6. Waajuli baara, duniɲa kuru bɛɛ kɔnɔ
“Kibaru diman bena fɔ diɲɛ yɔrɔ bɛɛ la.”—MATIYO 24:14.
● Muso dɔ tɔgɔ ko Vaiatea. A be Pasifiki kɔgɔji guun dɔ kan min yɔrɔ ka jan. O yɔrɔ be weele ko Tuamotu. Tuamotu ye guun sifa 80 ɲɔgɔn lajɛnnin lo ye, ani o guunw jɛnsɛnnin be yɔrɔba dɔ la min be ɛkitari miliyɔn 80 ni kɔ bɔ. Nka mɔgɔ 16 000 ɲɔgɔn dɔrɔn lo b’o guunw lajɛnnin kan. O bɛɛ n’a ta, Jehova Seerew sera ka taga bɔ Vaiatea n’a sigiɲɔgɔnw ye. Mun na do? Sabu Jehova Seerew b’a fɛ ka Ala ka Masaya kibaro diiman fɔ mɔgɔw bɛɛ ye, u mana kɛ yɔrɔ o yɔrɔ.
KOOW BE MUN LO YIRA? Ala ka Masaya kibaro diiman be fɔra duniɲa yɔrɔ bɛɛ la. Saan 2010 dɔrɔn na, Jehova Seerew ye lɛri miliyari kelen ni miliyɔn 600 lo kɛ waajuli baara la jamana 236 la. O kɔrɔ ko Jehova Seere kelen kelen bɛɛ be miniti 30 lo kɛ waajuli la loon o loon. Saan tɛmɛninw na, u ye gafe miliyari 20 ni kɔ lo bɔ ani k’u tilan tilan mɔgɔw ye. O gafew labɛnna walisa ka mɔgɔw kalan Bibulu koo la.
MƆGƆW KA TELI KA SƆSƆLI JUMAN LO KƐ? Mɔgɔw be Ala ka Kuma fɔra tɔɔw ye bi koo tɛ. A daminɛna a saan waa caaman ye nin ye.
TIƝƐN B’U FƐ WA? Tiɲɛn lo ko mɔgɔ caaman ye waajuli kɛ ka Ala kofɔ tɔɔw ye. Nka u fanba ye waajuli kɛ wagati damanin dɔrɔn lo kɔnɔ, ani u m’o kɛ yɔrɔ bɛɛ. Jehova Seerew kɔni ka waajuli baara labɛnnin lo koɲuman, ani u be kanpaɲiw kɛ duniɲa kuru bɛɛ kɔnɔ walisa ka se ka mɔgɔ miliyɔn caaman waaju. Jehova Seerew tora ka waajuli kɛ hali k’a sɔrɔ ɔriganisasiyɔn fariman dɔw y’a gwan u kun ko u k’u ka waajuli baara dabilaa (Mariki 13:13). Ka fara o kan, u tɛ Jehova Seerew sara ko u ka waajuli kɛ. Nka, olu yɛrɛ lo b’a latigɛ k’u ka wagati ta ka waajuli kɛ, ani u b’u ka sɛbɛw tilan mɔgɔw ye gwansan. U ka baara be sera ka kɛ niliw dɔrɔn lo sababu fɛ.
E BE MUN LO MIIRI? Yala Ala ka Masaya “kibaru diman” tɛ fɔra diɲɛ yɔrɔ bɛɛ la wa? O kiraya kuma be dafara minkɛ, yala o t’a yira ko koo ɲumanw bena kɛ yanni dɔɔni wa?
[Jukɔrɔla kunnafoni]
a Walisa ka kunnafoni wɛrɛw sɔrɔ, videwo saba nunu filɛ: “Fidèles dans les épreuves,” “Les triangles violets,” ani “La fermeté des Témoins de Jéhovah face à la persécution nazie.” Jehova Seerew lo y’o videwow labɛn.
[Kumaw ɲɛɛ 9 kan]
“An bena to ka a ka Masaya kibaro diiman fɔ ni kisɛya ye ani an bena tɛmɛ fɛɛrɛw bɛɛ fɛ ka se ka mɔgɔw waaju fɔɔ tuma min na Jehova bena a fɔ ko waajuli baara banna.”—ANNUAIRE 2010 DES TÉMOINS DE JÉHOVAH.