Itre Qatre Thupe a Elemekene La Huliwa—Atre Xomiujine La Ini Ne La Tour de Garde
1 Ame la zonal, La Tour de Garde annonce le Royaume de Jéhovah, celë hi trengamo ka tru hna hnëkëne hnene la “hlue ka nyipici me ka inamacan,” matre troa hamëne la xeni ne la ua, thatraqai së “ngöne la nyipi ijin.” (Mat. 24:45) Ketre hnëqa ka nyipi ewekë catre la hnëqa ne la qatre thupe ka xomiujine la ini ne La Tour de Garde, pine laka, ketre ka maca nyidrë troa hamëne la ini, nge kola amamai tulu ka loi ngöne la aqane mele ne la Keresiano.—Rom. 12:7; Iako. 3:1.
2 Loi e tro la atre xomiujine la ini ne La Tour de Garde, a catre hnëkëne hnyawa pala hi la ini ngöne la nöjei wiik, matre troa atreine hamëne hnyawa ngöne la ijine icasikeu. Loi e tro nyidrë a thithi me wange hnyawa lai ini. Troa mama ka hape, nyidrë a hnime la ekalesia, matre kola thele troa ketr la itre hni së jëne la itre mekune hna xomi ini qa ngön. Nyidrë a wangatrune hnyawa la itre mekune ka tru ngöne lai ini, me xatua së troa trotrohnine la aqane ieakeune itre eje memine la taan la hna cinyihan.
3 Loi e tro fe nyidrëti a canga thele hnyawa ngöne la ijine nyidrë a hnëkë, lo itre xötre ne Tusi Hmitrötr, matre troa waipengöne la aqane troa xomi ini qa ngön. Nyidrëti fe a amamane la enyipiewekëne la Wesi Ula i Akötresie, me xatuane la ekalesia troa xome hnyawa me fe la Tusi Hmitrötre ngöne la ijine kola icasikeu. Maine thaa hna qaja amamane hnyawa kö la ini ka tru ngöne la itre mekune hna fe hnene la ekalesia, maine thaa hna qaja hnyawane kö la ketre mekune ka tru qa hnine la ketre xötr, ke, nyidrëti a xome la itre xaa hnyinge matre nyine troa fe amamane la mekune cili. Qa ngöne lai, nyidrëti a xatua së troa trotrohnine hnyawa la ini hna hamën, nge matre tro së a atre la aqane troa trongëne eje ngöne la mele së.
4 Loi e tro pala hi la atre xomiujine la ini ne La Tour de Garde, a thele troa amacane hnyawa la aqane tro nyidrëti a hamëne la ini. Xalaithe hi la nyidrëti a hamë mekun, ngo kolo pe a xatua së troa sa hmekune la itre hne hnyingën—ngo thenge pe la aqane sipu ithahnata së, thaa tro kö a aqeane menune la aqane qeje pengöne la mekun, nge loi e troa qaja hnyawa pe la mekune ka tru. Loi e tro nyidrëti a amekunë së ngöne la itre xaa ijin, laka, ame la ka troa pane fe mekune ngöne la paragaraf, ke, troa xoxopatre la mekun, me sa mekötine la hnyinge hna fejane hnine la zonal. Ame pë hë la itre xaa mekune ke, kola troa ithahnatane la ketre xötre ne la Tusi Hmitrötr, maine itre mekune nyine sajuëne la itre mekune ka tru, maine ketre aqane troa xomi ini qa ngöne la mekune hna ce wang. Nyidrëti fe a thele troa xatuane la itre atrene la icasikeu, matre troa hetrenyi thei angatre la ajane troa hane fe mekun.
5 Ngöne laka, easë la itre “at hna inine hnei Iehova”, haawe, easë a madrine la “ite ahnahna [atr NW],” tune la atre xomiujine la ini ne La Tour de Garde, laka, nyidrëti a “[catre NW] huliwa ngöne la . . . ini.”—Is. 54:13; Efe. 4:8, 11; 1 Tim. 5:17.