Ajange Troa Inine La Tusi Hmitrötre Kowe La Itre Atr!
1 Ala nyimu catre the së, angetre thele la itre atr ka ajane troa inine la Tusi Hmitrötr, nge hetre nyipi kepin. Ame la etid, ke kolo hi lai a eatrëne lo ewekë hne së hna mekune kow, ene la troa inine la itre atr. (Mat. 28:19, 20) Nge maine jë nyimutre hë la itre treu, me itre macatre ne cainöje së, ngo thaa hane pala fe kö së kapa la madrin, qa ngöne la hna inine la ketre atr la nyipici. Qa ngöne lai, nemene la nyine tro sa kuca ngöne la treu nofeba? Pine laka, easë a troa tro fë la itus Atrehmekune, ngöne la treu cili, haawe, loi e tro së a pane tupathe troa catre tro fë trongëne eje matre troa nyiqaane etid memine la itre atr.
2 Loi e Tro Së a Ami Ijine Maine Caas Maine Nyimu Mecixeni Me Sabath: Kola xatua së isa ala caasi troa ami traeme ne cainöje ngöne la treu celë, matre troa nyiqaane inine la Tusi Hmitrötre memine la itre atr. Loi e troa iëne hnene la itre ka xomiujine la itre Ini Tusi ne la ekalesia, la itre mecixeni me sabathi hna troa xome thatraqane la huliwa cili; nge thupene lai, tro angatre a isa hnëkë matre tro la itre atrene la Ini Tusi a ce xome la huliwa ne iwai hmaca.
3 Loi e troa xome trongëne la itre pepa hne së hna fejane la pengöne la itre vizite së, ngöne la nöjei easë a icasikeu troa hnëkë troa cainöj. Thupene lai, troa wange asë hmaca la itre atr ka drei së, ene lo itre ka xomi itus, maine itre ka hane sine hë la itre icasikeu. Loi e troa thele troa iwai hmaca, cememine la ajane troa nyiqaane inine la Tusi Hmitrötre memine la itre atr.
4 Amacane Jë La Aqane Troa Nyiqaane Etid: Loi e troa kuca la ketre iamacanyi hna hnëkëne hnyawa, ngöne la itre ijine icasikeu hna iëne thatraqane la huliwa ne cainöj, a kola amamane la aqane troa nyiqaane inine la Tusi Hmitrötre ngöne la kola iwai hmaca. Qaja jë ka hape: “Nyimutre la itre atr ka trene Tusi Hmitrötr, ngo thatre kö angatre ka hape, eje a qatrenge la itre mekune ka sa la itre hnyinge hne së asë hna pi atre thatraqane la mele së. [Amamane jë la itre aliene la itus itus Atrehmekune, nge e jë la itre taan ne la itre mekene 3, 5, 6, 8, me 9.] Maine tro epuni a xome la caa hawa ngöne la wiik, matre troa kapa la ixatua celë ngöne la aqane troa etid, haawe, atreine hi troa hamëne ngöne la itre hnepe treu ka xalaithe la itre ini ka nyitrepene la Tusi hmitrötr. Maine hetre ajane thei epuni troa iëne la caasi qa ngöne la itre topike celë, eni a madrine troa amamane koi epuni la aqane trongene la etid.” Maine kola luelue la hnainine troa etid, pine laka, pëkö ijine i angeice kowe lai, qaja ju ka hape, thaa kolo kö a troa xome menu pala ha la itre hawa i angeic, ke thaa ka qea menu kö la aqane trongene la etid. Amamane jë la boroshüre Thele, nge sipone jë troa etid ngön, jëne la caa ini e nöjei wiik; kolo hi a troa xome la 15-30 lao menetr.
5 Maine tro asë hi së a caas me catre thele troa nyiqaane inine la Tusi Hmitrötr memine la itre atr, nge maine tro fe së a sipo Iehova troa amanathithine la huliwa së, haawe, nyipici laka, tro hë së a öhne la itre atr ka pi etid! (1 Ioane 5:14, 15) Maine celë fe la aja i epuni lai, ijije hi tro epuni a hane nyiqaane inine la Tusi Hmitrötre memine la ketre atr.