I be se ka kɛ Ala ka Kuma kalanbaga sɔbɛ ye cogo min na

I b’a fɛ ka kantigiya kɛ kɔrɔbɔli tuma na i ko Daniyɛli wa? Daniyɛli y’a sɔbɛ don ka Ala ka Kuma kalan, hali kiraya kuma minw faamu man nɔgɔ (Dan. 9:2). N’i b’i sɔbɛ don ka Bibulu kalan, o be se k’i dɛmɛ ka to kantigiya la. Cogo di do? O be se k’i ka limaniya barika bonya Ala ka layiduw koo la (Zozuwe 23:14). O be se fana k’i ka kanuya barika bonya Ala koo la. O kanuya bena i lasun ka koɲuman kɛ (Zab. 97:10). Nka i ka ɲi k’a daminɛ ka kalan kɛ mun lo kan? Ladili nunu lajɛ.

• N’ ka ɲi ka kalan kɛ mun lo koo la? Ka kɛ ni delinanko ɲuman ye kalan koo la, o kɔrɔ ko ka to k’i yɛrɛ labɛn lajɛnw kama. I ma lɔgɔkun ka Bibulu kalangwɛ yɔrɔ minw faamu, n’i be wagati ta ka sɛgɛsɛgɛri kɛ u kan, o bena i nafa. Ka fara o kan, dɔw y’a latigɛ ka dɔ fara u ka lɔnniya kan Bibulu ka kiraya kumaw, ciden Pol ka voyaziw, Jehova ka danfɛn yetaw wala hakili senu deen faan kelen kelen bɛɛ koo la. Ni ɲiningali dɔ nana i hakili la tile kɔnɔ, a sɛbɛ walisa ka sɛgɛsɛgɛri kɛ a koo la kɔfɛ.

• N’ be se ka kunnafoniw sɔrɔ min? Fɛɛrɛ dɔw be sɔrɔ videwo nin kɔnɔ: Sɛgɛsɛgɛri minanw walisa ka nafolofɛnw sɔrɔ Alako ta fan fɛ. A filɛ n’i be se sɛgɛsɛgɛri la: wara minw kofɔra Daniyɛli sapitiri 7 kɔnɔ, a ɲini k’a lɔn u ye duniɲa kuntigiba minw tagamasiɲɛ ye.

• N’ ka ɲi ka wagati joli lo kɛ kalan na? N’i be to ka kalan kɛ tuma bɛɛ, i bena to kɛnɛya la Alako ta fan fɛ. N’i b’a fɛ, i be se k’a daminɛ ni kalan kunkurunin dɔw ye. Dɔɔni dɔɔni, i bena dɔ fara kalan wagati kan. Ka Ala ka Kuma kalan, a be komi ka nafolo dogonin ɲini. N’i be to ka dɔ sɔrɔ o nafolo la, a bena diya i ye ka to k’a ɲini (Talenw 2:3-6). Ala ka Kuma bena to ka diya i ye ka taga ani Bibulu kalan bena kɛ i delinanko ye.—1 Piyɛri 2:2.

WARA MINW KOFƆRA DANIYƐLI SAPITIRI 7 KƆNƆ, U YE MUN LO TAGAMASIƝƐ YE?

• 

  Dan. 7:4

• 

  Dan. 7:5

• 

  Dan. 7:6

• 

  Dan. 7:7

ƝININGALI WƐRƐ:

Daniyɛli 7:8, 24 dafara cogo di?

I KA KALAN NATA LA:

Wara minw kofɔra Yirali sapitiri 13 kɔnɔ, u ye mun lo tagamasiɲɛ ye?