Kuany ë Nyin

Kën ë Cïï Yecu Looi

BIDEO: Yecu Anyooth Kuany ë Nyin Tënë Kɔc Juëc cï ke Nïïm Mat

1. Ɣoi BIDEO, awu kuen Mak 6:30-34. Ku jälkë thiëc bɔ̈ jäämiic:

1. Ye wɛ̈tŋö ë ye Yecu ke dutuucke ye ŋɔ̈ɔ̈th nɔn ë bïï keek “tɔ̈u kapɛ̈c”?

2. Yeŋö ë päl Yecu bï kɔc juëc cï ke nïïm määt piɔ̈ɔ̈c?

Yeŋö Buk Piɔ̈ɔ̈c Tënë Yecu?

2. Kuany ë nyin ee ɣo puɔ̈l buk ya diɛɛr ë kɔc kɔ̈k, ku acie nɔn bïï ɣok ke ya piɔ̈ɔ̈c yetök.

Kiɛ̈ɛ̈të Yecu

3. Ye ŋiɛc piŋ ke yï cï yïnɔm tääu piny. Päl raan bï këden tɔ̈u ë yepuɔ̈u ëbën lueel. Duk jamde tem kɔ̈u awu ba këden tɔ̈u ë yepuɔ̈u guɔ cïï piŋ. Të piŋ yïn këden lueel, ka ye nyuɔɔth nɔn ye yïn diɛɛr ë yen.

4. Ye diɛɛr ë raan nhiar en bï piŋ. Të jiɛm yïn ke yen, ye rot thiëëc:

1. ‘Ye wɛ̈tŋö piɛth en bï yic piŋ?’

2. ‘Ye këdï lëu bïï piööcden ë Baibol ye kuɔny ë yeköölë ku jɔl ya pïïrden bï bën tueŋ?’

5. Jamë ë kä lëu bïk yen kuɔny. Ë nyinic ë tëtöŋ ë jamduön yic, nyuɔ̈thë yen të lëu bïï piööc ë Baibol thiëcke dhuknïïm ku të lëu bïï yen ye kuɔny thïn ë pïïrde yic.