Hetre Thangane Ka Loi Hne Së Hna Kapa Qa Ngöne La Video Pas de sang : la médecine relève le défi
Tune kaa la itre ithuemacanyi hnei nyipunieti hna atre göne la aqane troa iën la itre nyine kuca e traqa ju la itre jol göi xomi madra? Trotrohnine kö epuni la itre xaa nyine troa kuca e tröne la xomi madra, nge tune kaa la aqane troa xome itre ej? Goeëne jë la video celë, nge tupathe jë la atrehmekune i epun jëne la itre hnyinge celë.—Ithuemacany: Pine laka kola amaman hnene la video la itre xaa aqane xöj la itre atr, haawe qanyi itre keme me thine kö troa axeciën maine thaa tro pë hë la itre nekönatr a hane goeën la itre götrane cili.
(1) Nemene la sipu kepin matre kola thipetrij hnene la Itretre Anyipici Iehova la troa xom me hamë madra, nge ekaa hnine la Tusi Hmitrötr la trepene meköti ka wathebone lai? (2) Ame göi inyië thei droketre, nemene la aja ka eje the së? (3) Nemene la meköti ka eje thene la itre ka wezipo? (4) Pine nemen matre mekune ka loi nge hni ka inamacan la troa thipetrij la xome me hamë madra? (5) Maine tru la madra ka neni, nemene la lue nyine troa canga kuca hnene la itre droketre? (6) Nemene la itre thangane ka ngazo qa ngöne la hna xomi madra? (7) Nemene la itre xaa jiane huliwa hna xome hnene la itre droketre ka ixöj, matre thaa tro kö a tru menu la madra ka luuz ngöne la ijine kola xöje la atr? (8) Nemene la nyine tro sa atre hnyawa ngöne la itre xaa jëne troa neën la xomi madra? (9) Hapeu, ijije kö troa xöj la ketre atr nge thaa tro kö a hamë madra koi angeic, ngacama tru me jol la hna xöji angeic? (10) Nemene la hna ajan troa kuca kowe la Itretre Anyipici Iehova hnene la itre droketre, laka kola tru trootro la etrui angatr enehila, nge nemene jë la ewekë ka ijij nyine troa kuca kowe la nöjei ka wezipo asë?
Tune la hna amamane ngöne la video göi troa kapa la itre xaa drösinöe, hna hape isa qanyi së kö troa axeciëne hnyawa la mekun.—Wange ju la zonal La Tour de Garde ne 15 Juun 2004, g. 22-4, 29-31, me 15 Okotropa 2000 g. 30-1.