Muyao

Nje Yesu a bolino̱

SINIMA: Yesu a mabo̱lise̱ mot’a ndima

1. Ombwa SINIMA, to̱so̱ langa Yohane 9:​1-7. Denge̱ o madutea ońola myuedi mi mabupe̱:

1. Nje Yesu a se̱le̱no̱ bola e? Mo̱ a se̱le̱ nde bo̱lise̱ nu mot’a ndima nga a se̱le̱ nde langwea mo̱ myango ma bwam e?​—Langa Yohane 9:​35-38.

2. O je̱ne̱ lo̱ngo̱, ońola nje nu moto a tano̱ ńai ni le̱le̱m o lambe̱ye̱ Yesu toi e?

Nje di mokwano̱ na Yesu e?

2. Moto e̱n te̱ ná di mombwea mo̱, a me̱nde̱ be̱ ńai ni le̱le̱m o senga mwe̱ndi masu.

Embilane̱ Yesu

3. We̱le̱ wame̱ne̱ o epol’a nu moto. Keka dutea ne̱ni a masengano̱.

1. Baise̱ wame̱ne̱ ná: ‘Njika mitakisan a be̱nno̱ e? Njika jongwane̱ eno̱ ná a to̱ndo̱ ná ba waneye mo̱ e?’ Bola la nika di me̱nde̱ jongwane̱ wa o lee̱le̱ mo̱ muyao ma mbale̱ na o ńai ńangame̱n.

2. Lambe̱ye̱ moto toi ná a so̱ṅtane̱ ná o mombwea mo̱. A langwedi te̱ wa jo̱nge̱le̱ lao to̱ mitakisan a be̱nno̱, o si tukwa to̱ti l’ekwali.

4. To̱po̱ na muyao n’edube. O lee̱le̱ te̱ moto nded’a mulema, o be̱ne̱ pe̱ ńo̱ngi o jongwane̱ mo̱, a me̱nde̱ so̱ṅtane̱ nika o ton ango̱ ńa bwambo. Bia po̱so̱ byala bo̱ngo̱, o bie pe̱ ne̱ni o makwalano̱ mo̱. No̱ngo̱ pe̱ jangame̱ye̱ ná o si kwala lambo le ná di bwese̱ moto ndutu.

5. Be̱ ńai ni le̱le̱m o jongwane̱. Wasa ne̱ni weno̱ ná o wanea nu moto jongwane̱ di mapule̱ mo̱, yete̱na yangame̱n nika. Muyao di malee̱le̱no̱ moto mwe ná mu bola mo̱ ńo̱ngi o kwala na biso̱.