Itre Hna Amekötiin

◼ Itre itusi hna troa trofë e treu Januare: Nöjei itusi ka 192 lao götrane hna cinyihane qëmekene lo macatre 1982, nge ka hetrenyi ngöne la ekalesia, maine pena lo itus La paix et la sécurité véritables: comment est-ce possible? göi 150 F la thupen. Febuare: Itus La Révélation: le grand dénouement est proche! hna troa trofë göi 400 F. Maac: Itus La connaissance qui mène à la vie éternelle. Eiperem: Troa abone La Tour de Garde, maine Réveillez-vous! maine itre boroshüre pena. Troa trofë la nöjei boroshüre ngöne la itre teritoare hna kuca lapaan (ngo tha ene fe kö lo boroshüre hna hape Instruction me École). ITHUEMACANYI: Ame la itre ekalesia ka tha hane palakö komadëne la itre itus, ke, troa komadën itr’eje memine la itre itusi ne treu hnapine (S-14).

◼ Loi e tro la itre ekalesia a hnëkëne matre troa atrune la Drai ne Amekunëne la meci Keriso la macatre celë, e drai menu (Maredi) 2 eiperem, thupene la kola lö la jö. Ngacama ka loi kö tro la nöjei ekalesia a isa atrune la Drai ne Amekunën, ngo ame pe, ke, thatreine kö troa ej. Ame ngöne la itre uma ne Baselaia hna icasikeu hnene la itre ekalesia ka nyimutre, ke, ijije tro la itre xaa ekalesia a thele la ketre götrane matre troa icasikeu la heji cili. Troa nyiqaane la ijine Amekunëne la meci Keriso ngöne la hawa hna sa, tha tro kö a hmitr, wanga tro la itre ka ajan a qeje ejolene troa hane sin. Ngo ketre, tha loi kö troa anyimenyimëne la porogaram, ke troa pë traeme së troa hane ibozu memine la itre ka hane xötrei traqa, me troa xatua angatre troa hane sine la itre icasikeu, maine pena troa hane hamë hnepe ixatua kowe la itre ka hane sin. Thupene lai, tro la itre qatre thup a hnëkëne hnyawane la ijine cili matre tro la itre ka traqa hane sine la drai cili a kapa madrin ej.

◼ Troa kuca lai cainöje ka ketre pengöne göne la ijine Amekunëne la meci Keriso 1996 e sabath drai 21 ne eiperem. Ame la taane la cainöj, ke, kola hape “Troa lapa pë engazone qëmekene la xötre ka qaliqali.” Troa hamëne la itre mekune ka tru. Maine ngöne la wiike cili, ke, hetrenyi la itre ekalesia hna vizitëne hnene la atre thupëne la sirkoskripsio, maine ka icasikeu ne sirkoskripsio, maine pena ka icasikeu ka ketre pengöne ne ca drai, loi e tro angaatr a kuca lai cainöje ka ketre pengöne ngöne la wiike thupen. Pëkö cainöje ka ketre pengöne hna troa kuca qëmekene la drai 21 eiperem.

◼ Tro la atre thupëne la sirkoskripsio a kuca la cainöje ka hnyipixe e febuare, maine qaane la drai 3 maac, ame la taane ej ke hna hape “Ekalesia ka nyipici fene la musi Keriso.”