Götrane Ka Hnyipixe Göne Troa Nyiqane Ithanata

Ame e Januare 2016, kola tro fë la götrane tixenuë ne la Ita Ne thup, götrane hna hape, “Nemene La Hna Qaja Hnei Tusi Hmitrötr?” Hna kuca la götrane cili, nyine xatua së troa nyiqane ithanatane la Tusi Hmitrötr. Ketre, ka ceitu la aqane kuca la götrane cili, memine la itre tarak. Hetrenyi la ketre hnyinge hna troa sa hnei Tusi Hmitrötr, me itre xa mekune ju kö nyine troa ce ithanatan.

Hetrenyi la itre mekune ka lolo nyine troa ce ithanatan hna xome qa hnine la Tusi Hmitrötr, ka troa aijijë së troa inine la Tusi memine la itre atr. Huliwane jë la götrane cili, matre troa hane xatuane la itre atr ka ajane troa atre Akötresie, matre tro angatr a hane atre la nyipici.​—Mataio 5:6.

AQANE TROA HULIWANE LA GÖTRANE CELË:

1. Xome jë la ketre hnying, nge hnyingëne jë koi angeice la mekuna i angeic

2. Drenge ju la aqane sa, matre atre la mekuna i angeic

3. E jë la ketre xötr hna cinyihan e kuhu fene la hna hape, “Nemene La Hna Qaja Hnei Tusi Hmitrötr?,” nge thupene lai, hnyingëne jë la mekuna i angeic göne lai xötr. Maine ijije hi, sisedrëne jë la porotrik, nge xome jë la götrane hna hape, “Nemene La Itre Xa Ini Qa Hnine La Tusi Hmitrötr?”

4. Hamëne pi lai zonal

5. Isa pui jë matre troa sisedrëne la porotrik memine la hnaluene hnying