Wange Hnyawa Palahi La Aqane Hamëne Epuni La Ini
1 Kola nyiqaane la porogarame ka hnyipixe thatraqane la ini ne la huliwa qa thei Akötresie e treu Januare, macatre 1995. Nemene la ewekë ka hnyipixe ngöne la porogarame cili? Kola troa qejepengöne la aqane trongene la organizasio i Iehova ngöne la hneijine së enehila, hna nyitrepene e cili la itre taane la itre cainöje ne ini hna troa cile fë. Celëhi matre troa ce wange ngöne la macatre la 178 lao götrane ne la itus Les Témoins de Jéhovah—Prédicateurs du Royaume. Ame la itre cainöje ne ini hna xome qa hnine la itus Prédicateurs, ke, tha tro kö a hamë hnyinge ne revizio nyine nyipune la cainöj, ngo nemene la nyine troa kuca matre atreine së wange hnyawa la itre ini së, matre ijiji së troa kapa la thangane ka loi?—1 Tim. 4:16.
2 Ngacama alanyimu hë la itre ka e la itus Prédicateurs, ngo ame pe, e troa wange hmaca la itre mekune ka eje ngöne la porogarame ne ini, ke, nyipici ixatua ka sisitria catre koi së, nge jëne tro së asë lai a öhnyi loi qa ngöne la edrö së qa thei Akötresie. (Sal. 71:17, 18) Hawe, pine nemene matre tha ami ijine pe matre troa wange ngöne la itus Prédicateurs la itre hnëqa hna athipe troa e, e nöjei wiik?
3 Itre Cainöje Ne Ini Ka Mel, Me Ka Nyipiewekë: Ame la itre cainöje ne ini hna troa xome qa hnine la itus Prédicateurs, ke, loi e troa lualai hnyawa, nge troa nyipiewekë la aqane troa cile fë. Tro fe a amamane hnyawaane la aqane troa trongëne la itre mekun, me troa qejepengöne hnyawa itr’eje matre ijiji së troa hetrenyi la metrötre ka jui kowe la organizasio i Iehova, nge tro fe së a kapa madrine la itre hnëqa së, tune la nöjei nyipi hlue i Akötresie. E maine tro la nöjei fami a traqa fë la itus Prédicateurs ngöne la kola cile fë la ini ne la huliwa qa thei Akötresie, ke, ijije tro la itre atrene la fami a drenge hnyawaane la cainöje ne ini, nge tro fe a öhnyi thangane ka loi qa ngöne la itre iatr, memine la itre hna xupi atr hnine la itus.
4 Troa Thele Nyipi Mekune Jëne La Hna e Tusi Hmitrötr: Troa sisitria la aqane ini së, e troa atreine hnyawa e tus, ene la tro së a amamane ngöne la kola e la itre mekune ka sisitria, nge troa ceitune itr’eje me itre sipu trenge ithahnata ka xulu qa ngöne la hni së. Hawe, ame lo itre xötre hna athipe thatraqane la size No. 2, ke, ka tha qea kö, nge ijije kowe la hna inine troa hetre ijine ka ijije göi troa xome la itre mekune nyine troa nyiqaan, me nyipune la cainöje i angeic. Tro la aqane nyiqaan’a amejëne la aja matre hmaloi e troa trotrohnine la itre xötre hna e, nge ijije mina fe kowe la ekalesia troa wange la itre tulu ka loi nyine xötrethenge. Ijije tro la hnainin’a qejepengöne la itre xaa mekun, me amamane fe la aqane troa trongëne ngöne la kola nyipune la cainöj, itre mekune lai nyine tro angeic’a qaja ngöne la traeme hna athip.
5 Tru catre la itre mekune thatraqane la troa cile fë cainöje ngöne la “Porogarame ne ini ne huliwa qa thei Akötresie göi macatre 1995.” Tro së a atreine wange la aqane ini së e hne së hna xötrethenge hnyawaane la itre hna ahnith, e hne së hna hnëkëne hnyawaane la hnëqa së, nge e hne së hna trongëne la itre eamo hne së hna hamën, matre maca la aqane cainöj, me aqane ini së. Kola thuecatrene catrëne la itre ka tha hane palakö saene kowe la ini.