‘Tro Pala Hi a Kökötre Ngöne La Atrehmekune i Akötresie’

Jëne iamele la nyipi atrehmekune i Akötresie. (Ioane 17:3) Loi e tro së a thele troa kuca asë la hne së hna atreine matre troa atrepengönyi Iehova hnyawa. (Kol. 1:9, 10) Qaane e drai 29 eiperem, ke, easë a troa inine la itus La connaissance qui mène à la vie éternelle ngöne la ini tusi ne la ekalesia. Tha eje hmekuje kö a xatua së troa trotrohnine la wesiula i Akötresie, ngo tro fe ej a eamo së troa inine la itre xaa atr. Tro epuni memine la fami i epuni a öhnyi manathithi e hnei epuni hna canga hnëkë hnyawa, me sine la itre icasikeu ngöne la nöjei wiik, me qejemekune e nöjei wiik, me huliwane la itre mekune cili hnei epuni hna inine ngöne la hna cainöje trootro.