Inine Jë La Tusi Hmitrötre Jëne Lo Lai Itus “Vivre éternellement”
1 Kola qaja hnene la ketre föe thupene la hna e la itus “Vivre éternellement” ka hape: “Nyipici laka pëkö itusi ka sisitria hune la Tusi Hmitrötr, ngo eni pe a hane wang’atrehmekune la eloine la itusi cili, hnene laka, tha ka jole menu kö troa trotrohniin, ketre, mama hi laka itre mekune qa thei Akötresie, ngo eje mina fe laka, pëkö hna cinyihane ka tune lai hnenge hna hane e, ka upi së me xatua së!” Alanyimu the së la itre ka jele nyipicine laka, ketre itusi lai ka ijije hna cinyihan, troa xatuane la itre atr matre trotrohnine la Tusi Hmitrötr, me ujë angatre matre itretre nyi hlue i Iehova hnyawa.
2 Ngöne la macatre 1982, ijine kola traqa lai itus “Vivre éternellement” hna inine la Tusi Hmitrötre memine la 482 lao atr e kaledonia hnene la 428 lao atre cainöj. Enehila, 1 544 hë lao hna inin, kola ini angatre hnene la 1 380 lao atre cainöj. Ketre, hna cinyihane la 62 milio lao itus “Vivre éternellement” ngöne la 115 lao qene hlapa. Eje hi laka, hetre thangane catre lai itusi cili ngöne la huliwa së e cailo fene hnengödrai asë!
3 Huliwa palahi së koi pun: Kola kökötre la nöje i Iehova, pine laka Nyidrëti a amanathithi së, ke ame la aja i Nyidrë ke tro la itre atr a drenge lo lai ithuemacanyi ne mel, me inine la Tusi Hmitrötr (Rom. 10:13 utihë 15; 1 Tim. 2:4). Easë a wang’atrehmekune laka, xoxopatre pe hi lo itre drai, nge loi e tro së a catre cainöjëne la Baselaia i Akötresie.
4 Easë a öhne laka kola tro palahi la Organizasio i Iehova, tha ka cile kö ej, hawe, tune ka fe easë? Nemene la hne së hna kuca isa ala cas? Hapeu, hetre aja së kö troa catre xatuane la itre atr, matre tro angatr’a hane nyi hlue i Iehova? Troa eje la mekune cili, e hne së hna huliwaan. Matre loi e bëeke palahi së, troa xatuane lo itre atr ka ajane troa ithahnata me easë. Hapeu matre tro së a huliwa catre pena, matre troa nyiqaane inine la Tusi Hmitrötre kowe la itre atr ngöne la treu febuare?
5 Drei la ka ijije troa inine la itre atr la Tusi Hmitrötr?: Tru la Madrine ne la itretre cainöje ka madra, maine ka wetrewetr, maine ketre pena, troa inine la Tusi Hmitrötre memine la itre atr, jëne la itus “Vivre éternellement”. Nyipi ewekë catre troa ce wang’ ej, pine laka tha jole kö troa trotrohniin, celë hi matre ijiji angatre fe itre ka xötrei cainöje trotro, troa hane huliwaane la itusi cili. Ketre, alanyimu catre the së la itre ka hane inine ngön’ej ekö, celë hi la kepine matre, atre hnyawa ha së la alien’ej. Hnene la ketre atre cainöje ka tha inine kö la Tusi Hmitrötre jëne la itus “Vivre éternellement” hna cinyihane ka hape: “Eni a ini Tusi Hmitrötre kowe la ala kön, nge eni fe hë la a troa nyiqaane memine la hna foaan. Thatreine kö ni troa olen’atrune la aqane hnëkëne me kuca, matre hmaloi e troa inine la Tusi Hmitrötre memine la itre atr.”
6 Ketre, alanyimu mina fe la itre thöthi ka huliwaane lai itus “Vivre éternellement” matre troa inine la Tusi Hmitrötre memine la itre atr. Itre xan a iöhnyi memine la itre ka ce ini me angatre ngöne la hna cainöje trotro, ame hna sipone ju kowe la itre keme me thine troa inine la Tusi Hmitrötre memine la itre neköi angatr. Tha tro kö së a mekune ka hape, ma itre ka cooco pala kö la itre nekö së, nge tha ijiji angatre petre kö troa hane qeje pengöne la hnei Iehova hna thingehnaean, ene la troa hetrenyi la mele ka tha ase palua kö, ngöne la paradraiso e celë fene hnengödrai.
7 Eje hi laka thöthi me qatr, hetre madrine atraqatre së ngöne la huliwa ne troa cainöje trotro, ene la troa inine la itre atr la Tusi Hmitrötr. Loi e sipone palahi hne së jëne la thithi la ixatua i Iehova, me huliwaane la nöjei pengöne aqane troa cainöjëne la ewekë, hne së hna mejiune kow. Loi e huliwaane palahi hne së la itus “Vivre éternellement”, matre xatuane la itre xane troa inine la aqane tro angatr’a hane nyihluene la Akötresi së, ene Iehova. — Sal. 148:12 me 13.