Piath ë Puɔ̈u

Kën ë Cïï Yecu Looi

BIDEO: Yecu Aliep Mony cï Cɔɔr Nyin

1. Ɣoi BIDEO, awu kuen Jɔn 9:1-7. Ku jälkë thiëc bɔ̈ jäämiic:

1. Yeŋö ë cïï Yecu kaŋ looi tueŋ, ye mony cï cɔɔr yen ë cï kaŋ liep nyin, awu cï wël piɛth kaŋ rɔm ke yen?​—Tïŋ Jɔn 9:35-38.

2. Yeŋö ye takic ke cï mony kënë kony bï wëlke Yecu gam?

Yeŋö Buk Piɔ̈ɔ̈c Tënë Yecu?

2. Raan alëu bï këdan yeku lueel piŋ të tïŋ yen en nɔn ye ɣok diɛɛr ë yen.

Kiɛ̈ɛ̈të Yecu

3. Ye kuany ë nyin nyuɔ̈th raan. Them ba kë tɔ̈u ë raan puɔ̈u deetic.

1. Ye rot thiëëc: ‘Yeŋö lëu bï yen diir arëët? Yeŋö lëu bï yök ke nhiɛɛr ku kony en?’ Të looi yïn en këya, ka lëu bï yïn kuɔny ba piath ë puɔ̈u nyuɔɔth ë kueer piɔlic ku ye yic.

2. Na lëk raan yïn ke tɔ̈u yepuɔ̈u awu kë dhal en ë pïïrde yic, ke yï duk jam go waaric. Nyuɔɔthë nɔn ye yïn diɛɛr ë yen ë kueer bïï yï rot pälpiny ku piɛ̈ŋë.

4. Jamë ke yï nyooth athɛ̈ɛ̈k ku piath ë puɔ̈u. Të kɛ̈c yïn puɔ̈u ë raan ku anhiar apɛi ba kony, ka bï yök ë yï röl të jiɛm yïn. Ye wël ba ke lueel ŋiɛc kuany ku të bïï yïn ke luɛɛl thïn, ku duk jam ë wël wën lëu bïk raan däŋ rac puɔ̈u.

5. Ye kɔc kuɔny. Yɔ̈p kuɛɛr lëu bïï yïn ke raan kuɔny ë käken dhal en ë pïïrde yic. Nyooth ë piath ë puɔ̈u alëu bï yï kuɔny ba jam jɔɔk cöök.