Göi Itre Icasikeu Ne La Huliwa Ne Treu Januare
Koi 1 Januare Me Wiike Cili
Nyima 133
10 men: Itre ithuemacanyi koi së. Iëne ju la itre xaa mekune qa hnine la Itre Hna Amekötiin ngöne la Huliwa ne Baselaia.
17 men: “Loi e Troa Atreine Atrepengöne Hnyawa Ngöne La Kola Cainöje Trootro.” Ce ithahnataane jë la itre mekune ka tru, nge kuca ju la caasi maine lue iamacany. Thuemacane jë la itre trejine laka hetrenyi palakö la itre itusi ka 192 lao götrane ngöne la ekalesia.
18 men: Itre ihaji koi së. Maine cainöje hna xome qa hnine la hna cinyihane ka hape “Ketre ini göne la aqane troa cile kowe la itre jol” ngöne La Tour de Garde ne 15 febuare, 1995, götrane 27-31.
Nyima 28 me thithi ne nyipun.
Koi 8 Januare Me Wiike Cili
Nyima 138
10 men: Itre ithuemacanyi koi së. E jë la hna ithingë. Olene jë la mani hna nyiahnahnane thatraqane la maca ka loi hna cainöjëne ngöne la nöj, me ngöne la fene hnengödrai asë.
15 men: Instructions médicales préalables/Décharge. Tro la itre qatre thup a ithahnatane memine la ekalesia la enyipiewekëne la troa nyialiene hnyawa la pepa “Instructions médicales préalables/Décharge”, me xome trongëne e nöjei ijin, nge nyipi ewekë fe tro la itre nekönatre a hane hetrenyi lo “Carte d’identité”. Tune la hna qaja ngöne la taane lai karte, kola canga hamë ithuemacanyi ngöne la hne së hna ajan (maine tha hne së hna ajane pena) ngöne la kola troa inyië së e pital. Nemene la kepine matre kola kuci karte ka hnyipixe ngöne la nöjei macatre? Troa hetre thangane ka tru la karte ka hnyipixe hune lo ka heekö, ketre hna mejiune kow hnene la itre atrene pital. Tro la pepa a nyi trengewekë i epuni maine troa traqa la ketre ijine thatreine epuni troa ithahnata. Troa hamëne la itre karte ngöne ju kö lai heji ne kuca lai cainöj. Nge troa nyialiene itr’ej ngöne isa hnalapa, ngo tha tro pi kö a sijihatren. Tune la hna kuca ngöne la lue macatre ka ase hë, troa sijihatrene me anyipicine hnene la ketre trejin, nge troa wange hnyawa hnene la itre ka elemekene la ini Tusi ne la ekalesia. Tro la itre ka sijihatren, me anyipicine a goeëne la kola sijihatrene hnene la atrekë pepan. Troa kuca lai thupene la hna ini Tus ngöne la wiik ne 15 januare. (Goeëne ju la götrane 2 ne januare 1994 hnine la Huliwa ne Baselaia göne la itre xaa hnepe götrane nyine troa kuca.) Tro asë hi la itretre cainöje hna bapataison a nyialiene la pepa “Instructions médicales préalables/Décharges”. Tro la itretre cainöje hna tha bapataisone petrekö a ketre cinyihane la pepa i angaatre thenge la karte celë, me qaja amamane la lapaune i angaatr. Loi e tro la itre keme me thin a xatuane la itre nekö i angaatre ka tha bapataiso petrekö troa nyialiene la “Carte d’identité” i angaatr.
20 men: “Thaa Loi Kö Tro Së Hmekuje Hi a Itre Atr Ka Dreng—Ngo Sisitria La Ka Trongën.” Troa ce ithahnatan. Maine ijije hi la traem, ke, qaja ju la enyipiewekëne troa idrei, hna xome qa hnine la itus Perspicacité, volime 2, götrane 521, paragarafe 1 me 2. (Itus Auxiliaire, götrane 1099, paragarafe 1 me 2.)
Nyima 70 me thithi ne nyipun.
Koi 15 Januare Me Wiike Cili
Nyima 77
12 men: Itre ithuemacanyi koi së. Troa ithahnatane la itre jole hna öhne ngöne la kola xomi not ne la itre hnalapa ka pë atren. Xatuane jë la itretre cainöje troa xölehuje la itre ijine troa easenyine me ithahnata memine la itre atr hna ixelë memin, maine itre atr ka cilë gojeny, maine itre ka lapa treqe kaar.
15 men: Itre ihaji koi së. (Maine “Tha tro kö a thëthëhmine laka kola nyimenyime la itre drai,” hna cinyihane qa hnine La Tour de Garde ne 1 okotropa, 1995, götrane 25-8.)
18 men: “Bëeke Hmaca Jë Matre Amelene La Itre Xan.” Ce wange ju la itre aqane trofë hna hamën. Amekunëne ju la aja së, ene la troa nyiqaane inine la Tusi Hmitrötre kowe la itre atr memine la itusi ka hnyipixe, La connaissance qui mène à la vie éternelle.
Nyima 156 me thithi ne nyipun.
Koi 22 Januare Me Wiike Cili
yima 200
5 men: Itre ithuemacanyi koi së.
20 men: “Manathithi Hna Troa Kapa Qa Ngöne La Ini Ne Cainöje Trootro Qa Thei Akötresie Göi Macatre 1996—Götrane 1.” Cainöje hna troa kuca hnene la atre thupëne la ini. Ce wange ju la itre ini hna hamëne kowe la itre trene xötreqa ngöne la porogarame ne Ini Ne Cainöje Qa Thei Akötresie, ka ce tro memine la Huliwa ne Baselaia ne treu okotropa, 1995.
20 men: “Catre Jë Troa Ithahnata.” Cainöj, nge troa cile fë hnene la ketre qatre thup. Ce wange ju la itre hna hnëkëne thatraqane la huliwa ne cainöje e sabath. Olene ju la itre trejine la hnei angaatre hna sajuëne me hamë ini matre troa catre ngöne la itre götrane nyine aloin.
Nyima 92 me thithi ne nyipun.
Koi 29 Januare Me Wiike Cili
Nyima 31
10 men: Itre ithuemacanyi koi së.
15 men: Cainöje e Ijine Hedredrei. Alanyimu catre la itre ka mele ngöne la itre götrane gaa hedredrei catr, maine gaa enyi lapa, maine gaa wene me mani ngöne la itre treu ne hedredrei. Tro la könitre maine foa lao trejine a ithahnatane la aqane catre cainöje i angatre ngacama catrehnine la hedredrei. Nyimutre la itre ekalesia ka hnëkëne hnyawa hmekune la teritoare la itre icasikeu göi cainöje trootro matre tha tro kö a nanyi la itre gojenyi koi itre xan. Angaatr a nyiqaane e sine hmakany, me hnëkëne fe la itre icasikeu ne cainöje trootro e xaa hej. Tha tro kö a alanyimu hnine la itre loto matre tha tro kö a qea la hna itreqe. Maine tha hna kuca asë kö la teritoare, loi e troa pane amë pe, nge kuca pena jë la itre iwaihmaca. Hetrëne ju la itre iheetre ka ijij, nge the wangahmaloeëne kö la aqane troa heetr. Qaja ju la itre xaa mekune ka loi nge ka ijije troa huliwane ngöne la götrane i epun.
20 men: Trofë trongëne jë la itus Révélation: dénouement e treu febuare. Qaja ju la kepine matre qaan ekö hna sihngödre la trotrohni ne la tusi Hna Amaman. Ce wange ju la itre paragarafe 6 koi 9 ngöne la götrane 8, nge amamane ju la kepine matre nyipiewekë catre lai itusi cili. Xatuane jë la itretre cainöje troa lapa fë la itre mekune celë, matre troa nyijëne la itre taane mekune nyine ithahnatane ngöne la itre hnalapa. Amamane jë la “Plan du livre de la Révélation” ngöne la götrane 98-9, nge amamane ju la aqane troa huliwan eje matre troa qaja la aliene la itus Hna Amaman. Amamai angeice jë la itre iatre ka troa hamë ithuecatre ngöne la qaane la itus, me ngöne la pune la itus, nge amamane ju la aqane troa huliwan itr’ej matre troa nyiqaane ithahnata. Amekunëne ju la itre trejin asë troa isa xomi itus göi troa cainöje e mecixeni me sabath.
Nyima 143 me thithi ne nyipun.