Itre Itus Ka Nyitrepene La Mel Me Huliwa Ne Cainöj Pepa Nyine Huliwan
3-9 OGAS
ITRE TRENGAMO QA HNINE LA TUSI HMITRÖTR | ESODO 13-14
“Catre pi, Nge Goeëne Ju La Iamele Qaathei Iehova”
w13-F 1/2 4
Ketre Tulu Ne Lapaun
Ma thatre kö Mose laka, tro Akötresie a thawa la Hnagejë Ka Palulu, matre troa hetre jëne kötr kowe la angetre Isaraela. Ngo, atre hi angeic laka, tro kö Akötresie a thupëne la nöje i Nyidrë, nge aja i angeic fe tro angatr a hane mejiun tun. “Ame hnei Mose hna qaja kowe la nöj, ka hape, The qou kö, cileju, mate öhnejë nyipunie la iamele qa thei Iehova, la tro nyidëti a longëtine thatraqai nyipunie ngöne la drai celë.” (Esodo 14:13). Hnei angeice kö hna acatrene la lapaune i angatr? Eje hi. Öni Tusi Hmitrötr göi angetre Isaraela: “Hnene la lapaun, hnei angetre Isaraela hna thupa la Hnagejë Ka Palulu, kösë kola tro ngöne la nöje gaa weliwel.” (Heberu 11:29). Hnene la lapaune i Mose hna amele angeic, memine la itre ka xötrethenge angeic.
w09-F 15/3 7
The Thëthëhmi Iehova Kö!
Traqa ha la angetre Isaraela ngöne la ketre götrane la Hnagejë, nge angetre Aigupito palahi nyipine la Hnagejë. Hnei Mose hna liine pi la iwanakoime i angeic kowe la Hnagejë Ka Palulu, nge hnei Iehova hna thingi ej hmaca. Hna aca trotro la tim hui Farao me trongene isi angeic. Meci asë hë la itre ithupëjia me angatr. Pëhë ka hnöth la angetre Isaraela!—Eso. 14:26-28; Sal. 136:13-15.
Hnene la ewekë cili hna axouene la itre nöj ka lapa e cili ezin. (Eso. 15:14-16) Thupene la 40 lao macatre, öni Rahaba kowe la lue angetre Isaraela ka hape: “Traqa ha koi huni la qoue nyipunie . . . Ke dengë hë huni laka hnei Iehova hna [aqaqacilën] la hnagejë ka palulu thatraqai nyipunie, e tro nyipunie e kolemi qa Aigupito.” (Ios. 2:9, 10) Tha thëthëhmine kö la itre nöj ezin la aqane amele Isaraela hnei Iehova. Tha thëthëhmine kö Isaraela.
Troa Sine Thel La Itre Mekune Ka Sisitria
it-1-F 1015
Gojeny
Qane ekö, hetre gojenyi ka co me ka tru, me itre gojenyi hnë salem, nge kola itronyi hnene la itre traon memine la itre hna nyijoxu e Palestine. (Nu 20:17-19 ; 21:21, 22 ; 22:5, 21-23 ; Io 2:22 ; Ame 21:19 ; 1Sa 6:9, 12 ; 13:17, 18 ; wange ju GOJENYI QA KOLOPI) Ame lo gojenyi ka tru, kola tro qa Aigupito koi Gaza me Ashqelôn, a tro koi Meguiddo. Ej a tro Hatsor, ngöne la götrane kolopi ne la Hnagejë e Galilaia, me tro Damaseko eë. Ame la gojenyi cili ka thupa la nöje i angetre Filisiti, kolo hi gojenyi hna xome qa Aigupito, matre canga traqa kowe la Nöje Hna Thingehnaean. Ngo, tru la ihnimi Iehova kowe la angetre Isaraela, matre hnei Nyidrëti hna eatrongë angatr ngöne la ketre gojenyi wanga troa lepi angatr hnene la angetre Filisiti.—Es 13:17.
it-1-F 848 par. 4-5
Esodo
Hna thawa eka la Hnagejë Ka Palulu?
Ame ngöne la tronge i angatr, e Ethama, “ëzine la hnapapa,” hnei Akötresie hna upi Mose troa ‘bëeke hmaca me acili taat e Pihahiroth, nyipine Migedola me hnagejë.’ Tro Farao a mekun ka hape, thatre hë angetre Isaraela la gojeny. (Es 13:20 ; 14:1-3) Önine la itre ka qejepengöne la Tusi Hmitrötr, ame la gojenyi ka loi nyine tro la angetre Isaraela a xom, tre, ene la gojenyi el Hadj. Ame la hnëewekë qene Heberu hna hape, “jea” ke, tha kolo kö a qaja la troa “neën,” ngo tro pe a saze gojeny. Ame koi angatr, hnene la angetre Isaraela hna tro utihë la golfe de Suez, nge hnei angatr hna bëeke hmaca ngöne la götrane djebel ʽAtaqa, me cile hune la itre wetr. Maine troa huzu angatr, pëkö jëne kötre i angatr, ke hnagejë e hutrö i angatr.
Kola jelenyipicine la hna melëne celë hnene la hna majemine kuca hnene la angetre Iudra ne la hneijine i easë. (wange ju PIHAHIROTH) Nge, kolo fe a jelenyipicine lai hnene la Tusi Hmitrötr, ngacama tha ihmeku kö memine la hna qaja hnene la itre xa ka qejepengöne la Tusi Hmitrötr. (Es 14:9-16) Tha hnene kö la angetre Isaraela hna thupa la Hnagejë qane lo pune la golfe, ngo qa kuhu nyipin, wanga tro la trongene isi Farao a nyiape kano me itronyi me angatr ngöne la ketre götran.—Es 14:22, 23.
10-16 OGAS
ITRE TRENGAMO QA HNINE LA TUSI HMITRÖTR | ESODO 15-16
“Nyima Atrunyi Iehova Jë”
w95-F 15/10 11 par. 11
Enehila Hi La Tro Sa Xoue Akötresie
11 Hnei Iehova hna lepe apatrene la trongene isi Aigupito, matre hna adraië Nyidrë qëmekene la itre hlue i Nyidrë, me ahlemune la ëje i Nyidrë. (Iosua 2:9, 10; 4:23, 24) Hna adraiëne la ëje i Nyidrë hune la itre xa haze e Aigupito, itre ka pë men, ke, thatreine kö amelene la itre hlue i angatr. Tha hnene kö la itre haze, me itre atr, maine trongene isi hna amelene la angetre Aigupito, matre pëhë mejiune i angatr kowe la itre ewekë cili. (Salamo 146:3) Tha sesëkötre kö së la kola nyima me atrunyi Iehova hnene la angetre Isaraela, ke, Nyidrëti la Akötresie Ka Mel me ka iamele!
w95-F 15/10 11-12 par. 15-16
Enehila Hi La Tro Sa Xoue Akötresie
15 Maine ce easë ju me Mose, tro fe sa nyima, me hape: “Iehova fe, dei la ka cei tune me cilie ene la nöjei haze ? dei la ka cei tune me cilie ka lolo ngöne la thina ka hmitöt, nge nyine qouene e kola atrun, nge ate longëtine la ite nyine hain ?” (Esodo 15:11) Hna nyimane lapane la nyima celë ngöne la itre macatre. Ngöne la tusi tixenuë ne la Tusi Hmitrötr, öni Ioane aposetolo göne la itre trejin hna iën ka hape, “Angatr a nyimane la nyima i Mose, hlue i Akötresie, me nyima ne la Neköi Mamoe.” Nemene la hna qaja hnene la nyima? “Draië me mingöminge la itre huliwa i nyipë, Iehova Akötresie, Ka Tru Trenge Men, Meköt me nyipici la itre jë i nyipë, Joxu ka epine palua. Iehova fe, drei la ka tha xoue nyipë, me ka tha atrune la ëje i nyipë, ke nyipëti hmekuje hi la ka mele nyipici?”—Hna Amaman 15:2-4.
16 Ame enehila mina fe, hetre hlue i Iehova ka haine la itre hna xup hnei Nyidrë, me wangatrune la itre trepene meköti Nyidrë. Alanyim la itre atr hna thapa qa ngöne la hmi ka thoi, ke, hnei angatr hna trongëne la itre hna amekötine hnei Akötresie. Ame e nöjei macatre, itre thauzane lao atr ka trotrij la fene ka ngazo, me lö kowe la organizasio i Iehova. Easenyi hë tro Akötresie a lepe apatrene la hmi ka thoi, memine la fene ka ngazo. Nge tro sa mele palua ngöne la fen ka hnyipixe, nge ka meköt.
it-2-F 360 par. 6
Miuzik
Ame ekö, hetre aqane nyima la angetre Isaraela. Ketre gurup a nyima, nge kola sa hnene la ketre gurup. Maine pena, ketre a nyima cas, nge ka ala nyimu a sa. Ma celë hi ewekë ka traqa ngöne la kola qaja e hnine la Tusi Hmitrötr ka hape, kola ‘sa.’ (Es 15:21 ; 1Sa 18:6, 7) Celë hi ka mama ngöne la aqane cinyihane la itre xa salamo, tune la Salamo 136. Ame ngöne la ijine kola atrune la qanahag e Ierusalema, hnei Nehemia hna acile la lue gurup troa nyima, nge celë hi hnei angatr hna kuca.—Ne 12:31, 38, 40-42; wange ju NYIMA.
it-2-F 674 par. 1
Perofeta Föe
Miriama la pane föe perofeta e hnine la Tusi Hmitrötr. Maine jë, hnei Akötresie hna hane ithanata koi angeic, me upi angeic troa tro fë la itre maca i Nyidrë, tune la itre nyima. (Es 15:20, 21) Celë hi matre, öni angeic me Arona koi Mose: “Tha hnei nyidëti [Iehova] hna ulatine koi nyiho mina?” (Nu 12:2) Ketre, öni Iehova jëne Mika perofeta ka hape, “hnenge hna upi Mose, me Arona, me Miriama” qëmekene la angetre Isaraela la angatr a tro qa Aigupito. (Mi 6:4) Eje hi laka, hnei Iehova hna ithanata fe jëne Miriama, ngo tha ka catre kö la aqane imelekeu i angeic me Nyidrë, tui Mose. Ame la angeic a nyiqane sasaithi tulu, hnei Akötresie hna ameköti angeic.—Nu 12:1-15.
Troa Sine Thel La Itre Mekune Ka Sisitria
w11-F 1/9 14
Atre Fe Hi Nyipunie?
Pine nemene matre Akötresie a thuane la angetre Isaraela hnei selave ngöne la hnalapa?
Thupene lo kola feke qa Aigupito, alua hamë hmitr kowe la angetre Isaraela hnei Akötresie. Hnei Nyidrëti hna upe la itre selave koi angatr.—Esodo 16:13; Numera 11:31.
Ame la itre selave, ke, itre waco ka co ka 20 hi lao centimet, nge 100g la ehacen. Itre ej a hnaho e Asie me Europe, me kötr koi Afrik me Arabie ngöne la ijine hnötr. Ame la nyudreni a kötr, nyudreni a ce nyinyiape la Méditerranée utihë e Sinaia.
Tune la hna qaja e hnine la ketre diksioner (Nouveau dictionnaire biblique) ka hape, “Ame la itre waco cili ka xötrethenge eny, nge ka sesë nyimenyim. Maine kola saze la eny, maine qea palaha la gojeny, nyudren a trotro qa koho hnene la kucakuca.” Nyudren a pane mano cas, maine lue drai qëmekene troa sesë hmaca. Ame e cili, tha ka jole kö kowe la itre atr troa kuqanyi nyudren. Ame ngöne la itre macatre 1900, angetre Aigupito a salemëne la 3 milio lao selave e nöjei macatre.
Alua öni selave hnene la angetre Isaraela; thupene palahi la ijine hnötr. Ame ngöne la itre ijine cili, itre ej a sesë hune la nöje Sinaia. Önine la Tusi Hmitrötr, hnei Iehova hna ‘hna saze la enyi’ matre mala pi la itre selave ngöne la lapa i angetre Isaraela.—Numera 11:31.
w06-F 15/1 31
Itre Hnyinge Ne La Itre Ka e
Thupene la angetre Isaraela a feke qa Aigupito, hnei angatr hna nyiqane eetr koi xen. Hnei Iehova hna hamë angatr la mana. (Esodo 12:17, 18 ; 16:1-5) Ame ngöne la ijine cili, öni Mose koi Arona: “Xomejë la inege, nge nyi alieneju eje hnei mana a ca omera ka tiqa, me amë xajawa i Iehova troa thupëne thatraqane la nöjei xöte i nyipunie. Hnei Arona hna amë eje qëmeke ne la puha ne anyipicin [Hnë amë la itre pepa ka nyipiewekë], troa thupën, thenge la hna eawatine hnei lehova koi Mose.” (Esodo 16:33, 34) Hnei Arona hna amë la mana ngöne la ketre inege. Ngo hnei nyidrëti pë hë hna amë ej ngöne la uma ne heta, lo Mose a kuca la puha ne isisinyikeu, me ce amë memine la itre etë hna cinyihan la wathebo.
17-23 OGAS
ITRE TRENGAMO QA HNINE LA TUSI HMITRÖTR | ESODO 17-18
“Itre Trahmanyi Ka Ipië a Xatuane Me Thawa La Huliwa Me Itre Xan”
w13-F 1/2 6
Ketre Tulu Ne Ihnim
Mose a hnim la angetre Isaraela. Atre hi angatr laka, hnei Iehova hna acili angeic troa elemekene la nöj, matre angatr a traqa troa qaja la itre jole i angatr koi angeic. Esodo 18:13-16, “kola cile la nöje qëmeke i Mose qan’ e hmakanyi uti hë e hej.” Hace catr koi Mose troa drenge la angetre Isaraela a qeje jol qan e hmakany utihë e hej! Ngo, ka madrine Mose troa kuca, ke, tru la ihnimi angeic koi angatr.
w03-F 1/11 6 par. 2
Mejiune La Jëne Madrin
Hnene la itre trahmanyi cili hna pane huliwane la itre thina ka lolo i Akötresie qëmekene troa acili angatr. Ase hë angatr amamane laka, itre ka xoue Akötresie. Ka tru la metrötre i angatr kowe la Atre Xup, nge xoue angatr troa akötrë Nyidrë. Mama ha koi itre xan laka, angatr a isine troa trongëne la itre hna amekötin. Methi angatr la itre ka mele thoi, matre tha angatre kö a piine menune la ifekë ewekën. Tha angatre kö a huliwane menune la musi angatr göi troa iaö itre xan, me kepe thupen.
w02-F 15/5 25 par. 5
Ka Meköt La Itre Trahmanyi Ka Mele Nyipici
Atre hi Mose la itre ifego i angeic, nge ka ipië. Pine laka, kucakuca catre Mose, hnei Iethero, keme ne la föi angeic, hna upi angeic troa thawa la hnëqa memine la itre xa trahmanyi ka ijij. Hnei Mose hna kapa la mekuna i nyidrë, ke, ka hace koi angeic troa huliwane casin. (Esodo 18:17-26 ; Numera 12:3) Ame la atr ka atre la itre ifego i angeic, tha angeice kö a cil troa thawa la hnëqa koi itre xan, maine xou troa tha metrötrë angeic, e tro angeic a ujë tun. (Numera 11:16, 17, 26-29) Aja i angeice pe troa xatuane la itre xan troa kökötre ngöne la huliwa i Akötresie. (1 Timoteo 4:15) Tune ka fe easë?
Troa Sine Thel La Itre Mekune Ka Sisitria
it-1-F 395 par. 1
Qaathei Akötresie
Ka xecie koi së laka, qaathei Akötresie la itre hna cinyihane hnei Mose, nge ka troa eatrongë së kowe la hmi ka wië. Tha hnene kö la sipu mekuna i Mose matre angeic a eatrongën me elemekene la nöje i Isaraela; ngöne lo qan, tha hnei angeice kö hna kapa la hnëqa. (Es 3:10, 11 ; 4:10-14) Akötresie la ka hamëne koi Mose la men matre qaja jë hnene la itre magisië i Farao laka, hna upi angeic hnei Akötresie. (Es 4:1-9 ; 8:16-19) Tha aja i Mose kö troa cilë hnëqa maine atre cinyihan. Hnene la idrengethenge i angeic, memine la emenene la uati hmitrötr, matre ithanata jë angeic, me cinyihane pë hë la ketre igötranene la Tusi Hmitrötr.—Es 17:14.
24-30 OGAS
ITRE TRENGAMO QA HNINE LA TUSI HMITRÖTR | ESODO 19-20
“Epun Memine La Treen Lao Wathebo”
w89-F 15/11 5 par. 6
Treen Lao Wathebo: Aliene Koi Epun
Ame la 4 lao pane wathebo, ke, kola qaja la hnëqa së qëmeke i Iehova. Ame la hnapan, Akötresie a ajane tro sa nyihlue i Nyidrë hmekuj. (Mataio 4:10). Ame la hnaluen, tha tro kö la itre hlue i Nyidrë a thil kowe la itre hnasaatr. (1 Ioane 5:21) Ame la hnakönin, tro sa huliwan hnyawane la ëje i Akötresie, me metrötrëne ej. (Ioane 17:26; Roma 10:13) Ame la hnafoan, troa tro pa la itre huliwa i Nyidrë ngöne la mele së. Jëne lai, ijije hi tro sa mano, maine metrötrëne la “drai sabath” tune la angetre Faresaio.—Heberu 4:9, 10.
w89-F 15/11 6 par. 1-2
Treen Lao Wathebo: Aliene Koi Epun?
Ame ngöne la hnafaifine wathebo, nyipiewekë tro la nekönatr a drei keme me thin, matre troa cas la fami, me kapa la manathith qathei Iehova. Ketre, “celë hi pane hna amekötin ka troa aijijë [angatr] troa kapa la hna thingehnaean.” Eje hi, “jëne manathithi lai koi [angatr], nge tro hë [angatr] a mel aqeany hune la ihnadro.” (Efeso 6:1-3) Pine laka, easa melëne la “itre drai ne la pun,” ame la itre thöth ka drengethenge keme me thin, thenge la aja i Akötresie, tro angatr a mele palua.—2 Timoteo 3:1; Ioane 11:26.
Maine easa hnim la atr easenyi së, tha tro pi kö sa humuthi angeic (hnasikisine wathebo), maine nyixetë (hnasevenen), maine atrekënö (hnaeitren) maine thoi (hnanaenen) (1 Ioane 3:10-12; Heberu 13:4; Efeso 4:28; Mataio 5:37; Ite Edomë 6:16-19) Ame la hnatreenen, kola wathebone la troa piine la ifekë ewekën, me amekunë së ka hape: aja i Iehova tro sa meköt qëmekene i Nyidrë.—Ite Edomë 21:2.
Troa Sine Thel La Itre Mekune Ka Sisitria
it-2-F 658 par. 5-6
Atre Huj
Itretre Huj Keresiano. Hnei Iehova hna sisinyi kowe la angetre Isaraela ka hape, e tro angatr a metrötrëne la hna isisinyikeu, tro hë angatr a “baselaia angete huj, me nöje ka hmitöte.” (Es 19:6) Ngo, tro hi la itretre huuj matra i Arona a lapa utihë la troa traqa hnene la itretre huj ka sisitria. (He 8:4, 5) Troa ej utihë la pun la isisinyikeu ne la wathebo, me nyiqane la isisinyikeu ka hnyipixe. (He 7:11-14 ; 8:6, 7, 13) Hna pane hëne la angetre Isaraela troa itretre huje i Iehova ngöne la Baselaia, nge ame e thupen, hna hëne fe la itretre fen.—Hu 10:34, 35; 15:14; Ro 10:21.
Tha alanyimu kö la angetre Iudra ka kepe Keriso, matre tha angatre casi kö la ka nyiatrene la baselaia i angetre huj, me nöje ka hmitrötr. (Ro 11:7, 20) Pine laka, hnei angatr hna tha idrei, hnei Akötresie hna qaja hë ekö jëne Hosea ka hape: “Ngöne laka hnei ’ö hna thipe tije la inamacan, tro pena ni a thipe tiji ’ö mate tha ate hujë hë koi ni ; ngöne la hnei ’ö hna thëthëhmine la wathebo i Akötesi ’ö, tro pena ni a thëthëhmine la ite nekö i ’ö.” (Ho 4:6) Ketre, öni Iesu fe kowe la itre hene ne hmi i angetre Iudra ka hape: “Tro ha xome qaathei nyipunie la Baselaia i Akötresie, me hamëne kowe la nöje ka troa wa wen.” (Ma 21:43) Ngo, pine laka Iesu e celë fen, nyidrëti a metrötrëne la Wathebo, ke, kolo palahi a huj hnene la itre matra i Arona. Matre, ame la nyidrëti a aloine la itre ka si lepera, nyidrëti a upi angatr kowe la itretre huj, me hamëne la huj.—Ma 8:4; Mrk 1:44; Lu 17:14.
w04-F 15/3 27 par. 1
Itre Mekun Ka Sisitria Ne La Tusi Esodo
20:5—Nemene la aliene la kola hape, Iehova a “nyi thupene la ngazo ne la nöjei keme” kowe la itre xötre e thupen? Maine tru hë la atr, kola ameköti angeic thenge la aqane ujë i angeic, me aqane waiewekë i angeic. Ngo, ame la kola thili koi idrola hnene la angetre Isaraela, hnei angatr memine la itre xötr e thupen hna xeni pun la huliwa i angatr. Hnene fe la itre Isaraela ka idrengethenge hna hane xeni pun. Tru palaha la itre ka icilekeu me Iehova, matre jol kowe la nöj troa mele nyipici koi Nyidrë.
31 OGAS–6 SEMITREPA
ITRE TRENGAMO QA HNINE LA TUSI HMITRÖTR | ESODO 21-22
“Goeëne Jë La Mele Tui Iehova”
it-1-F 553 par. 1
Ilep
Hna aijijëne la ketre atr Isaraela troa lepe la hlue i angeic, trahmanyi maine föe, e tro angeic a tha idrei maine catre fë mekun. Ngo, e troa mec hnene la hlue, troa tran la maseta. Maine tro la hlue a mel, cas maine lue drai, kolo lai a hape, tha hnene kö la maseta hna mekun troa humuthi angeic. Ijije hi tro la maseta a amekötine la hlue, ke, “manie” i nyidrëti lai. Tha tro kö nyidrëti a humuth la hlue, ke, angeice hi la ka hamë thupe i nyidrë. Ketre, e tro la hlue a mec a itre drai thupen, tha ijije kö troa qaja ka hape, hnei angeic hna mec hnene la hna ilep maine ketre ewekë pena. Maine tro la hlue a mele koi cas maine lue drai, tha tro kö a tran la maseta.—Es 21:20, 21.
lvs-F 95 par. 16
Ka Nyipiewekë Kö La Mele Koi Së Tui Akötresie?
16 Ame koi Iehova, ka nyipiewekë la mele ne la atr. Ka tru fe koi Nyidrë la medreng ka troa mala. Ame ngöne la Trenge Wathebo i Mose, e tro la ketre atr a eatrëne la föe ka upune, ngo tha hna thë kö, nge troa mec hnene la föe maine nekön, ame koi Iehova, zöi angeic la ihumuth. Ngacama tha hna thë kö, hetre ka mec, matre troa nyihnane la mel ka patr. (E jë la Esodo 21:22, 23) Ame koi Akötresie, ketre atr ka mele hë la nekönatr e kuhu hni. Haawe, nemene jë la mekuna i Akötresie göne la thi upun? Ame koi epun, nemene la mekuna i Nyidrë la kola thi upune hnene la itre milio lao föe e nöjei macatre?
w10-F 15/4 29 par. 4
Aja i Iehova Troa “Amele” Së
Kolo fe a qaja hnene la Trenge Wathebo ka hape, e tro la ketre öni a humuth la ketre atr, troa tranyi la atrekë sin. Maine tro la ketre kau a thine la ketre atr, tro la atrekë sine a humuth lai öni. Pine laka, tha ijiji angeice kö troa öni maine salemën, nyimu luz. Pane mekune jë laka, troa eatr la ketre atr hnene la kau, nge tha ase kö hnöth. Matre tune ka? E tro la kau cili a humuthi ketre e thupen, troa ce humuth lai öni me atrekë sin. Kola hmekëne hnene la wathebo celë la itre atr ka tha thupëne hnyawa kö la itre si angatr.—Eso. 21:28, 29.
Troa Sine Thel La Itre Mekune Ka Sisitria
it-1-F 545 par. 4
Jian
Ame ngöne Esodo 21:14, maine tro ketre atr a humuthi ketre, tro fe a humuthi angeic, ngacama atre huje ju hë. Ketre, tro fe a humuthi angeic, ngacama angeic a “xölehuj la itre jone la ita ne huj.”—Wange ju 1Jo 2:28-34.