“Hamëne Pi La Ketre Zonal Maine Ketre Boroshür Ka Hekö, Ka Ihmeku Memine La Aja Ne La Atr”

Ame ngöne la macatre, hetrenyi la itre treu ne easa tro fë la itus Ini Tusi Hmitrötr me thele troa nyiqane inine la Tusi Hmitrötr memine la itre atr ngöne la kola xötrei traqa. Nge hna ithuecatre koi së, ka hape, maine ase hë la ketre atr kapa la itusi cili, ngo xele kö ma inine la Tusi Hmitrötr, hawe, loi e tro sa “hamëne la ketre zonal maine ketre boroshür ka hekö, ka ihmeku memine la aja i angeic.” Pine nemene lai?

Eje e hnine la itre boroshür me itre zonal ka hekö, la nöjei pengöne tan mekun ka nyipi ewekë pala hi. Maine jë troa ketr la hni ne la atr cili hnene la ketre tan mekun. Hawe, ame la easa qatrenge la itre itusi së qëmekene troa cainöj, the thëthëhmine kö së troa hane amë fe lo itre boroshür memine lo itre zonal ka hekö. Maine pëkö zonale i nyipunie ka hekö, hawe, wange ju thene la itre trejin ka thupëne la itre zonale së e hnine la ekalesia. Ketre, maine ase hë la ketre atr kapa la itus Ini Tusi Hmitrötr, nge xele kö angeic ma inine la Tusi Hmitrötr, ijije tro sa amamai angeice la itre xa zonal me boroshür, me upi angeice troa xome la hnei angeice hna ajan. Thupene lai, thele jë troa bëeke hmaca matre troa akökötrene la aja ka eje thei angeic. Maine jë tro hë nyipunieti e cili a nyiqane inine la Tusi Hmitrötr me angeic.