Be̱ wame̱ne̱

Nje Filipo a bolino̱

SINIMA: Filipo a mate̱ye̱ soel’a Etiopia dikalo

1. Ombwa SINIMA, to̱so̱ langa Bebolo 8:​30, 31. Denge̱ o madutea ońola myuedi mi mabupe̱:

1. Ne̱ni Filipo a botedino̱ ekwali e?

2. Ońola nje nika e tano̱ mbad’a bwam ńa botea ekwali na jokwe̱le̱ pe̱ nu moto belēdi ba peńa e?

Nje di mokwano̱ na Filipo e?

2. Jese̱le̱ te̱ ná ekwali e suleye na mo̱me̱ne̱, e me̱nde̱ be̱ mot’ekwali lambo di bo̱bi ná a telame̱ o kwala na biso̱, a senge pe̱ mwe̱ndi masu.

Embilane̱ Filipo

3. Be̱ pe̱ńe̱pe̱ńe̱. Boso ba moto, beboledi bao ba mā na ba ńolo be ná bongwane̱ biso̱ o bia mambo jita jombwea mo̱. We̱n te̱ ná nu moto a le̱le̱m o kwala na wa, we ná o botea ekwal’a Bibe̱l na baise̱ mo̱ min myuedi ná, “Mo̱ o bi ná . . . e?” O si ńakisane̱ moto yete̱na a si be̱n ńo̱ngi o kwala na wa.

4. Be̱ we̱lisane̱. O s’e̱ne̱ biana we eto̱m o jokwe̱le̱ mbal’a Bibe̱l dibokime̱ne̱ o botedino̱ ekwali. Ese̱le̱ ná nika e we na mo̱me̱ne̱ o ponda ni te̱nge̱n. Ponda iwo̱, ye ná e pula ná o we̱lisane̱ nate̱na o pe̱pe̱le̱ di mabupe̱ denge̱ o mabola nika.

5. Be̱ ńai ni makwelane̱. Ekwali ye ná yala o mudi mupe̱pe̱ o s’enge̱le̱no̱. Le̱le̱me̱ te̱ nde o jokwe̱le̱ nu moto lambo di malondise̱ ńo̱ng’ao, to̱ e pula nde ná o kwaleye lambo dipe̱pe̱ le diwengisan na tem’ekwali o boṅsane̱no̱.