Amamane Jë La Aja i Epuni Troa Xatuane La Itre Atr Jëne La Itre Iwaihmaca Hna Troa Kuca
1 Ame la troa thele la itre atr tren’aja ngöne itre hnalapa trootro, ke, kolo lai a amamane la aja i epuni troa thuejëne la itre xane troa hane drenge la maca ne la Baselaia. Hawe, Loi e tro epuni a hmaca troa wange trongëne la itre atr ka kapa lo itre itusi hnei epuni hna amaman, ngöne lo treu Januare, qa ngöne lai kola mama la aja i epuni troa xatuane la itre xan.
2 E maine hnei epuni hna ithahnataane la mejiune ne la Baselaia, ke, ijije tro epuni a tupathe troa qaja ka hape:
◼ “Ame lo ketre traqa ni, ke, hnei nyiso lo hna ithahnataane la Baselaia i Akötresie, memine la hnen’eje hna troa kuca thatraqa së. Hawe, easenyi hë tro la Baselaia cili a acile la paradraiso e celë fen. Qa ngöne laka tha öhne palakö së la paradraiso, jole koi së troa waipengön’ej. Hanawange la ceitune memine la hna amamane celë. [Amamane la iatr ngöne la götrane 373.] Hna thingehnaeane la paradraiso cili hnene la Tusi Hmitrötr.” E jë la Salamo 72:7, 12. Fe jë kowe la itre paragarafe 17, me 18, nge amamane hnyawaane jë la nyine tro së a kuca e ajane së troa mele ngöne la Paradraiso ka troa traqa.
3 Hanawange la ketre mekune ka ijije nyine qaja la kola troa wange trongëne la itre atr ka xomi itusi the së:
◼ “Ma ceitune jë hi la aqane mekune së ka hape nyipiewekë la tro së a atrehmekune la hna lapaune kow hnene la itre xaa atr matre atreine së troa metrötrë angatr. [Xome jë la Luka 6:27, 35 hna fejane ngöne la götrane 11, paragarafe 17.] Hapeu, eje fe kö thei epuni la mekune celë kola hape e ceitune la thina ne la nöjei atr, ke, troa loi la aqane mel? [Nue pi troa sa.] Ngacama, nyipiewekë troa nue kowe la itre atr troa isa tro thenge la itre mekuna i angatr, nge tro fe a hetrenyi la itrotrohni, ame pe, tha kolo kö lai a qaja ka hape ame la troa isa kuci hmi, ke, pëkö engazon.” Ijije tro epuni a ithahnataane la itre iatr ngöne la itre götrane 11, me 13, memine la hnyinge e pune la paragarafe 18. Qejepengöne hnyawaane jë laka tro la ini Tusi Hmitrötr’a xatua së troa atrehmekune la aqane hnime la itre xan, nge amamane jë fe la aqane metrötrë Akötresie, memine la aqane troa hetrenyi la mejiune ka ithuecatre kowe la itre drai ka calemi.
4 Tro epuni a sisedrëne hnene la ketre aqane trofë celë, tha tro pe a aqean:
◼ “Thatreine kö la itre hene ne fene troa hamëne la tingeting me loinöj. Iehova Akötresie hmekujehi la ka ijije troa aeatrëne lai. Tusi Hmitrötr’a amamane koi së la nyine tro së a kuca. [Ithahnataane jë la itre mekune ngöne la itre paragarafe 14 utihë 16, götrane 371-2, nge thupene lai, e jë la Salamo 37:9-11.] Eni a ajane troa amamai nyipë la aqane tro la itusi celë a xatua nyipë.”
5 E hnei epuni hna amë lo boroshüre “Dieu se soucie-t-il vraiment de nous?,” ke, qaja ju ka hape:
◼ “Hnenge lo hna amë thei nyipë lo traqa hnapane ni lo boroshür ka amejëne la ketre hnyinge ka tru alien kola hape: ‘Dieu se soucie-t-il vraiment de nous?’ Thupene la hnei nyipë hna wange la boroshüre celë, nemene hë la mekune i nyipë? [Nue pi troa sa.] Nyipici laka, hetre thuecatre koi epuni qa ngöne la hna e la Tusi Hmitrötr, kola thingehnaeane la paradraiso ngöne la fene hnengödrai ka hnyipixe, nge hnë tro fe së a mele tingeting. [Amamane jë la iatr ngöne la itre götrane 2, me 3, nge amamane hnyawaane jë la itre xaa pengöne la fene hnengödrai ka hnyipixe.] Ejehi laka aja i epun, memine la itre hnei epuni hna hnime troa hane mele ngöne la fene celë. Pane goeëne jë la hna qaja ngöne la paragarafe 16, götrane 31.” E jë lai paragarafe, nge amamane hnyawaane jë ka hape ame la troa thele Iehova, ke, kola hape troa atrehmekua Nyidrë, memine la itre trepene mekune i Nyidrë jëne la wesi ula i Nyidrë, ene la Tusi Hmitrötr.
6 Iehova la tulu ka pexej, kösë Atr thupëne la itre mamoe ngöne la ihnim, nge ka kukehni itr’ej. (Eze. 34:11-14) Tro la aqane catre së troa nyitipune la ihnimi Nyidrë, a amamane la ihnimi së, nge tro fe a kepe thangane ka loi hnei itre xan.