Jinamoriya ni subagaya man ɲi

Sitanɛ b’a fɛ i ka jinamoriya kɛ. Mɔgɔ caaman be saraka bɔ bɛnbaw wala hakilimaaw ye k’u yɛrɛ tanga kojugu ma. U b’o kɛ sabu u be siran hakilimaaw ka fanga ɲɛ. U be bolokandenlanɛgɛw ni bololanɛgɛw don. U be “furaw” kunu wala u b’a mɔ u yɛrɛw la sabu u b’a miiri ko jinɛw ka fanga dɔ b’a la. U ka soow kɔnɔ wala dugukolo jukɔrɔ, mɔgɔw be fɛɛnw dogo n’u lalen b’a la ko see b’o fɛɛnw ye k’u tanga koo ma. Dɔ wɛrɛw be baara kɛ ni jinamoriya “fura” ye sabu u lalen b’a la k’a bena u dɛmɛ ka sanga sɔrɔ u ka koɲɛw, u ka lakɔli izamɛw, wala u ka furuɲɔgɔnman ɲininiko la.

Ka Jehova kɛ i teri ye, o ye i ka tangali fisaman ye Sitanɛ kama. Jehova Ala n’a ka mɛlɛkɛw ka sebagaya ka bon ka tɛmɛ pewu Sitanɛ n’a ka jinɛw ta kan ( Yakuba 2:19; Jirali 12:9). Jehova kɔrɔtɔlen be k’a ka fanga yira a teriw nafa kama, o minw be kantigiya kɛ ale la.—2 Tilew Kibaro 16:9.

Ala ka Kuma ko: “I man kan ka jinamoriya kɛ.” Jehova be jinamoriya ni subagaya jalaki sabu o kɛcogoyaw be se ka sin ka mɔgɔ bila Sitanɛ Naafigi ka fanga jukɔrɔ.—Levitike 19:26, NW.