Cainöjëne Jë La ‘Nöjei Wesiula Hna Perofetaan’
1 Easë a melëne enehila lo itre ewekë hna perofetaane ngöne lo itusi Hna Amamane. Kola thele troa trotrohnine hnene la nöjei atr, la kepine la itre ewekë ka traqa ngöne la hneijine së. Celëhi matre ijije tro fe angatr’a hane ‘drenge la nöjei wesi ula’ hna perofetaane hnene la itusi Hna Amamane, matre hetre thangane koi angatr. (Hna Ama. 1:3) Celë hi matre ngöne la treu Maac, atraqatre la madrine së troa hane xatua angatr, jëne la itus Révélation: dénouement. Ngöne la easë a troa trofë trongën’ej, ke, nyipiewekë tro së a mekune hnyawa laka ame la itre jole hna qëmeke kow hnene la fene enehila, ke, ase petre kö ekö perofetaane hnene la tusi Hna Amamane. Matre nemene ju hë la nyine tro së a qaja?
2 Hetre thangane la aqane nyiqaane ithahnata celë:
◼ “Tru la nöjei akötre ngöne la fene enehila ngöne la hnaa truedre hadredrene macatre, pine laka catrehnine la itre ishi nge atraqatre la jiin, nge nyimutre la itre mec. Hapeu, nyipici laka thatreine kö tro la atr a apatrene la itre ewekë celë, ngacama nyimutre la itre ewekë hnei angeice hna kuca nyine hain? [Nue pi troa sa.] Nyimutre la itre ka sësëkötre ngöne la angatr’a öhne laka, hna perofetane petre kö ekö la itre ewekë cili hnei Tusi Hmitrötr. Ma ase hë epuni hane drenge lo kola qaja lo ‘itre ka ti hoos ne Hna Amaman.’ Ame la hnei Tusi Hmitrötre hna qaja göne lai itre ka ti hoos, ke, celë hi ketre hna perofetaane lai ka traqa ha enehila e celë fene hnengödrai. [Fe pi la itus Révélation: dénouement, mekene 16, nge amamane ju la itre iatr ngöne la itre götrane 91-7.] Eje hi laka hna perofetaane la ketre drai ne akötr’atraqatr, ngo hetre mejiune fe hna hamën. [E jë la Hna Amamane 6:2, ngöne paragarafe 3.] Ame la atre tithe la hoos ka wië, ke, Iesu Keriso. Hnei Nyidrëti hna thingehnaeane laka, jëne lo Baselaia hnei Nyidrëti hna upi së troa thithi fë, ke, tro Nyidrëti a apatrene la iakötrë me axulune la madrine memine la tingeting.” Hamëne pi la itus.
3 Maine jë tro la hnyinge celë a nyijëne la ketre porotrike ka tru alien:
◼ “Hapeu, nemene la ewekë hne së hna ajane matre troa loi la aqane mele enehila e celë fene hnengödrai? [Nuepi troa sa.] Alanyimu la itre atr ka mekune laka, tru la itre ewekë nyine troa saze e ajane së troa cile huti la fene hnengödrai. Tusi Hmitrötr’a amamane laka atre hi Iehova la nyin la itre jole ka eje the së, nge Nyidrëti a troa xatua së.” Fe jë la itus Révélation: dénouement ngöne la götrane 171, nge e jë la Hna Amamane 11:15 ngöne la paragarafe 1. Fe jë kowe la itre iatre ngöne la itre götrane 302 me 308, nge amamane jë la itre manathithi hna troa kapa fene la Baselaia i Keriso. Thupene lai, qejepengöne ju kowe lai atr la aqane tro angeic’a ketre hane kepe thangan.
4 Ijije tro epuni a qaja tune la:
◼ “Nyipici laka alanyimu la itre atr ka e la tusi Hna Amaman, nge angatr’a ketre hane öhne laka, jole catre e troa trotrohniin. Ej’a amamane la itre ewekë tha hna majemine kö troa melën, ngo ka hetre aliene pe. Hna qejepengöne la nöjei xötr’asë ne la tusi Hna Amamane hnine la itus Révélation: le grand dénouement est proche!, me amamane la aqane ketri së hnene la itre ewekë hna perofetaan’a kola traqa koi së enehila.” Fe jë la itus götrane 15, paragarafe 2, nge amamane ju la Hna Amamane 1:1, lo hna cinyihane atrun. Qaja ju ka hape, hna qejepengön’asë la itre xötre ngöne lai itus Hna Amamane, nge nyipiewekë tro angeic’a wang’atrune lai, pine laka, ketre ithuemacanyi lai ka troa xatua angeice troa trotrohniine la enyipiewekëne la itre hna perofetan. Hamëne pi lai itus, 400 F la thupen.
5 E maine ka hetre jolene lai atr, ke, hamëne ju la ketre zonal, maine ca tarak. Nge ngöne la epuni a troa bëeke hmaca troa iwai, ke, amamane ju lai itus, nge hamëne ju koi angeic.
6 Nyipiewekë la tusi Hna Amamane kowe la fene hnengödrai asë. Loie tro la itre atr’asë a isa hane drenge la nöjei wesi ula hna perofetaan. Celë hi matre, catre jë së troa cainöjëne lai ithuemacanyi ka iamele.