The Mano Kö Së Troa Qaja Ka Hape: “Trohemi!”
1 Sheminge me lolo lai ewekë hna hnëkëne hnei Iehova, ene la thupene mele jëne la mele i Iesu hna hujën! Qa ngöne lai, easë a wangatrehmekune laka, ketre trepene lai ka nyipi ewekë catr, matre tro la nöjei atr a hetrenyi la manathithi ka sisitria (Ioane 3:16). Ngo ala xalaithe hi la itre ka ajane troa atre la nyipici me lapaune kow’ej. Ketre, qa ngöne la ihnimi Iehova kowe la fene hnengödrai asë, ke hnei Nyidrëti hna longëtine matre troa atre la Maca ka Loi, hnene la nöjei atr e cailo fen. Nge jëne la neköi Nyidrë, Iesu Keriso, ke hnei Nyidrëti hna aijijëne me amamane kowe la nöjei atr, la aqane troa hetre madrine me hetre lapaune kowe la hna thingehnaean, ene la troa hetrenyi la mele ka tha ase palua kö. — Ioane 17:3.
2 Ngöne la itre macatre ka nyimutre, ke tha hna wangatrehmekune petre kö la atr, ka ijije troa amelene la fene hnengödrai, qa ngöne la ngazo memine la mec. Ketre “ewekë ka sihngödr” utihë lo kola traqa hnei Iesu la atre “amamane pi la mele me tha meci hmaca kö hnene la Maca ka Loi.” (Rom. 16:25; 2 Tim. 1:10) Hna cainöjëne lai ngöne la ijine i Iesu; celë hi matre, kola hane kuca tune fe hne së ngöne la hne ijine enehila. Ame la easë a cainöjëne la Baselaia, ke kösë lo easë hi lai a ce huliwa me Iehova Akötresie, me Iesu Keriso memine la itre trejine, me xatuane la nöjei pengön’atr, troa hane qaja ka hape: “Trohemi! (...) xome gufane jë la timi ne iamele.” — Hna Ama. 22:17.
3 Eje hi laka, ijiji së asë hi troa drenge la Maca ka Loi cili. Ngo ala xalaithe hi la ka nyipi ewekën’ej. Itre xan, angatr’a helëne la itre hlue i Iehova, ngo tha mekune kö angatre laka kola hane hë angatr, matre hane iji la nyipi tim, ene la timi ne iamele. Nge, qa ngöne laka Iehova a hamëne la ixatua atraqatr, hawe hetre trenge catre së troa cainöje trotro. Atre hi së laka, aja i Iehova la tro së a qaja palahi la nyipici, me xatuane la itre atr ka ajane troa hane drenge la Maca ka Loi, nge tro nyidrëti a nyithangan.
4 Ngöne la treu maac, ke tro së a xatuane la itretre thele la nyipici, troa e la itus “Révélation: le dénoument” pine laka, ketre itusi ka sisitria, matre tro angatr’a atre me öhne la itre hna thingehnaean, matre hetre madrin’atraqatre i angatre kowe la hna lapaune kow. Troa manathithi e hna kuca tune lai. Ketre, tusi Hna Amamane a qaja la itre ewekë ka troa traqa ngöne la itre drai hnapin koi itre xane me koi së fe. Nge kola hane nyi hlue i Iehova hnyawa hnene la itre xan, pine laka hnei angatre hna e la itre hna qeje pengöne ngöne lai tusi Hna Amamane maine qa hnine pena la ketre itusi Sasaiatri. Maine hne së hna hane inine hnyawa me goeëne hnyawa lai itus “Révélation: le dénoument”, ke tro hë së a hetre aja atraqatre troa xatuane la itre atr ka pi atre la nyipici. Maine iöhnyi hë së memine la ketre atr, ngöne la hne së hna cainöje trootro, ke pane ce wange ju me angeice la itre mekune ka sisitria, casi maine luetre qa hnine lai itus “Révélation: le dénoument”, me amamane koi angeice la eloine lai itusi cili. Amamane ju la itre xaa hna qeje pengöne ka tha jole kö hnei Tusi Hmitrötr, ene la itre ewekë hna perofetan, ka eatre koi së enehila ngöne la hne ijine së; maine ce goeëne ju pena la itretre tithe lo itre hos, hna qeje pengöne ngöne lo tusi Hna Amamane mekene sikis.
5 Ketre itusi lai ka ijije nyine tro së a huliwaane hnyawa, matre, maca së kowe la huliwa hnei Iehova hna hnëkën, ene la ijine kola amekunëne la meci Keriso e drai 6 eiperem. Qanyine kö la itre atr troa iën, maine angatr’a pi hane dreng, maine xele pena kö, ngo tha cili kö la ka troa acilë së troa hane hëne la itre atr ka hetre aja; hawe, catre pi së troa xatua angatre me hape: “Trohemi! (...) xome jë la timi ne iamele.”