Manathithi Hna Troa Kapa Qa Ngöne La Ini Ne Cainöje Trootro Qa Thei Akötresie Göi Macatre 1996—Götrane 1
1 Hapeu, hnei epuni kö hna e la itre ini hna hamëne memine la “Porogarame Ne Ini Ne Cainöje Trootro Qa Thei Akötresie Göi Macatre 1996”? Hnei epuni kö hna wangatrehmekune me xomi not ngöne la itre ewekë ka hnyipixe? Qaane treu Januare uti hë treu Eiperem, troa eköthe la hnëqa naba 3 hune la itus Comment raisonner, nge itus Connaissance qaane treu Mei uti hë treu diseba. Ame la hnëqa naba 4, ke, kola troa ithahnatane la pengöne la itre atr hna qaja hnei Tusi Hmitrötr.
2 Itre Hnëqa Hna Athipe Kowe La Itre Ka Ini: Hna athipe la hnëqa naba 3 kowe la itre trejine föe. E hne së hna xomi tulu ne la cainöje së qa ngöne la itus Comment raisonner, haawe, loi e troa kuca ej ngöne la kola cainöje trootro ngöne itre hnalapa, maine ngöne la nöjei ijine ka ijij. Nge e hna xomi tulu qa ngöne la itus Connaissance, ke, loi e troa kuca ej ngöne la kola iwaihmaca, maine ngöne la kola ini Tusi Hmitrötre ngöne hnalapa. Tro la aqane kuca celë a ketre ixatua ka tru koi së, pine laka easë a troa huliwan atrune la itus Connaissance ngöne la kola inine la Tusi Hmitrötre kowe la itre atr.
3 Maine ame la xötreqa, ke, kola amamane ka hape kola ini Tusi Hmitrötr, loi e tro la lue trejine föe a lapa. Thupene lai, qaja ju la itre mekune ka xoxopatr matre nyiqaane la etid, tha tro pe a aqeane matre wange mekötine jë hë la etid, nge thupene lai, qaja jë la hnyinge hna fejan. Nge loi e tro lai ketre söre a amamane me kuca hnyawa la hnëqa i angeic. Troa xome hmekuje hi la itre mekene tusi hna fejan, nge tha loi kö e troa sasaithi traem. Loi e tro la sör a atreine iëne la ini ka ijije nyine hamëne me thele la aja ne la itre atr jëne la itre hnying, nge loi e troa qejepengöne hnyawa me ce ithahnatane la itre xötre nyine troa ce wang.
4 Nemene la nyine troa kuca maine tru catre hnei mekene tusi hna fejane hnine la hnëqa hna athipe koi së, ngo co hi la traeme ne troa cile fë, ene laka faifi hi lao menetr? Iëne ju la itre mekene tusi ka ijije troa amamane hnyawa la itre mekune ka tru. Maine xalaithe hi la itre mekene tus, ke, qejepengöne hnyawa ju pena la itre mekune ka tru. Ame itre xaa ijin, ke, ijije troa e la caa paragaraf, maine caa hnepe mekune qa hnine la itus, nge thupene lai, ce ithahnatane ju memine lai atr.
5 Ngöne la pune la nöjei mekene la itus Connaissance, ke, hetrenyi la itre hna cinyihane hna eköhagen, hna nyitaane ka hape “Hapeue La Hnei Epuni Hna Inin,” haawe, loi e troa wange itr’ej hnene la atre cainöje atrekë hnëqane la itre paragarafe ka nyipune lai meken. Troa ithahnatane la itre mekune hna eköhagen, ka ce tro memine la itre paragarafe hna athip, e ijije la traem. Maine kola mama laka hetre itre mekune hna eköhagene e nyipine la lue hnëqa, ke, tro la söre ka kuca la pane hnëqa a wangatrun itr’ej. Loi mina fe troa qejepengöne la itre iatr hnine la itus, e ka ce tro itr’ej memine la taane mekune hna upi epuni troa hnëkën.
6 Nyipi ewekë mina fe la xötreqa naba 4 nge hetre ixatua ka tru hna troa kapa ngön. E nöjei wiik, troa ce wange la ketre tulu hna melëne—hnene la ketre atr qa hnine la Tusi Hmitrötr. Wange hnyawane ju la hna qaja hnene la itus Aid göne la taane mekune hna athipe qa hnine la Tusi Hmitrötr. Qejepengöne hnyawane ju thenge la taane cainöj, nge iëne ju la itre mekene tusi ka ijije troa xatuane la itre atrene la icasikeu troa wangatrune la pengöne lai atr, memine la thiina i angeic, ene la itre thiina ka loi ka ej thei angeic, maine itre aqane ujë i angeic, maine itre aqane mekune i angeice hne së hna ajane troa nyitipune maine hna tro pena a neën. Maine pëkö itretrengekeu ne la itre mekene tus memine la atr qa hnine la Tusi Hmitrötr, loi pe ijije troa hane xome itr’ej maine kola troa amamane hnyawa la mekune i Iehova ngöne la itre aqane ujë ka loi me aqane ujë ka ngazo; nge maine ka ihmeku itr’ej memine la taane cainöj, ke, loi e tro fe a hane xom.
7 Maine hne së hna xome thatraqai së la nöjei ini asë, ke, tro hë së a atreine “cainöjëne la wesi ula” matre amamane thenge la “aqane ini ka loi.”—2 Tim. 4:2.