watrenge ne cainöje trootro. Ketre ma tha öhnyi peeni pena kö maine pepa ne xomi not pine laka, tha hna amë hnyawa kö hnine lai watreng. Celë hi matre nyipiewekë troa wange hnyawaan, me hnëkëne hnyawa la itre jia ne huliwa së, thatraqane la huliwa ne cainöje trootro.
2 Nemene la itre ewekë nyine tro së a hnëkëne hnyawa me aliene la watrenge ne cainöje trootro? Nyipi ewekë troa hetrenyi la Tusi Hmitrötr. Troa xome fe la itre pepa ne xomi not. Mekune fe kö lo itusi hna troa trofë ngöne la treu. Ketre, loi e troa hetrenyi fe la itre zonal, me itre tarak, me itre borochür. Xometrongëne jë fe la ca itus Comment raisonner. Nge, loi e tro fe a hane xome the së la Huliwa Ne Baselaia ne la treu matre troa goeëne la itre aqane nyiqane ithahnata qëmekene troa fenafena la qëhnelö. Maine epuni a troa cainöje trootro ngöne la itre götrane kola troa ixelë memine la itre atr ka ithahnataane la ketre qene hlapa, loi e troa hetrenyi la sine itus Une bonne nouvelle pour toutes les nations. Ketre, xome ju fe la caa itusi hna cinyihane thatraqane la itre thöth, ketre ixatua lai koi së troa ithahnata memine la itre thöth.
3 Nyipi ewekë troa amë hnyawa itr’ej hnine la watreng. Ejehi laka tha nyipiewekë kö troa hnyipixe la watreng, ngo loi e troa nyidrawan’ej matre pë gelen. Ame la watrenge ne cainöje trootro së, ke, celë hi sine tronge së nge trengene la itre jia së troa qaja trongëne la Maca ka Loi. Hawe, nyihnyawaane ju ej.