PIÖÖC 6

Cöök ë Baibol cï Ŋiɛc Laaric

Jɔn 10:33-36

JAM CIEKIC: Duk cöök ë Baibol ë kueen ku jɔl guɔ lɔtueŋ ke këc laaric. Them ba kɔckun piŋ yïn kuɔny bïk deetic ye këdï ye cöök ë Baibol mat ke kë jäämë yic.

YE KËDÏ BÏÏ YÏN YE LOOI?

Ye wël thiekiic kuɛ̈ny bei. Të cïï yïn cöök ë Baibol kueen, kuɛ̈ny ë wël ë mat kekë jäämë yic bei. Yïn lëu ba kënë looi ë kueer bïï yïn wël thiekiic beeriic, awu luɔ̈ɔ̈i ë thiëc wën bï kɔc piŋ yïn kuɔny bïk wël thiekiic deetiic.

Na luɔ̈ɔ̈i ë wël wën wääc ke wël tɔ̈u ë Baibolic, ka lëu ba nyuɔ̈th kɔckun piŋ yïn, ye këdï ye keek mat ke wël tɔ̈u ë Baibolic ku jɔl ya këdun jäämë yic.
Ye wël thiekiic beeriic. Na ca cöök ë Baibol kueen ku aca nyuɔ̈th kɔc ye wɛ̈tŋö ë kueen yïn en, ke jɔl laaric ye këdï ye wël kä mat ke wɛ̈t ë kueen yïn cöök ë Baibol.

Të jiëëm yïn cöök ë Baibolic, päl Baiboldu ke liɛpic. Kënë, ee kɔc piŋ yïn kuɔny bïk këdun luel ya thɔ̈ɔ̈ŋ ke cöök ë Baibol.
Nyuɔ̈thë keek ye këdï bïï keek ye tääu ë luɔɔi yic ë kueer piɔlic. Të cïï yïn cöök ë Baibol kueen, duk wël wën cie mat ke këdun jäämë yic ë laariic ëbën. Të jiɛɛm yïn ë kë wën ŋic kɔckun piŋ yïn, ke yï kuany wël lik bïï yïn ke ye laaric bïk ŋiɛc deetic.