Huliwane Hnyawane Jë Së Itre Ewekë Ka Sisitria
1 Ame la kepine la easë a cainöje ngöne la ketre uma me ketre uma ke, matre nyiqane la itre ithahnata, hna jëne la Tusi Hmitrötre memine la itre ewekë ka sisitria hna hamëne koi së. (2 Kor. 6:1; 2 Tim. 2:15.) Hapeue nemene la ajane la itre atr ngöne la götrane së? Kukehnine kö angatre göi aqane mel, memine la itre jole katru e hnine la fami? Troa hetre madrine së troa ifekeune la itre mekune ka eje ngöne la Tusi Hmitrötr, e hne së hna nyiqaane ithahnatane lai topike cili.
2 Maine öni së jë hi:
◼ “Ngöne la hne ijine së, ke nyimutre la itre atr ka nango hetre jole ngöne la itre pune treu. Hapeue nemene fe la hnei epuni hna hane mekun; atreine kö la itre baselaia ne fen, apatrene la itre jole cili? [Drenge ju lai hna troa sa.] Hane cahu ketre mekune ka sisitria...”
3 E jë hi la Tusi Salamo 72:12-14 nge cewange ju fe la ketre xötre qahnine la itusi “Comment raisonner” götrane 174 me 175. Maine ase jë pena ha e la itre xötre ngöne Tusi Hmitrötr, wange ju la ketre paragarafe ne la tarak: “Une vie paisible dans un monde nouveau”. Nyimutre la itre trejine, itre thöthi mina fe kola nyiqaane troa inine la Tusi Hmitrötre hna jëne la ca tarak. Angatr’ a e la ca paragaraf, me hnyingëne kowe la atr la hnei angeice hna mekun.
4 Ngöne la itre xa götran, tro pena së a qaja tune la:
◼ “Nyimutre la itre atr ka ajane lo aqane mele ekö e hnine la fami. Hawe, tuneka fe la hnei epuni hna hane mekun; troa tro thenge la isa aqane wange së, maine casi ju hi la trepene koi së asë? [Nuepi troa sa lai hnying.] Alanyimu la itretre wangatrehmekune laka troa nango loi la aqane mele ne la itre fami, e hna xötrethenge la Tusi Hmitrötr.”
5 E cili hi, easë a ithahnatane ju pe lo itre mekune hna ulatine hnei Paulo Apostolo ngöne Kolose 3:12-14, maine inine pena la Tusi Hmitrötre me ce wange pena la itre hnepe mekune qa hnine la tarak “Une vie de famille agréable” ngöne lo hna cinyihan “Quelle est la clé de la réussite?”
6 The luelue kö troa amamane pe koi angatre la ketre boroshüre ka ihmeku memine lai mekun, nge qeje pengöne hnyawa ju fe la alien’ ej.
7 Maine asehë epuni nyiqaane troa inine la Tusi Hmitrötre ngöne la xötrei iöhny, isapui hmaca ju matre sisedrën’ ej. Troa hnëkëne hnyawa lai iwai hmaca ka troa xulu, celë hi matre qaja ju koi angeice ka hape; tro hmaca epuni a bëeke troa sa lo lai hnying: “Ue lae Akötresie a nue la akötr?”. Tro pëhë cahu ketre taane hna cinyihane a, amamane la aqane tro epuni a qeje pengöne ngöne la ketre ijine e epuni hmaca a troa iwai.