Loi e Madrine Së Me Pexeje La Aqane Troa Anyipicin
1 Nyipici laka, hetre hni ne ajane së troa xome la ketre huliwa hne së hna atreine troa kuca hnyawa. Ame ngöne Mareko 7:37, kola qeje Iesu hnene la ka ala nyimu ka hape: “Hnei nyidëti hna kuca aloine la nöjei ewekë asë.” Ketre, nyine haine lai la madrine i Iesu troa kuca la aja i Iehova! (Wange ju la Salamo 40:8.) Maine tro së a xötrethenge cahu itre mekune nyine ixatua koi së, haawe, tro fe hë së a hetrenyi la madrin, ngöne la easë a drenge thenge la hna amekötine hnei Iesu, ene la troa “cainöje kowe la nöj, me anyipicin.” (Ite Huliwa 10:42) Easë a troa tro fë trongëne ngöne la treu januare la itre itusi ka 192 lao götran; ngo kolo hmekuje hi lo itre itus hna kapa qëmekene la macatre 1985, laka, hetrenyi pala kö e hnine la ekalesia, maine pena la itus Connaissance. Nemene la aqane tro së a anyipicine kowe la itre atr, jëne la itre itusi cili?
2 Pine laka, easë asë hi a aja nyin la itre meci së, haawe, qaja jë ka hape:
◼ “Ngacama tru catre la hna kuca hnene la atr, göi aqane troa thele nyin la itre mec, ngo kolo pala hi a akötrë së hnene hmaca pena ha la itre xaa sine mec. Hapeue la mekune i epun, hnauëne la kola traqa tune lai koi së? [Nue pi troa sa.] Hna qaja hnei Iesu Keriso ka hape, meci la ketre akötr ka troa amamane laka, easë a melëne la itre drai hnapin. (Luka 21:11) Ketre kola qaja hnyawa hnei Tusi Hmitrötre la ijine kola troa paatre palua la itre sine meci së. [E jë la Isaia 33:24.] Hanawange la aqane amamane hnene la itusi celë la mejiun, hna hneatrepene hnene la itre ini qa hnine la Tusi Hmitrötr.” Hamëne jë la itre xaa mekune ka ijije qa hnine la itus, hnei epuni hna troa tro fë, nge hamëne pi ej.
3 Ame ngöne la easë a cainöje e nöjei ijin, ngöne la itre götrane gaa hetre magazë, pane ibozu jë nge hnyingëne ju ka hape:
◼ “Kolo pala hi a elë la thupene mo enehila, matre jole catre ke, thaa ijije hë la itre thupe së troa itöne la itre nyipi ewekë thatraqane la mel, hapeue fe la hnei epuni hna hane mekun? [Nue pi troa sa.] Hapeu, tro kö a traqa la ketre ijine elany, thaa tro hmaca kö së a hokötrëne la etrune la thupene la itre mo?” Nue pi troa sa. Thupene lai, xome jë la ketre xötre ne la Tusi Hmitrötre hna fejane hnine la itus hnei epuni hna troa hamën. Nge qaja jë ka hape: “Kola amamane hnene la itusi celë, la aqane tro Akötresieti a apaatrene la itre jole ka angazone la mele së enehila.” Hamëne ju la itus, thenge la thupene ej. Qaja amamane ju fe la etrune la madrine i epuni troa porotrike me angeic, nge hnyingëne jë ka hape: “Ijije kö troa sisedrëne la porotrike ngöne la ketre ijine pena ha?” Haawe, thaa jole kö koi së troa sipone la numero ne telefone ne lai atr, maine aderesi angeice pena.
4 Atreine hi tro epuni a xome la itus “Connaissance,” matre troa tupathe la aqane nyiqaane ithahnata celë, ka qaja la aqane troa tingeting:
◼ “Hapeue la mekune i epun, pine nemene matre jole catre e troa tingetinge enehila la fen? [Nue pi troa sa, thupene lai, amamane jë la iatr ngöne götrane 100-1.] Hna qeje pengöne hnei Tusi Hmitrötre la kepine matre troa traqa koi së la itre jole ka nyimutre ngöne la hneijine së enehila. [E jë la Hna Amamane 12:7-9, 12, qa ngöne paragarafe 3, götrane 99.] Ame la ketre kepine matre kola gomegome menu la fene enehila, ke, hnene laka, hna helë Diabolo qaa hnengödrai, a tro celë fen. Nyimutre la itre hnyinge ka tru hna troa sa hnene la itusi celë, nge madrine ni troa hane hamë epun, e hetre aja i epuni troa hane e ej.”—Maine epuni a ajane troa atre la itre xaa ixatua ka lolo, ngöne la aqane troa tro fë la itus Connaissance, wange ju la götrane tixenuë ne la itre Huliwa ne Baselaia ne maac, me juun 1997.
5 Ame ngöne la epuni a bëeke hmaca troa iwai hmaca, thele jë troa nyiqaane inine la Tusi Hmitrötre jëne la aqane nyiqaane ithahnata celë:
◼ “Ame lo ithahnata hnapane nyiso, hnei nyipëti hna qaja la ketre mekune ka lolo. [Amexeje hmaca jë lai mekun.] Ase hë ni pane waipengöne la ewekë cili, nge eni a ajane troa hane ce thawa fe me nyipëti la itre xaa mekune hnenge hna öhne ngöne la topike cili. [Ce goeëne ju la ketre xötre qa hnine la Tusi Hmitrötr.] Eahuni a hamëne la ketre ini ka pëkö thupen, nge hnene eje hë hna aijijëne la itre atr, itre milio la etrun, troa hane wangatrune ngöne la ketre hnepe ijine ka xoxopatr, la itre trepene ini qa hnine la Tusi Hmitrötr. Celë hi ewekë la ka troa acatrene la mejiune i nyipëti, matre sipu tro nyipë a hane wange la itre hna thingehnaeane hë hnei Akötresie, laka, ka tro itre eje a eatre asë.” Amexeje jë la itre xaa hnyinge hna troa sa. Maine thaa ajane kö la atr troa etid, qaja jë ka hape, hetrenyi la ketre aqane troa ithahnatane la Tusi Hmitrötr, thaa ka qea menu kö, pine laka, tro hi a 15 lao menetre ne troa porotrike ngöne la wiik, nge 16 lao wiik. Amamane jë la boroshüre Thele, fe jë kowe la ini 1, nge sipone ju matre troa ce wange la ini hnapan.
6 The Thëthëhmine Kö Lo Itre Pepa Ne Ihë: Atreine hi troa hamëne hnyawa itre eje ngöne la kola xötrei ithathnata matre troa ahlëne la aja ne la itre atr, kowe la itre mekune ngöne la ua; ketre troa hamëne itre ej, ngacama thaa ajane kö la itre atr troa xome la itre itusi së. Loi e tro së a hamëne kowe la nöjei atr asë ka drei së, la itre pepa, ene lo porogarame hna fejane la itre icasikeu ne la ekalesia, me amamane fe koi angatre la mekune ka eje ngöne la pune lai pepa, matre troa xatua angatre troa hane etid, me hane sine fe la itre icasikeu së.
7 Epi maca pala hi së ngöne la huliwa së, nge tro hë së a kapa la ketre madrine ka tru qa ngön. Ketre loi e tro pala hi a pexeje la aqane tro së a anyipicine kowe la itre atr, me hetre hni ne ajane troa kuca hnyawa asë la nöjei götrane ne la huliwa ne cainöj.—1 Tim. 4:16.