Tusi Ka Amamane La Tulu Ka Nyipici
1 Wane hadredre hë lao macatre enehila, nge kola mama koi së laka hna ujë la fene hnengödrai kowe la götrane ka ngazo. Ngacama hetre loi ka traqa koi së ngöne laka hetre itre loto hë me avio, hetre itre droketre me itre drösinöe ka hnyipixe, hetre loi koi së qa ngöne la itre telefon, me radio me televizio matre troa atre la pengöne la itre xaa nöj, ngo ame la engazon, ke, kolo fe a paatre trootro la itre sipu aliene la melene la fami. Alanyimu catre la itre atr, itre milio, kola nue la mele i angatre matre troa musinëne hnene la inamacane ne la fen, inamacane i atr lo ka tha cile huti kö.
2 Ngo kola mama fe ngöne la fene hnengödrai celë laka hna enijëne hnene la nöjei ewekë ka hnyipixe (wange ju la ceitune ngöne 1 Kor. 7:31), laka hetre nöje i Iehova, nöje ka kapa la manathithi ka tru qa ngöne laka angatr’a fedre kowe la wesi ula i Nyidrë. Ame la Tusi Hmitrötr, ke, ej’a cile huti qane ekö ngöne la itre macatre ka nyimu thauzan, ngo ame la itre ihaji ne ej, ke, itre ka ijije palahi koi së troa icilekeu memine la itre ehnefe hne së hna thu enehila. Celë hi matre nemene la aqane tro së a xatuane la itre atr ka ajan, matre tro angatr’a hane atrehmekune laka Tusi Hmitrötre casi hi la nyipi tulu ka ijije ngöne la itre hnedrai celë?
3 Maine hnei epuni hna amë pe lo tarak “Pourquoi avoir confiance en la Bible” ngöne la xötrei iöhny, ke, ijije tro epuni a bëeke hmaca troa qaja ka hape:
◼ “Tusi Hmitrötr’a qaja amamane laka, ame la maca ne ej, ke, maca qa thei Akötresie, nge ej’a hamëne koi së la mele ka tha ase palua kö, e maine easë a lapaune me mele thenge la itre hna qaja hnen’ej. Ngo tune ka fe la mekune i nyipë? Hapeu, nyipi ewekë kö troa thele hnya wane la itre mekune celë? [Treqene ju la kola sa.] Tro so a ce wange la hna qaja ha ekö hnei Tusi Hmitrötr, göne la aqane mele enehila hnedrai celë. [E jë la 2 Timoteo 3:1-5 e cahu hnine la tarak götrane 5.] Hapeu, ihmeku kö memine la melene la nöjei atr enehila? [Treqene ju la kola sa.] Hapeu, hetre sipu kepine kö matre tro së a mejiune laka troa hetre drai ka loi epin?” Ame e cili, ke, ijije tro epuni a ami trepene la iwaihmaca ka troa xulu, ene la troa ithahnataane la lue paragarafe pune la tarak, maine troa ce wange la itusi “La Bible: Parole de Dieu ou des hommes?” götrane 161. Troa amexeje la mejiune ka sisitria hna hamëne hnei Tusi Hmitrötre kowe la nöjei atr e celë fen.
4 Maine atr’a öhne la enyipiewekëne la hna qaja hnei Tusi Hmitrötr, nge maine epuni a amamane koi angeice la itre xaa trepene mekune qa hnine lo itus “La Bible: Parole de Dieu ou des hommes?” mekene 12, ke, ijije tro epuni a qaja ka hape:
◼ “Hetre itre ewekë ka ijije nyine troa kuca thatraqai së enehila, tune ka la mekune i nyipë? Hapeu, ijije kö troa nyipune la itre isi? [Treqene ju la kola sa.] Maine tro la itre nöje a inine troa ce mele tingeting, hapeu, jëne loi kö lai koi angatr? [Treqene ju la kola sa.] Asehë Tusi Hmitrötre pane qaja ekö la mekune cili. [Ejë la Isaia 2:2, 3.] Hane kö nyipëti thele ka hape troa traqa tune ka nge eu, la itre ewekë cili?” Qaja jë koi angeice ka hape epuni a ajane troa ithahnataane hmaca me angeice e ketre ijine ka ijij.
5 Maine hnei epuni hna amë pe lo “Traduction du monde nouveau”, ke, qa ja jë ngöne la epuni a bëeke ka hape:
◼ “Ma hnei nyipëti hna wangatrehmekune ngöne la nyipëti a e lo Tusi Hmitrötre hnenge hna hamë nyipë, laka ej’a qaja amamane la ëje i Akötresie. Celë hi enyipiewekëne la Tusi Hmitrötre celë hune la itre xaa Tusi Hmitrötre hna ujën. Ngo ngacama alanyimu la itre atr ka xomehnöthe troa qaja la ëjen: Iehova, ke, loi e tro së a amë ngöne la mekuthethewe së, laka ase hë Nyidrëti amamane ekö la ëje i Nyidrë, nge Nyidrëti a upe la itre hlue i Nyidrë troa xome la ëjene cili nyine ketre atrehmekune laka ëjene la Akötresie ka nyipici, nge ka mel. Tro so a ce wange la Salamo 83:18.” E jë la xötre cili, nge drenge ju la mekune ne la atr. Ijije fe tro epuni a hamëne la itre xaa mekune qa hnine lo itus Comment raisonner götrane 195 ngöne lo hna cinyihane ka hape: Jéhovah.
6 Tusi Hmitrötre hmekuje hi la ka ijije troa nyi tulu ka loi kowe la atr. (Iere. 10:23) Nge ame la ini Tusi Hmitrötr, ke, sipu gojenyine hi la troa atrepengöne la itre mekuana i Akötresie, nge jëne kepe manathithi lai qathei Nyidrë. Celë hi matre, loi e tro së a catre hëne la itre atr, matre tro angatr’a hane manathithine la itre ihaji ka nyipici qa thei Nyidrë, me itre mekune i Nyidrë ka nyipi ewekë catre kowe la mele së.