La Jehova ka kanuya kantigiman na

I koo ka gwɛlɛ Jehova ma (Ezayi 43:4). A y’i dɛmɛ ka kɛ a ka ɔriganisasiyɔn kɔnɔ ani k’i magwɛrɛ a la. I kɛtɔ k’i yɛrɛkun di a ma ani ka batize, i kɛra Jehova ta ye. A bena a janto i la hali wagati gwɛlɛnw na, sabu a y’i woloma k’i kɛ a yɛrɛ ta ye. A bena tɛmɛ a ka ɔriganisasiyɔn fɛ k’a ka kanuya kantigiman yira i la.— Zab. 25:10.

An be se ka dɔ fara an ka waleɲumanlɔn kan Jehova ka kanuya kantigiman kosɔn. Cogo di do? An be se k’a filɛ a ka ɔriganisasiyɔn ye min kɛ kɔsa la balawow tuma na.

VIDEWO NIN FILƐ: KƆRDINATƐRIW KA KƆMITE: SAAN 2019 KA RAPƆƆRI. O KƆ, ƝININGALI NUNU JAABI:

• 

  Kɔrdinatɛriw ka kɔmite ye dɛmɛ juman lo lase Tɔnbolow ma duniɲa kuru bɛɛ kɔnɔ walisa u labɛnnin ka kɛ balawow kama?

• 

  Tuma min na balawo kɛra Ɛndonezi ani Nizeriya, Jehova ka ɔriganisasiyɔn ye cikan jumanw lo di balimaw ma, ani a ye dɛmɛ juman lo lase u ma?

• 

  Jehova ka ɔriganisasiyɔn ye koow kɛ cogo min na Covid-19 fɔɲɔbana tuma na, mun lo y’i kabakoya o la?