A yira kɛnɛ kan ko i be Ala kanu

K’i teri mara, fɔɔ i ka kuma a fɛ. I b’a lamɛn, ani a b’i lamɛn. I fana b’i teri tɔgɔ ɲuman fɔ mɔgɔ wɛrɛw ɲɛ na. Walisa ka kɛ Ala teri ye, i ka kan k’o lo kɛ fana. A lajɛ, Bibulu be min fɔ nin koo la:

I ka kuma Jehova fɛ tuma o tuma delili kɔnɔ. A’ye “timinandiya Ala delili la.”—Romɛkaw 12:12.

I ka Bibulu, Ala ka Kuma kalan. “Kitabu kuma bɛɛ kɛra a sɛbɛnnikɛlaw kɔnɔ Ala dafiɲɛ fɛ. Nafa b’a la kalanni ni kɔrɔfɔli ni latilenni kama.”—2 Timote 3:16.

Mɔgɔ wɛrɛw dɛmɛ ka Ala lɔn. “O de kosɔn, a’ye taa siyaw bɛɛ kɛ kalandenw ye, . . . Ne ye ci minw bɛɛ fɔ aw ye aw ka u kalan ko u ka tugu o kow la.”—Matiyu 28:19, 20.

I k’i magwɛrɛ Ala teriw la. “Mɔgɔ min be taama hakilitigiw fɛ, o be hakili sɔrɔ.”— Ntalenw 13:20.

I ka taga lajɛnw na Masaya Boon kɔnɔ. “An ka an janto ɲɔgɔn na fana, walisa ka ɲɔgɔn jija kanuya ni kɛwali ɲumanw la. . . . an ka ɲɔgɔn ladi.”—Heburuw 10:24, 25.

Na n’i ka dɛmɛ ye ka Masaya baara kɔrɔta. “Mɔgɔ bɛɛ kelen kelen ye min latikɛ u yɛrɛw dusukun na, u ka o di. O nili kana gwɛlɛya u ma, a kana kɛ diyagoya ye, katuguni min be nili kɛ ni ɲagali ye, o de ko ka ki Ala ye.”—2 Kɔrɛntekaw 9:7.