“A’ ye to Ala ka kanuya la”

1. Gafe “Gardez-​vous dans l’amour de Dieu” sɛbɛra kuun juman na?

¹ An kɔrɔtɔnen lo kosɔbɛ ka gafe kura nin kalan kafo ka Bibulu kalan na: “Gardez-​vous dans l’amour de Dieu” ! O kalan bena daminɛ feburu tile 23nan lɔgɔkun na. Koow Ɲɛnabɔla Jɛnkulu ye lɛtɛrɛ min ci Jehova kanubagaw kelen-​kelen bɛɛ ma, a kuma laban ko: “An jigi b’a la kosɔbɛ ko nin gafe bena aw dɛmɛ ka tiɲɛn sira tagama aw ka ɲɛnamaya kɔnɔ loon o loon walisa aw ka ‘to Ala ka kanuya la . . . ɲɛnamaya banbali’ kama.​​—⁠Jude 21.”

2. Gafe kura nin bena an dɛmɛ an ka ɲɛnamaya faan jumanw na?

² Kalan juman be sɔrɔ gafe nin kɔnɔ? An be se ka Bibulu ka sariyakolow sira tagama cogo di nin koow la: jɛnɲɔgɔnyakow, ɲɛnagwɛkow, faamanw bonyali, an yɛrɛ ka delinankow, furuko, kumacogo ani landakow? An dusukun bena kolo ka kɛɲɛ ni tilennenya sariyakolow ye minw kɔrɔtalen lo n’u be sɔrɔ Bibulu kɔnɔ (Zab. 19:​8, 9). N’an be Jehova ka miiriyaw faamu ka taga, o bena a nege don an na ka diya a ye ani o bena an lasun ka kolo a ye an ka ɲɛnamaya faanw bɛɛ la.​​—⁠Ntal. 27:⁠11; 1 Yuh. 5:⁠3.

3. Mun na an ka kan k’an seko bɛɛ kɛ k’an daa don kalan na lɔgɔkun o lɔgɔkun?

³ An k’an jija k’an daa don kalan na: N’i b’i yɛrɛ labɛnna, i k’a laɲini ka Ala tando a ka kafodenw cɛma (Heb. 13:⁠15). Kafo kuturu bena lajɛn ka gafe kura nin kalan. Komi dakun damanin dɔrɔn lo bena kalan lɔgɔkun bɛɛ, an bena se k’an yɛrɛ labɛn koɲuman. O la, an ye koo minw kalan, an bena se k’u tilan ni tɔɔw ye. N’an be kalan labɛn koɲuman, an ka lakalita gwɛnenw bena tɔɔw jija kanuya ni kɛwale ɲumanw kɛli la ani dɔ bena fara kalan diya n’a nafa kan (Heb. 10:⁠24). N’an kelen-​kelen bɛɛ b’an ka limaniya kofɔ, dɔ bena fara an ka ninsɔndiya kan fana.

4. Mun na a kɔrɔtalen lo kosɔbɛ an ka Jehova ka cikanw mara?

⁴ Yesu ye suu laban min kɛ dugukolo kan i ko hadamaden, a y’a ɲɛfɔ ko a kɔrɔtalen lo ka Jehova ka cikanw mara walisa ka to Ala ka kanuya la ( Yuh. 15:⁠10). Gafe “L’amour de Dieu” sababu fɛ, an bena an cɛsiri bɛrɛbɛrɛ ka Bibulu ka sariyakolow sira tagama an ka ɲɛnamaya kɔnɔ loon o loon ani ka “to Ala ka kanuya la.”​​—⁠Jude 21.