DONGO 11

To̱po̱ na mulema mwe̱se̱

Roma 12:11

O PATAPE̱M: To̱po̱ na ko̱di ná wumwe̱le̱ basengedi bo̱ngo̱, o tute̱le̱ pe̱ babo̱ o ebolo.

To̱ndo̱ ekwal’ango̱. Ponda o maboṅsane̱no̱ ekwal’ango̱, dutea ná po̱m ońola mweńa ma belēdi bo̱ngo̱. Okwa ekwal’ango̱ bwam kańena ponda o me̱nde̱no̱ to̱po̱, byala be busa nde wa o mulema.
O̱nge̱le̱ ba nja basengedi bo̱ngo̱ beno̱. Keka je̱ne̱ ne̱ni bane̱ ba me̱nde̱no̱ tombwane̱ bolanga bo̱ngo̱ to̱ belēdi bo̱ngo̱. Dutea ńai na ńai a mbadi weno̱ ná o teleye̱ ma mo̱nge̱le̱ ná basengedi bo̱ngo̱ ba bate to̱ndo̱ be belēdi.
Kenjise̱ bwambo bo̱ngo̱. To̱po̱ na ko̱di ńe̱se̱. Bola ná beboledi bo̱ngo̱, na mā na boso, be lee̱le̱ besengedi bo̱ngo̱ ba teten.

Angame̱ye̱ ná mulemlem m’eboledi na mā to̱ na boso mwe k’ede̱mo mu si dimbe̱le̱ basengedi bo̱ngo̱ belēdi. Beboledi bo̱ngo̱ bangame̱n be̱ne̱ janda. To̱po̱ na mulema mwe̱se̱ sepo̱n ke̱ o mateleye̱ mom ma mo̱nge̱le̱ na ke̱ o matute̱le̱ basengedi bo̱ngo̱ o we̱le̱ nje ba masengano̱ o ebolo. Nde ko̱d’ango̱ e si tomba dime̱ne̱, e si ya be̱ o wo̱lise̱ basengedi o ekwal’ango̱.